لكل من تفكر بتخطيط بيت العمر -- تصيحه من ذهب راح تدعون لي

اخواتي الغاليات

كل من تفكر ببناء بيت العمر والتخطيط له انصحكم بالمحاوله قدر الامكان بتصغير حجم مسطحات البناء وان يكون مكان المعيشه من صاله ومطبخ وغرف متقاربه ويفضل ان يكون بدور واحد

لانه بالفترة القادمه ماراح تكون الظروف الماديه والاجتماعيه مثل ماهي الان الخدم بيكون ما يجون الابصعوبه جدا وعلاء المعيشه وارتفاع الاسعار يوم عن يوم يزيد

شوفوا بيوت الاوربيين كيف متقاربه ومنظمه وبنفس الوقت فخمه ماهو حنا الله يخلف مساحات ضاايعه على الفاضي والصيانه مشي حالك

وانصحكم انكم تلغون فكرة المطبخ الخارجي لاني اعتبرة سبب البلاوى للبيوت ويكون بؤرة لتجمع الخادمات وغيابهم عن رقاابه اهل البيت

ايش رايكم بنصيحتي قولوا رايكم بصرااحه:)

وحده تنصح من حلال تجربه مرهقه مع البيوت الكبيرة :(

29 تعليق 3,890 مشاهدة

شاركي في النقاش

سجلي الدخول لإضافة تعليق.

التعليقات

27
  1. @shoykar

    :)
    تصدقين دايم افكر بنفس كلامك فعلا المفروض يكون البيت على قد الواحد مو كبير على مساحات ضايعة ملاحظة اشوفها تقريبا في معظم البيوت مجالس كبيرة
    اسياب كثير ابواب كثير وساحاات تطرد فيها الخيول واللي يقهر ان افراد الاسرة فقط ثلاثة او اربعة يقولون اذا جونا ضيوف وين نحطهم ؟؟ :) تندمر الميزانية عشان الضيوف :)
  2. @dloaa_amp_hbob

    مشكورة على النصيحة
    ونا الحمد لله مخطط بيتي تشبه نصايحج
    وبالنسبة للمطبخ سويت مطبخ مزدوج يعني بابه برع الفله بس
    هو لاصق بالفله وتقدرين بسهولة وبسرعة تخلين وتطلعين لأني ما فصلته
    أتمنى تكونين فهمتي قصدي
    وإن شاء لله بقي البنات يستفيدون من نصايحج
    وأتمنى إذا أي ووحدة عنده ناصيح ثانية
    تتكرم مثلج وتضيفهم

    وأنا بضيف على نقاطج
    - الدرسنك روم خليه مناسب ولاتخلينه صغير مايكفي ثيابج
    - لا تخلين باب الحمام وانتوا بكرامة أو الدرسنك روم في الوجه يعني أول ما تفتحي الباب تلاقينهم قبالج
    - حاولي الدرج إذا كان بيتج دورين إرتفاعه مناسب عشان ما يتعبج في الصعود والنزول
    الكاراج خليه في زاوية بعيدة عن منطفة لعب اليهال عشان تضمنين سلامتم
    - اتجنبي الإضاءة الصفرة لأنها تتعب العين وبالذات في غرف اليهال أو المذاكرة لأنها غير صحية للقراءة
    - قد ما تقدرين ابتعدي عن الحمامات المشتركة يعني خلي الغرفة ضيقة شوي لكن لاتخلينها وسيعة والحمام مشترك
    - أبعدي غرفة الألعاب عن غرف النوم علشان تمنعين الإزعاج وقت الراحة
    وهذي النصايح إللي تحضرني حالياً

    طبعاً بعد إذن صاحبة الموضوع
  3. @alfrdos_bghyty

    لسلام عليكم ......................تبين الصدق











    كلامش في محله.................انا عايشة مع اهل زوجي في بيت عووووووووووووووود ........وعددنا بس 5 انفار بس ومضطرين نييب بدل الخدامة ثنتين غير المزارع والمزارع بروحه محتاج حد يساعده فراح وياب واحد يساعده
    والله ان ثلاثة ارباع الميزانية كلها اكل في بطونهم .........علشان شي انا قلت انشاالله يوم بابني بيت بابنيه على قدي

تابعي تجارب أخرى من هذا القسم.