ممكن طلب ونصايحكم ياخواتي........

السلام عليكم ورحمة الله وبركاته
كيفكم اخواتي
سألتكم بالله خدمة منكم خواتي
انا زوجي سافر صار له اسبوع وراح يجلس بعيد عني شهرين وبيرجع ياخذني
وبصراحة انا ودي اني اغير من نفسي ابي انزل من وزني وابي اسوي لي برامج تجميلية للشعر والبشرة ويعني ابي اشياء تفيدني
اقصد اذا زوجك بعيد عنك وراح يكون بعيد لمدتة شهرين وشوي تقريبا ما ادري يابنات وش نصايحكم لي وش اسوي وش البرامج اللي ممكن اتبعها للجسم والشعر يعني من الاصبع الرجل الى الراس
وبرضوا انا سجلت في نادي رياضي
بس ودي ببرنامج غذائي وللجسم والشعر وكيف اتواصل مع زوجي وهو بعيد وهل اخليه يشوفني بالماسنجر او لا اخليه يتفاجا فيني بعدين يعني اكلمه بس صوت
و نفسي اصبغ شعري وانا من سكان الرياض فاياليت تدلوني على مشغل زين وسعره معقول
ياليت يا اخواتي انكم تعطوني من نصايحكم الله يعطيكم العافيه.


لا اله الا الله.. وسبحان الله ..والله اكبر

6 تعليق 706 مشاهدة

شاركي في النقاش

سجلي الدخول لإضافة تعليق.

التعليقات

6
  1. هلا والله
    حلو تفكيرك ابداي في اللي تفكرين فيه منها تستفيدين
    ومنها تقضيه وقت وتسليه
    بس بالماسنجر خليه يشوفك احيااانااا ان طلبك ليه لا حلالك وانتي حلاله
    بس اذا كنتي في الرياض وين بالظبط عشان اعلمك بمشغل شغلهم حلو
    واذا ودك تقولين ومحرجه قوليلي عالخاص عشان اوصفلك المشغل وين
    اذا حابه ..
  2. اول شي اذا كنتي سمينه سويلك برنامج غذائي خليه كله بروتينااات وكثري مويه وكلي خيار عشان تصفى بشرتك ..

    ثاني شي اهتمي بجسمك .. واشتري ملابس جديده لزوم الوك الجديد .. تعلمي فنون المكيااج واستفيدي دام انك فاضيه ..

    اصبغي وقصي شعرك .. وبالنسبه للماسنجر انا اشوف انك تكلمينه صووت بس
    عشان بعد شهررين يكووون مشتاااااااااااااااق لك ولشوفتك فعلا ..

    الله يهنيك ويسعدك يارب
  3. اذا شهرين...... خليج ع الخلطات الطبيعيه .......... يوم تبيض... ويوم سكراب .... ويوم حمام زيت للجسم .... وطبعا ما تنسين حمام زيت للشعر .... وحمام الارجل واليدين ..... ولاتنسين خلطات الوجه .. في خوات عندهم خلطات روعه مثل الاخت توليب الله يردها بالسلامه ... وعندج فروسه.. وعندج سعوديه ...... ولاتنسين تشترى لج كم قميص نوم...... وقبل ما يجئ ريلج ... بأسبوع ..... ريحى جسمج من الخلطات .. وسيرى اصبغى .. اخر يوم بس سوي حمام مغربي .... ولاتنسين تختارين لج مفرش جديد.... وحركات حلوه للحمام .... وتجهزين له هديه ..... وحمام ملكلى وياليت تشترين شور وكريم من ماركه فاخره لريلج .... وفي الليل تزهبين له عشاء فاخر .. والله يتمم لج ع خير
  4. @fd_ngd

    انا أقول لا تخلينه يشوفك
    اصبغي وقصي وسوي تنظيفات للبشره
    اشتري ملابس جديده وحلوة
    يعني جهزي كنك عروس
    منها توسعين صدرك وصدره
  5. @janam

    صاحبة الموضوع
    moooon_ksa
    اول شي اذا كنتي سمينه سويلك برنامج غذائي خليه كله بروتينااات وكثري مويه وكلي خيار عشان تصفى بشرتك .. ثاني شي اهتمي بجسمك .. واشتري ملابس جديده لزوم الوك الجديد .. تعلمي فنون المكيااج واستفيدي دام انك فاضيه .. اصبغي وقصي شعرك .. وبالنسبه…
    مشكورين خواتي على ردودكم الرائعة والله تشجعت اكثر بكلامكم

    اختي شذى الورد انا في الرياض وعادي عندي اروح اي منطقة من مناطق الرياض مو مشكلة عندي دام المشغل حلو وشغلهم زين مافي اي مانع.

    الله يعطيكم العافية:26:

تابعي تجارب أخرى من هذا القسم.