السلام عليكم يابنات
8_8
المهم كيف حالكم؟؟
شوفوا انا عندي مشكله كبيره جداااااااااااااااااااااااااااااااااااااا
بس ان شاء الله بلاقي حل عندكم ومن استشاراتكم
أنا الحين بالرياض
المهم سؤالي
انا بصراحه أبي فستان بسيط نعوم وغريب ومميز ولونه حلو وعلى الموضه
انا في بالي ياأما فضي ياأما موف على فضي ياأما أسود ياأما أبيض ياأما بنفسجي
وابيه لعشاء ملكه الاسبوع الجاي
المهم انا في مشكله لأن المتوفر عندي فقط 500 ريال يمكن ان تزيد شوي هع
والمشكله انا في بالي محلات بالرياض كثيره واسواق كثيره
لكن المشكله في الاسعار وغير كذا الوقت والروحه والجيه
وسألت كثير واحس ان فكري تشتت من كثر المعلومات اللي براسي
المشكله اني متعقده من فستان العام لزواج فصلته بـ 2800 ريال ومالبسته الا مراا وحده
ولـ كم ساعه بس ولحد الحين محذوف بالدولاب
المهم انا أبي استشارتكم وين أروح له ومن وين اشتري وايش اسوي
بليز معلومات سريعه
بس اهم شيء مايكون غالي وغير كذا ابيه مميز جداا
انا ناس كثير قالوا لي روحي لشارع العليا فيه كم محل حلوات
بس انا متأكده انها غاليه وأسعارها نار
ومراا قالوا لي روحي عماير السيركون وكمان خايفه تكون غاليه
وقالوا لي كم محل بالفيصليه والمملكه ونفس المشكله
وقالوا كم محل بالعليا مول والخريص وغرناطه والأندلس
بس انا حالياا شايله من راسي ان اروح لأسوق الموسى لانها مو حلوه ابداا ماجات على مزاجي
وغير كذا سوق الرياض مول والعثيم مول ماعجبوني مراا ومستحيل اشتري منهم
وصحاري شفت فيه كم فستان نعوم بس المشكله فوق 1000 ريال
مشكلتي اني لاتحسبون اني بخيله خخخخخخخخخخ
بس انا وراي فساتين زواجات جايه بالطريق بتكلفني كثيرر
لانه اقل فستان يمكن يكون يعجبني ب 2000 ريال
المهم فكرت اروح مصممات بس قلت بتاخذ وقت وانا ماعندي الا اسبوع
وأخاف اخذ جاهز من عند المصممات ويطلع قديم ولابسه احد قبلي خخخخخخخخخخخ
فكرت اروح بكره لسوق بشرى النسائي بس المشكله محد مدحه
وكمان فكرت اروح لمصممات بأسواق النمر بس نفس المشكله مادري وش اسوي
وكمان قالوا لي كم محل بالرياض كثيره والله مسجلتها عندي
بس انا ضايعه مدري وش اسوي
واخر شيء ابي كل وحده تدخل تقول اخر موضه بالاقمشه والالوان والستايل العام للبس
وايش الحركات الغريبه والجديده اللي كل وحده شافتها بالزواجات اللي راحت لها
اكيد انكم حضرتوا زواجات كثير
فبليزز قولوا لي وش اخر المستجدات باللبس في هالزواجات وشكرااا
المشكله صعبه الاقي فستان نعوم وحلو وبفلوس قليله
والله مشكله :(
وماباقي الا اسبوع
شاركي في النقاش
سجلي الدخول لإضافة تعليق.
التعليقات
9- اختي 500 ع فستان جاهز مارح تلقين حتى مقبول
بس تفصيل ممكن جدا اذا لقيتي خياط ممتاز وعرفتي تاخذي مقاسك
اذا تكلفتك 500
روحي للدخيل وخذي قماش
والفساتين النعومة النت مليان وكثير فساتين حفلات هوليود ناعمة اطبعي الصورة مع طمس الوجه وجسم طبعا :arb:
وخذي مقاساتك مضبوط وديها لخياط صح
وباذن الله ماتتجاوز 500 - مافيه وقت المشكله خخخخخخخخخخخ
مافيه الا اسبوع
وانا شفت فساتين جاهزه ونعومه وبـ 400 ريال
بس المشكله انه بمحل بالعثيم مول ومتاكده انه فيه احد بيصير مثلي
وبصير طقم انا وياها هاللي بتلبسه خخخخ
انا اقصد مو فستان فستان فخم بالمراا
اقصد فستان ناعم
اكيد بلاقي بحدود ال 500 والله ماعرف خخخخخخخ
وش الحل
ياربي
عموما مشكوره قلبوو وربي يوفقك
انا ناويه اخيط بالزواجات لاني ناويه اخذ قماش واختار الموديل اللي على كيفي
بس الحين ماينفع
ياربي
وش اسوي - طيب انا حتى مو لازم فستان بمعنى فستان
يمكن يكون يكون تنوره وبلوزه او حتى بنطلون بس اهم حاجه يكون شوي فخم يناسب ملكه
مادري افكر اروح لحياه مول تنصحوني ولا لا - (مشكلتي اني لاتحسبون اني بخيله خخخخخخخخخخ)
هذا مو بخل هذا يسمونه ميزانيه معقوله
(بس انا وراي فساتين زواجات جايه بالطريق بتكلفني كثيرر
لانه اقل فستان يمكن يكون يعجبني ب 2000 ريال)
ياساااااااااتر لازم يصير غالي عشان يعجبك
حبيبتي انصحك تلبسين اللي مركون بالدولاب دام انها ملكه مو زواج
وعموماً انا شايفه ملابس نعومه في غرناطه ب200 فما فوق - ريهام هلا فيك
مشكوره قلبوو على ردك
انا اقصد انه انا شفت فساتين لزواجات وعجبتني ولقيت سعرها ب 2000 ريال اتمنى فهمتي علي
وبالنسبه للي مركون بالدولاب ماينفع
لانه مرااااا فخم وطويل مرااا وتبع زواج فعلاا
لانه كان تبع زواج اخوي
يعني تنصحيني اروح لغرناطه مول
انا تو رايحه له الاسبوع اللي فات بس المشكله اني لما كنت هناك ماأنتبهت لفساتين الحفلات خخخخخ
ان شاء الله اروح واشوف
مشكوره
مواضيع مشابهة
تابعي تجارب أخرى من هذا القسم.