كل وحده تعيش مع أهل زوجها تدخل

الله يكون في عونك عليك بكثرة الدعاء وصلاة قيام الليل والاستغفار بنية ان الله يكفر السئيات ويزيد الحسنات ويهدي اهل زوجك وزوجك لك
ورددي دائما اللهم اني اجعلك في نحورهم واعوذبك من شرورهم
وحسبي الله ونعم الوكيل
واقرئي دائما وبذات اذا حصلت مشكله او خفتي من امر معين ( وجعلنا من بين ايديهم سداً ومن خلفهم سداً فاغشيناهم فهم لايبصرون)

استغفرالله استغفرالله استغفرالله

والله انا مع اختي ام طمطومه وبصراحه كلامها عين العقل وطبعا ماراح يحترموك الااذا كانت شخصيتك قويه وطبعا مو معناه تكوني شريره خليك بطيبتك بس كل شي له حدود لاتتساهلي في حقك وحق اهللك لما يتكلموا عن اهلك بكلام مو زين هم وزوجك ازعلي قومي واتركيهم روحي لغرفتك حتى زوجك ازعلي واتركيه يحس بغلطته لو تكلمتي في امه راح يزعل خليك قويه شغلك سويه وماراح احد يمسك عليك غلطه وشغل غيرك خليه لهم ممكن تنازلات اذا كان فيه سبب بس مو دائما افرضي رايك ومو ضروري كل الوقت مبتسمه اذا ضايقك شي ازعلي وبيني انك زعلانه وغيري من عاداتك يعني متعوده اجلس معاهم المغرب اذا زعلتي خليهم واجلسي في غرفتك كوني لك صداقات وعلاقات على النت وغيره ولهي نفسك عنك ترتاحين انا عشت مع اهل زوجي 12 سنه والحمد لله طلت بسلام وبدون مشاكل يعني صبرت ونلت بس للامانه اهل زوجي معاملتهم احسن ولله الحمد وبصراحه مشكله الاقارب يعرفون بعض واي شي بينهم على راسك ،بقولك نصيحه اذا شفتي منهم شي يزعلك او اي تصرف يضايقك حطي نفسك مكانهم وشوفي انتي لو سويتي كذا صح او غلط ولو كنتي مكانهم ايش تحبي يكون موقفهم منك وسوي على هذا الاساس ترتاحين ولو مافهمتي اوضح لك انا لما كنت اشوف تصرف من اخوات زوجي يضايقني مثل احس انهم متضايقين مني او بيطلعون وما قالو لي او مخبين شي عني وحاسه فيه احط نفسي مكانهم اقول لو ابي اطلع وماقلت لهم وش احب يكون موقفهم مني طبعا بقول في نفسي احب يمر الامر عادي لهم ومايكلموني لاني لي الحريه اطلع وكذا الوضع لهم وارتاح يعني باختصار احب لغيرك ماتحب لنفسك ولاتنسين من وقت لوقت في وقت صفاء وهدوء تبينين لزوجك انك محتاجه بيت مثل اي زوجه بهاالدنيا اتمنى تكونين فمتيني( خبرة) اتمنى الله يسعدك وتطلعين في بيت يارب

أشكركم وبارك الله فيكم على المشورة والله يصلح حالي وجميع المسلمات

اااااااه ذكرتيني بنفسي انه الحين مخطوبة وزواجي ان شاء الله بيكون عقب جم شهر وخطيبي الي اهو زوجي (بينا عقد زواج رسمي) عنده بس غرفتين و حمام تخيلوو بس غرفتين وطموحاتي واحلامي ببيت كلها راحت وانه قلت له عل الاقل ما نبي بيت بس شقة في بيتكم في الطابق الثالث ابنوها قال لا بعدين اتصير مشاكل بيني و بين اخوي ويقول ان اهو بعد يبي مكان واسع نعيش فيه بس هاذي اهيا الظروف والله وايد امضايقتني سالفة اني بعيش بغرفتين بس!!
وقالي بعد صبري والله بيفرجها علينا