حلا جاهز 000 بس ماعرف اسمه

السلام عليكم ورحمة الله
خواتي بدخل بالموضوع على طوووووووول
من كم يوم جابت زميلتي حلا مع القهوه
عباره عن عجينه شبه دائريه بحشوات مختلفه فراوله - شكولاته - مشمش
وتكون كل نكهه في كيس ومعها القراطيس اللي تنوضع فيها العجينه
هي تقول انها تشتريها من القصيم بكميات كبيره وتضعها في الفريزر
وقبل التقديم بربع ساعه تطلعها وتصف العجينه بالقراطيس وتحطها بالفرن
وتحمرها من تحت ومن فوق وعلى فكره هي تشبه المعمول الصغير
بس طعمها لذيذ وبعد حلوه وقت الزنقه
فاللي تعرف وين ممكن الاقيه في الرياض تقولي وللي يرحم والديها
على فكره صاحبة الحلى تقول انها تاخذه من مخابز في القصيم
وشكرا لكم

6 تعليق 1,094 مشاهدة

شاركي في النقاش

سجلي الدخول لإضافة تعليق.

التعليقات

6
  1. @alkyan_1

    وعليكم السلام ورحمة الله وبركاته

    الحلا اللي قلتي عنه اسمه (( عجينة سولاف ))

    وانا اخذته من سوبر ماركت الحربي في الرياض ومتوفر زي ما قلتي بنكهات مختلفه ( توت ، فراوله ، مشمش ، تمر )

    وإذا احتجت اي سؤال انا بالخدمه .
  2. صاحبة الموضوع
    الف شكر لك اختي الكيان على سرعة ردك والله يوفقك يارب
    بس بغيت اسأل عن سوبر ماركت الحربي وين موقعها بالضبط
    ومره ثانيه اشكر لك حسن تعاونك

    :26: :26: :26:
  3. @almahrh

    اهلين اختي رويم
    موجود عند سوبرماركت العثيم_وايضا فيه محل مكسرات بشارع بريدة .

    وان شاء الله اني افدتك.:27:
  4. @ltltam_rbgtgt

    اهلين اختي رويم البنات كفو ووفو جزاهم الله خير بس حبيت اقولك انه في كل سوبر ماركت في الرياض(العثيم وبنده وحلواني والتميمي) وافضلهم سعر دائما العثيم
    :26: :26:

تابعي تجارب أخرى من هذا القسم.