شاركي في النقاش

سجلي الدخول لإضافة تعليق.

التعليقات

59
  1. صاحبة الموضوع
    يااخواتي تعبانة نفسيتي جدا

    تعدل يوم ورجع لورا بعد مازار اهله اليوم
    احس اني روحي بتطلع ميتة خوف من الطلاق
    واضح ان الرجال بايع
    اذاجاني تعدل واذا راح خرب
    واضح انه احد يشيشه علي او احد مسويله بلا

    ماغير ابكي يوميا
    احس ان بنجن من كثرة التفكير والهم
    مابي اتطلق ابي الستر

    :(

    وش الحل ؟
    وش رايكم اشكي حالي لشيخ يكلمه ينصحه
    يمكن ربي يهديه ويتراجع عن ظلمي

    ماودي ادعي عليه يشوف اللي ورانيه في خواته
    ويحس بحرقة اخواني لما يشوفوني مهمومة ومظلومة

    اللي عندها نصيحة ترسل لي على الخاص لو ماتبي تكتبتها هنا بالعام
    اهم شي لا تتركوني مالي الا انتم بعد الله
  2. @mshroaa_fylsof

    فلة تلعب سلة
    يااخواتي تعبانة نفسيتي جدا تعدل يوم ورجع لورا بعد مازار اهله اليوم احس اني روحي بتطلع ميتة خوف من الطلاق واضح ان الرجال بايع اذاجاني تعدل واذا راح خرب واضح انه احد يشيشه علي او احد مسويله بلا ماغير ابكي يوميا احس ان بنجن من كثرة ال…
    هلا فلة

    شوفي ياقلبي ان كان هو رجال عاقل ومستقيم صدقيني ما يطلق بسهولة

    ترى الطلاق مو كلمة وتنقال ... تراه موضوع صعب يبي له استخارة وتفكير


    عندي احساس قوي ان في بيت اهله مشكلة او موضوع كبير شاغل باله

    عشان كذا هو ماد البوز عندك ويمكن كمان يكون ماد البوز عندهم

    @ انت ادي واجباتك هاليومين من طبخ ولبس ونظافة بس ابعدي عنه شوي

    @ لاتتلزقين فيه يعني حطي له القهوة وتقهوي معه وانت تضحكين وتناظرين التلفزيون

    لاتلحين عليه في السؤال كأن مالك سند بهالدنيا

    @ وكمان لاتقعدين تمطخين فيه كل شوي ترى يمل ..... معاني المفردات (تمطخين = تبوسين )

    @ خليك مرحة وضحوكة وراعية نكته عشان يصير في حياتك اكشن

    يعني تحري وقت دخوله الغرفة وسوي نفسك ترقصين عند المراية ..

    وكأنك ماتدرين انه بيدخل وانك ودك ترقصين بلحالك

    ادري ان مالك نفس بس ادعي المرح والوناسة

    @ ترى الرجال يملون من حياة الرومانسية المستمرة لانها تخالف فطرتهم وطبيعتهم

    @ لاتسألينه وش فيه خليه على رااااااحته اذا طاح اللي براسه بيسفهل

    @ كلمي صديقاتك واضحكي وانبسطي اذا كان هو معتصم في الغرفه

    @ عيشي يومك بكل سرور حتى لو كان من وراء قلبك

    وحسسيه ان حياتك ماشيه برضا اهله او بعدم رضاهم لاتعطينه ايحاء انك بتموتين .

    @ احذري المشادات الكلامية معه .. اذا عندك شئ قوليه بأدب وهدوء وثقه عالية .


    كلنا نبي الستر وراحة البال بس مانبين نقاط ضعفنا للأقوى منا .


    وربي يافله يالاعبة السلة اني حاسة بشعورك وبضيقك وهالاجواء تأزمني وتضيق صدري

    ولكن اضغطي على نفسك واكسبي الموقف في صفك .. لازم تظهرين قوتك حتى لو زائفة ..


    الله يجبر خاطرك ويفرج كربك ويسخر لك زوجك سخرة عظيمة عاجلا غير آجل
  3. صاحبة الموضوع
    ابحاول انفذ نصيحتك
    الله يصبرني بس من وين اجيب الوناسة وقلبي مهموم
    حتى قريباتي وصديقاتي مااعطيتهم رقمي الجديد اللي هو جايبه لي عشان مايتضايق لو انشغلت عنه بسواليفي معهم
    جوالي صامت مثل ابو الهول محد يدق الا هو


    مشكلتي اني بينت حاجتيله وتمسكي فيه وانه هو كل دنياي واهلي وناسي
    الظاهر اني غلطت يوم قلت له انت جنتي وناري

    :(
  4. فلة تلعب سلة
    ابحاول انفذ نصيحتك الله يصبرني بس من وين اجيب الوناسة وقلبي مهموم حتى قريباتي وصديقاتي مااعطيتهم رقمي الجديد اللي هو جايبه لي عشان مايتضايق لو انشغلت عنه بسواليفي معهم جوالي صامت مثل ابو الهول محد يدق الا هو مشكلتي اني بينت حاجتيله …
    الله يرده لك ردا جميلا

    ويرد اهله لك ردا جميلا

    اللهم صب حبها في قلب زوجها صبا وارها اياه عاجلا غير آجل

    اختي اعملي بنصائح الاخت مشروع و عمرك ما تحسسي الرجال انك تخافي من الطلاق او انه كل شئ يحياتك

تابعي تجارب أخرى من هذا القسم.