ساعدوني بآخر حركات الأستقبال للمولود وامه

صاحبة الموضوع 20 يوليو 2007

مرحبا بنات :26: ..
ومشكورين على تفاعلكم ودعواتكم الحلوة الله لا يحرمني منكم ويجزاكم كل خير ..
تقريبا انا خلصت :icon28: وبقولكم نتيجة صولاتي وجولاتي
واختياراتي في النهاية كانت :
" معليش ممكن اكون عدت كذا معلومة بس بحط هنا ملخص للتجهيز اللي وقع عليه اختياري من الألف للياء " :42:
المفرش >>> من البيت السعودي ولبقت عليه مفرش وخداديات مخمل مشكوكة تنحط على طرفه .
قميص الأستقبال >>> من واحة الجلابية والقمصان بمستوى بوتيكات العليا بس بنص سعرها .
بدلة الأستقبال للمولود >>> فصلتها عند الخياط وطلعت حلوة الحمد لله عبارة عن بدلة رجالية بس لها ذيل طويل الف طرفه على البيبي الله يحفظه بمشبك والباقي طويل اشيك وارخص من اللي في المحلات .
ملابس المولود العادية >>> اخذتها من سيتي بلازا + مملكة الطفل .
سرير الطفل >>> اخذت السرير الباسكت ولونه ذهبي وهذا بيكفي ان شاء الله كم شهر .
هدايا المولود >>> اخذتها من محل استديو الشوكولاتة وعليها بطاقة تعريف للبيبي كلماتها طريفة .
الشوكولاتة >>> اخذتها من لي واخذت جزء ملبس باكسسورات وجزء سادة .
هدايا المولود + الشوكولاتة >>> صفيتهم بعربة بطريقة فنية حلوة ..
والعربة زينها لي عالم الورود وطلعت الحمد لله رايقة .
التمريات >>> من درة الصالحية .
الموالح >>> من لافندر + مادري ودي اعبي من محل ثاني بعد .
الفطائر >>> من الأخت العضوة بحر الزين مفرزنة + كبة يا مال الشام مفرزنة + مرات اوبرا وروز + مرات هدى الربيعة .
الحلى >>> باخذ من الميني كيك والكلير من القباني + حلى بيتي + مارشملو مغروز باناناسة .
الصواني >>> بالنسبة لصينيةالعصير + الموالح اخذت صينيتين عندي قديمة ووديتها لمحل هدايا غلفها لي وزين اطرافها وبالنسبة لصينية الموالح كانت اكبر طبعا قسمها لي 6 اقسام .
بالنسبة للصينية اللي راح اقدم فيها الفطائر + الحلى والميني كيك اخذت بروازين حجمهم مو كبير مرة ووديتهم محل هدايا ركبلي هدب كرستال على اطرافهم وصلحلهم قاعدة مرتفعة وطلعت زي صواني شارع الثلاثين بس ارخص بكثير.
العصير >>> من اي محل ... وبحط عليه ملعقة ايسكريم واخططه بالهيرشي او الفيمتو .
السكر >>> اخذت نوع من الأخت العضوة تاتش لف على شكل صدف + نوع من محل استديو الشوكولاتة بكرستال + صفيتهم بعلبة خزفية على شكل صدفة .
عساني ما اكون نسيت شي :09: ....
ادعولي يابنات انا الآن بآخر التاسع :( لا تنسوني وانا اذا قدرت ادخل للموضوع ما راح اقصر ...
احبكم في الله .