استشاره واتمنى المساعده

مشكورين .. الله يجزيكم خير

انا تعبانه وموعارفه شسوي ، عيالي كاسرين خاطري ... وهذا اللي مخليني بالعه المر وساكته
افكر كيف بتكون علاقتي فيه وفي اهله كارهتهم كلهم وربي ما ادري شسوي ، وخايفه اوقات المناسبات زي الوفاة والزواج .. الخ هل بقدر اجتمع معهم بمكان ... :icon33: ما اقدر ما ابغيهم عايفتهم وهو اولهم ، بس عيالي معقول احد فيهم بيتزوج وما احضر زواجه ؟؟؟ علشان اهل ابوه بيحضرون ... وااااااي قلبي يتفتفت منهم ومن ولدهم .. تعبت من التفكير والله
وحضرته المحترم مسوي نفسه انه شخصيه قدامها وانه على وعده لها ومايكلمني نهائيا وعلاقته فيني مقطوعه ، ومصدقته مايمديه يدخل البيت الا اتصلت عليه ويرد عليها بمنهى الادب والاخلاق والهدوء .. بجي الحين ... كذاااااب والله حده الكذب عنده زي الهواء يتنفسه ومن غيره مايعيش ..
اتمنى الارض تنشق وتبلعني وما ارجع غرفته .. اصلا كارهتها ولا احب امر قريب منها ، ذكرياتي فيها اليمه ومررررره وعلقم ، اعوذ بالله الله لايردها من ايام ..
ساعدوني والله تعبانه ما ابغي افكر تعبت من التفكير .. تعبت صداع بيفجر راسي ونوم مافيه قلق مرره متعبني ...

اسلي نفسي واقول لها انت ارمله وزوجك مات وارتاااااح شوي بس من يجي البيت ترجع لي حالة الهستيريا والقلق ما ابي ارجع غرفته:( :icon33: :( :icon33:


آآآآآآآآآآآآآآآآآآه

استشيري أخصائيين في هذا الموضوع ..وأن شاء الله راح يساعدونك ...

ماشاء الله عليج كلامج عين العقل الله يحفظج

بس يا أختي همومي كثيره

أعتقد لو تدخلين أحد من أهلك أو شيخ يوقفه عند حده يكون أحسن

لأن من كلامك باين أنه يعامل زوجته الثانيه بكل احترام ,, أكيد في سبب

والسبب أعتقد أن ورا زوجته الثانيه أهل يوقفونه عند حده ولا يخلونه يتمادى ويغلط على بنتهم

وبغيت أقولج حبيبتي اذا ضربج مره ثانيه حاولي تروحين للمستشفى عشان يعطونج تقرير بحالتج والضرب اللي تعرضتي له ,, هالشي صدقيني بيكون في صالحج لأنج لاسمح الله اذا طلبتي الطلاق بيكون عندج حجه ودليل على سوء معاملته لج

الله ييسر لج أمورج وتنحل مشاكلج عاجلاً غير آجل يا قادر ياكريم


طمنينا عليج يالغاليه

السلام عليكم

يعطيكم العافيه ..

اختي اهلي كلموه ولا اهتم فيهم بالعكس طردهم من البيت يقول دايما يوقفون بصفك ليه مايأدبونك ويضربونك مع كل مره تصير مشكله ويخلونك تذللين نفسك وتصيرين تحت رجلين زوجك ... وكلمت شيخ معروف جدا واستدعاه وهو مايدري اني لي شغل بالموضوع وراح والا ماكان راح ، وثار وعصب وزاد عليّ التقتير والبخل وحرمنى وعيالي اكثر من ماكان حارمنا بعذر اني فضحته وكلمت شخص غريب اللي هو الشيخ ..
وعن الصلاة يصلي احيانا باليوم فرض واحد بس عاد اللي يكون بخاطره يا اما الفجر بس الساعه 6 وقت روحته للعمل <<< هذي اللي شفتها قبل مايترك البيت والحين ما ادري عنه .. او المغرب نادرا جدا

آخر صيحه جاني الرجال يبغى اكل وطبخت له غدا ومسح الصحن << ميت من الجوع حتى ماخلى للعيال شي ياكلونه << هو ترى متزوج بعذر اني ما اعرف اطبخ ومجوعته ؟؟؟ وكل مادخل علينا البيت يسأل مافيه اكل ..!!!
المهم الاخ طلب مني اطبخ للناس بفلوس ( بزنس )؟؟ << ايش معناه هالكلام ؟؟ هل الناس بتشتري اكل مو عدل ؟؟ حسب قوله عن اكلي دايما ... كنت اسمعه بكل احتقار ومترويه وسألته ليه تبغاني اطبخ للناس قال تكونين من سيدات الاعمال والاسر المنتجه ومدخول ماتحلمين فيه ...!!
حضرته يبغى يخلص من مصروف العيال بالمره .. معلومه صغيره بس لكم ( حضرته موظف بأرامكو وسنير ) ... ويبغاني اطبخ للناس وابيع .. ايش رايكم ؟؟
طبعا انا ماكنت ابغى اطولها معه واقابل وجهه اكثر بالاخذ والرد بالكلام قلت له خلني افكر .. راح ورجع وقال كم تكلفة الادوات والاغراض المبدئيه للمشروع ..!! قلت له من وافق عليه الحين ..؟؟ قلت بفكر .. قال بس ابغى اعرف .. يبغى يدرس التكاليف ... يعني محتاج مساعده مني مسكين والاكيد حسب الاخلاق والنذاله والرذاله اللي عنده لو وافقت هذا لو وافقت اصلا .. بكره بيجي بيقول وين الارباح وبتروح له وللمدام ..
طبعا مستحيل اوافق وراي اخوان لو يوصلهم خبر قطعوني

اتحاف بمزيد من الاوصاف لديه .. يجعل القاريء يحتقره اكثر واكثر

الله يسلمكم ولا يبتليكم بما ابتلاني

مع السلامه

:icon33: :icon33: :icon33:

محد حولي