تخيلو راقصة البرتقاله...سلفتي وجارتي ...تتوقعون ايش صار ؟؟؟

السلام عليكم ورحمه الله وبركاته ........... بقولكم قصة صديقتي المقربه لي واحداثها حقيقة وواقعية......
************

ودى بس اعطيكم نبذه مختصره عن بعض من تصرفات أهل زوج صديقتي الاغرب من الخيال.الام قبل مايقدم ابنها على الزواج تعطيه بعض من الدروس كيف انه يصرف على زوجته بلقطاره وانه يفهمها انه مديون بسبب الزواج ولازم الاقتصاد الشديد في الاكل والشرب والكهربا والماء على سبيل المثال في بدايه زواج صديقتى كانت ساكنه معاهم لكن بشقه منفصله بالدور العلوي وكانوا هم اللي يطبخون الغدا (وجبه وحده في اليوم)تقريبا جناح دجاجه وقطعه بسيطه من الصدر والرز تحط الملعقه تسمع صوت الصحن يعنى وجبه لا تكفي لطفل؟؟؟

وللعلم هذا المفروض وجبة غدا لشخصين؟؟؟وغيرهاوغيرهاوغير المراقب بالدخله والطلعه ومين يزورها وليش تطول بالنوم وليش دايما بيت اهلها؟؟ وقدام صديقتى يمثلون الطيبه والحب وانها البنت الي ما ولدتها امهم ومن جهه ثانيه تمسك الام الزوج وتحشو راسه بالكلام مثل لا توديها بيت اهلها واذا تبي تروح خل سواق اهلها يوصلها ويرجعها ماصروف مافيه لانها مدرسه ؟؟
لا تطلعها ليش المطاعم والقهاوى بس خسارة فلوس؟ وانت الرجال الامر الناهى وهى زى الجزمه (وانتو بكرامه) ولو بودهم اشعلنا شموع بدل الانوار.لاتستغربون هاذى الحقيقه وماتدرون ان الخافي اعظم؟؟؟؟
وصديقتى ياااغافلين لكم الله؟؟؟كانت تحس بتلاطيش الكلام.ومصدقه التمثيل هذا كله.......
المهم....بعد زواج الاخ الثانىبدات تتضح صورة اهل الزوج كما اسلفت...و.بعده بكم شهر تزوج الاخ الثالث وهذا شبه مقرب من صديقتى( يعنى الاكثر احترام لها من باقي الاخوان الخمسه) لانه صديق اخوها..
هذا الاخ يحب الزين والكشخه ومتشرط بزوجة المستقبل بالرغم انه عادي ووظيفته عاديه مثل باقي اخوانه وانا استغرب منهم انه كل واحد من هالاخوان شايف حاله على زوجته بالرغم انهم اقل من العاديين؟؟ على ايش ما عرف؟؟

طبعا كالمعتاد تتم الخطبه وكل شى واذا بكره الملكه يقولون حق حريم الاخوان بالليل(يعنى يحرصون علىالتكتم الشديد)طبعا صديقتى ماشافت العروس لان تمت الملكه وبعد شهر الزواج حفل بسيط في منطقة العروس
( تبعد ساعه ونص عن السكن الحالي لاهل الزوج وبمسقط راس اهل الزوج اساسا واهل العروس من المقيمين فيها) وصديقتى في هذاالوقت كانت مسافره .طبعا ووصفوا اخوات الزوج العروس وصف لملكة جمال الكون الى مالها شبيه ولا وصيف.صديقتى متحمسه تبغى تشوف الزوجه الملاك؟طبعا الاخ العريس يتكلم عند صديقتى ويقول لها ان زوجته بنت عقيد متقاعد في الحرس وقبيليه من اصول مايطلعون بناتهم(ولانه شى طلعوها عشانه) وانه بيسافر شهر العسل الى اوروبا وانه سافر لكويت لزيارة خالتها مبدئياوصديقتى تبارك وتهنى(طبعا صديقتى تكلمه اثناء سفرها بعد الزواج بخمس ست ايام تقريبا علشان تبارك له الزواج)بعد مارجعت صديقتى من سفرها اشترت الحلى
والهديه القيمه للعروس وزوجها وراحت تبارك علما ان العروس ساكنه بالشقه الملاصقه لشقتها تتوقعون ايش صار؟؟

صديقتى للعلم( كشخه ومملوحه وشكلها اصغر كثيرا من العروس وطباخه بشهادة الجميع ومن ضمنهم اهل الزوج).ومنذ ان دخلت صديقتى بيتها استقبلتها... العروس( وهى قبيليه او من الذين يحملون اسم القبيله فقط من دوله عربيه ليست خليجيه يشتهرون بالرقص واللبس الخليع او المغري)!!!
تستهزأ بها وتسخر من شكلها وتضحك وقضت الزياره والعروس تمدح وتعدد مزاياهاومحاسنها وانها ملكة الجمال التى يتسابق الخطاب لطلب يدها وان شيخ القبيله المزعومه خطبها ورفضته وكل هذاو صديقتى مندهشه من هذه الآفه الغريبه وتحاول كسبها بالمديح وانها مثل اختها لانها ستكون جارتها وسلفتها ولا حياة لمن تنادى؟

( وانا رايتها بام عينى بيضاء طويله جسم غير متناسق بشره غير صافيه مكياج ملخبط الشعر كشه لاتعرف شى اسمه استشوار طبعا بعيده كليا عن شى اسمه اناقه وستر تلبس العاري امام اخوان زوجها وتتظاهر انها ماتدري وهم مثل اخوانهاوالادهى انها ترقص امام ابو الزوج ولامانع من الاخوان ان يشاهدوا مقتطفات من وصلة الرقص؟؟لان اخوان زوجها مثل اخوانها(اتوقع هذا منطق ....)...؟؟؟؟

وغير انها تتمشى في بيت اهل زوجها بطولها ولا تسمع لكلام الام ولاالاخوات ان تغطى نفسهاوطبعا مايبغون يقولون للعريس علشان مايخربون عليهم؟؟(وبروحه مو طايقها بس يكابر شكله توهق)
طبعا صديقتى بدات ا تتحاشى اتصالاتها منذ ذلك الحين وتتهرب منها. وبعد شهر وكان شهر رمضان دخلت على صديقتى من غير استئذان واخذت تعتذر وتبكى انها شعرت ورأت الطيبه ولم ترى الشر منها وكل اللي صاركان بسبب ام الزوج التى حذرت العروس من صديقتىبانها راعية مشاكل وعيونها حاره وتحب تساأل عن كل شى وكلااااااااااام كثير ومنه ماثبت ومنه الله العالم تأليف.؟؟؟؟

وبعدها اخذت تستعطف وتبكى وتقول انها ليست قبيليه وانها من تلك الدوله المشهوره بالرقص وان ابوها ليس عقيد متقاعد وانه مجرد رتبه بسيطه بالحرس ومتقاعد وفقير وهم سبع بنات وراتب ابوهم على قدهم وامها مسحوره من 15 سنه وتمرض عليهم بالشهروانها تكبر العريس بالسن(وهذه النقطه الاشد حساسيه في عائلة الزوج)ولم ولن تسافر الى اوروبا ولم تسافر للكويت واصلا ماعندها خاله بالكويت يعنى(كل الكلام اللي قاله العريس خرطى وكذب)وكلام كثير وان العريس مايعاملها كعروس والله يشهد(العريس منذ بداية الزواج يوميا يسهر للفجر بناءا على كلام صديقتى خارج البيت مع ربعه)طبعا الكلام هذا بلاتفاق بين العريس وامه وقالو لها قولي هالكلام حق سلفاتك طبعا مو كل الكلام كلام بنت العقيد واوروباوكلام المظاهر؟؟؟؟؟؟؟؟؟؟

طبعا صديقتى انقهرت ليه هالكذب وليه يقولون عنها هذا الكلام؟؟

وهى لاتنظر للمظاهر بالرغم ان مستوى عائلتها الاجتماعى والمادي معقول وافضل من اهل زوجها..
المهم انه هذه العروس قامت بلعب الدور بطريقه صحيحه (وانا شخصيا اتوقع ان بعض الكلام فيه شى من الصحه وذلك لاستدرار عطف صديقتى لغرض في نفس العروس) وقامت بقطع العلاقه كليا بين صديقتى واهل الزوج الا في المناسبات القليله جدا.........

والعروس طوال شهرين وجدت المعامله الحسنه من صديقتى الاكلات ( لان العروس نهمه وتحب الاكل واهل الزوج يبخلون كما اسلفت بكل شى حتى الاكل) والهداياواحست بعد هذه الفتره من تعمد ذمها ولاستهزاء عليها امام العريس وادعاء الخصام والزعل مع اهل الزواج والاخبارمن السلفه الصغيره(المقيمه معهم بنفس المنزل)

توضح عكس ذلك....بعدها حصل امر وقامت صديقتى بقطع العلاقه بها كليا وسط دهشة العريس لانها لاتتجرأ زوجته ان تخبره بما تفعله؟؟ بعد فتره ذهبت صديقتى لتبارك لاهل زوجها الحج ولم يقابلوها بطريقه جيده(وهو متوقع) اتصلت بعدها بيومين اخت الزوج على صديقتى (وهى الاقرب من الباقي)لتعاتبها سبب التغير وسالفه تجر سالفه اتضح انه السلفه الجديده التى لم تكمل الثلاث شهور قامت بتربيط العصاعص بين الطرفين تاتى وتاكل وتشرب وتتكلم وتحش فى اهل زوجها عند صديقتى وتذهب اليهم بنفس الوقت وتقول كلام بعييييد عن الواقع بحق صديقتى عندهم وهكذا نجحت بتفرقتهم بالرغم ان صديقتى كانت مبتعده قليلا عنهم اساسا ومرتاحه لكن الكلام الذى قيل بحقها من طرفهم كان كبيرا بالرغم انهم لم يروا منها الا كل خير حتى لدرجة ان اخت زوجها اخبرتها ان العريس كان يريد ان تكون بين زوجته وبين صديقتى علاقه(افهموها مصلحه)لتعلمها كيف اللبس ووضع المكياج بطريقه جميله وفنون الطبخ والذوق وغيره لانها لاتجيد شئ من ذلك......
طبعا قامت اخت الزوج باخبار الام بعض من الموضوع. الام لم تصدق وقالت ان صديقتى تكذب وان العروس مؤدبه ومن بيت طيب ولاتفعل هذا الشئ وان صديقتى وسلفتها الذكيه الاخرى قاموا بتلفيق هذا الكلام؟؟؟؟بالرغم ان الام غير مقتنعه بها كليا(بسبب النسب وغيره)......

طبعا العروس عرفت ببعض الشئ من الموضوع وقامت بلا تصال على صديقتى لكنها لم ترد على أي اتصال واغلقت الموضوع كليا وقطعت العلاقه تماما بهذه السلفه وزوجها الذى اصبح المتنصت المباشر لكل مايدور بداخل حياة ومنزل صديقتى واخباروالدته والفرح لمشاكلها!!

**السؤال هو هل تصرف صديقتى صحيح بالنسبه لسلفتها الجديده؟

**وماذا تفعل للمتنصت اخو زوجها؟

**لماذا فعلت هذه السلفه كل هذه المشاكل بالرغم المعامله الطيبه التى وجدتها من صديقتى؟؟

**ماذا تفعل لان زوجها يجبرها لزيارة اهله وهى تكره ان ترى من تحدث عنها بكل هذا السوء؟(طبعا ثبت بعض الكلام الذي قالته هذه السلفه)

**ملاحظه**

صديقتى تكره الوجود في بيتها بسبب هذه السلفه التى تتعمد ان ترفع صوت ضحكاتها ومياعتها وتتعمد الخروج من شقتها لنشر الغسيل مثلا اثناء وجود زوج صديقتى لعلى وعسى يلمح طيفها وان تعلي صوتها لتسمعها حديثها لتموت غيضا منها؟؟؟

فما الحل؟؟؟؟