شاركي في النقاش

سجلي الدخول لإضافة تعليق.

التعليقات

9,185
  1. @naanaaah_4

    **نعناعه**
    هلا بام عرااااااااااااااااااااااااااااااااااااااااقة :) نورتي الرااااااااابطة.بصراحة ماعندي فكرة عن التحوير وان شاء الله ربي يخترلك الاصلح …
    :11: ام عتريسه نسيت اقولك باقي على الشهر الكريم شهر
    و18 يوم والشوربة الحارقة انتي تطحنيها وانا الدكتور كتبلي سنتروم
    بس بصراحة لسه ماأخدتو
  2. @dh_ahmd_1

    **نعناعه**
    :11: ام عتريسه نسيت اقولك باقي على الشهر الكريم شهر و18 يوم والشوربة الحارقة انتي تطحنيها وانا الدكتور كتبلي سنتروم بس بصراحة …
    شكلي من كتر النسيان نسيت الفهم .. معليش يانعناعه قولي تاني انا مفهمتش ايه علاقة طحن الشوربة الحارقة بالسنتروم .. ثم ايه هو السنتروم اساسا .. فيتامين؟

    يتيمة شكرا جزيلا على المعلومات بس ياريت تسألي اختك نوع الفيتامين الي كتبه لها الطبيب بالظبط هل هو حديد ولا فيتامين باء لغرض في نفسي هقولك عليه بس إسئليها الأول ..

    بس ياريت تنصحيها اي كان نوع الفيتامين الي كتبه لها لازم ترجع تاخذه تاني عشان تعوض موضوع الشعر والبشرة وربنا معاها .. على فكرة انا بتحصل لي حكاية النوم دي بس لو اكلت حاجه دسمه قبل العملية كمان بس بعد العملية لو اكلت حاجه وغصيت فيها بتجيلي نوبة عرق ورعشة في اكتافي وبحس بدوار أو غثيان لثواني بعدين يبدأ ألم المعدة.. بتجنب الحكاية دي باني مبلعش آخر لقمة تكون في فمي لما احس ببداية الاعراض ببصقها فورا .. قولي لها تجرب كده وان شاء الله متجيلهاش حكاية النوم


    على كل حال شكرا ياجماعة انكم عرفتوني ميعاد رمضان عاوزه اصوم لي كم يوم قبله .. ايه رأيكم تيجي نصوم من باب القضاء والرجيم في وقت واحد؟
  3. @dh_ahmd_1

    كنت هنسى ..

    عن الاندومي انا بقيت باكلها بطريقة غريبة شويه .. بكسر الشعرية في الكيس قبل مافتحه بعدين افتحه وارش عليها نصف كيس التوابل وارمي الباقي وارمي الفلفل والزيت .. وآكلها زي الشيبس .. سناك يعني وانا بتصفح النت .. فيها 330 سعر بس وبالزيت يعني لما ترمي الزيت هيطلع فيها سعرات اقل حوالي ميتين وشويه .. اعتقد اخف من الشيبس .. على كل حال انا مبعملش رجيم اليومين دول لان رأس الفتنة والفساد زي ماهو واضح موجود حاليا .. باذن الله لما يسافر بالسلامة ارجع للضنا والعذاب والحرمان من الكباب تاني وهبدأ معاكم الحمية ونتنافس ونعيش بقى ..

    بالنسبة لسؤالك يانعناعه انا عملت العملية يوم 21/4/2007 يعني بالظبط من ثلاث شهور وخمس ايام ..

    بدأت 119 وشويه كسور وصلت الحمد لله 102 بس انا متاكده اني شفت على الميزان 101 وشويه كسور وبناء عليه انا هعتبر اني 101 وبكده اكون فقدت 18 كيلو

    العجيب اني من كام سنة عملت رجيم وكنت براجع في اوراقه من يومين واكتشفت اني في ثلاث شهور فقدت بالظبط 17 كيلو ونص كمان .. نفس الرقم بالظبط بس الفرق ان وزني كان اقل وقتها عملت حساباتي لقيت اني فقدت بالرجيم 16% من وزني الإجمالي بينما بعد العملية وفي نفس المده الي هي الثلاث شهور فقدت 14 في المية بس يعني الرجيم كان اسرع في افقادي للوزن واكثر كفاءة..

    بس رجعت فكرت لقيت ان وزني حاليا اصعب في الفقد لاني سبق وعملت رجيم مرتين وكسرته وفي نفس الوقت انا بعمل رياضة دلوقت ومكنتش بعمل زمان في اول ثلاث شهور من الرجيم الي بحكي عنه وبالتالي يبقى برضه العملية جابت نتيجة ..

    اقولكم سيبكم من كلام الارقام في عندي حاجه احلى ..

    كنت عملت رجيم من سنة بالظبط ونزلت عشرة كيلو بس رجعت زدت منهم خمسة .. في الاثناء دي بعد مانزلت اول خمسة من العشرة صورت نفسي صورة من الوجه وصوره بالجنب وصورة بالظهر .. بصراحة صورة الظهر كانت بشعه بكل المقاييس مكنتش اتصور ان شكلي من الظهر بالشكل الفظيع ده كاني بالظبط مصارع .. ماعلينا ..

    جمعت الثلاث صور في صورة وحده جنب بعض وكتبت عليهم التاريخ والوزن ( 121 كيلو في ذلك الوقت ) المهم رجعت تصورت تاني بعد اسبوع وقارنت الصور ( من هبلي كان كل الي نزلته كيلو واحد يعني بقيت 120 وفاكره ان ده هيعمل فرق .. بتصور على ايه مش عارفه ) المهم لقيت مفيش فرق بل بالعكس الصورة الاولى شكلي ( ملموم ) فيها شويه لان لابسه اسود والثانيه بالابيض فالشكل اكبر .. المهم احبطت جدا ويمكن الصور دي كانت احد اسباب فشل الرجيم ..

    مسحت الصور من الموبايل ومن الجهاز وانتهى الموضوع .. المهم من فترة قريبه اكتشفت بالصدفة ان لسه عندي من الصور دي فرحت بيها اوي .. النهرده اتصورت تاني نفس الشكل بالوجه وحده وبالجنب وبالظهر .. وقارنت الصور ..

    اكتشفت ان التاريخ فات عليه سنة بالظبط بين الاثنين واني حاليا اقل بعشرين كيلو بالظبط عن الصورة الاولى .. بصراحة الحمد والشكر لله فرق واضح .. جدا

    حبيت نفسي اوي بصراحه

    صحيح البطن هي نفسها بس اصغر .. الكتف هو نفسه بس اصغر .. الظهر .. الذراع كل حاجه هي نفسها ونفس البروزات والانحناءات في مكانها بس اصغر كتير كانها مثلا نسخة مصغرة او زي الفرق بين الملابس الاكس لارج والميديم ..


    سبحان الله احنا دائما بنهتم بحجم ( الكرش ) او الزنود مبناخذش بالنا من دهون في اماكن اخرى مغيرة شكلنا خالص ومش حاسين بيها .. زي مثلا اتضح بمقارنة الصورتين ان كان عندي دهون على الكتف نفسه .. مش بقولكم مصارع
    نصيحة بالذات للجماعه الجداد .. صوري نفسك زي ماقلت لك ثلاث صور ( بس ياريت تظللي الوجه عشان تبقي في الامان لو حد شاف الصور ) اتصوري بحاجه بدون اكمام عشان البلاوي تبقى واضحه .. اكتبي عليها التاريخ والوزن وبقالك قد ايه عامله العملية .. وانسي الصور بعد ثلاث شهور ارجعي كرري التصوري .. البسي نفس اللبس ( انا عملت كده ) واتصوري تاني واستمتعي بانجازاتك ..