تجمع جديد لمواليد يناير وفبرايرومارس 2008 (( الجزء الثاني ))

شحاااااااااالك بطووووووووطات واشلون البيبيات

الله يسهل حملناا وولادتناا ع خير ياارب .
باستا .. تروحين وتردين بالسلامه ..

قلب كريستال حمدلله ع سلامتج والله يعوضج بالذريه الصالحه يارب عاجلا غير اجل اللهم امين ...

ام اشوواق ان شاء الله يطلع حمل وتشرفينااا ..

سلاااااااااااااااامي للجميع

سلامي للجميع بدون تحديد اسماء

انوار البحرين .................. هلا يالغالية واللة الحمل معي الحمد للة خفت اللوعه بس الصداع اللي جايب لي الخمول والملل انتي شخبارج وشخبار اخر تطورات التوائم

قلب كريستال ............... الحمد للة على سلامتج واللة اعوضك خير يا رب ويالغالية هذي الامور كلها كتبة من رب العالمين والحمد للة انج كشفتي على نفسج وطلعتي سليمة
فنشاء اللة المرة الثالثة ثابتة بس حبيت اسألج حسيتي بأغراض ادل على ان النبض توقف عن الجنين يعني الوحم راح عنج او نزل عليج دم (((( وشخبار ظهرج ان شاء اللة ما يألمج وايد ))))

ولكل الحلوات اللة ايثبت لنا الحمل وانجوفهم قدام عيونا بصحة وعافية يا رب

السلام عليكم حبيباتي شخباركم ان شاء الله بأتم الصحه والعافيه

نسيت اقوللكم انا رحت قبل كم يوم مستشفى زليخه اللي بدبي والله حسيت نفسي اني بالهند والله العظيم كل الحوامل هنوووووووووووووووووود وشفت 3 بالكثير مواطنات والله حسيت عمري غريييبه والله العظيم كأن الأمارات بلادهم والخليجيين هم الغرب والله هالهنود تارسين البلاد ومبهديلنا والمواطنين مساكين ضغطهم مرتفع دايما بسبب هالهنود عاله علينا والله يستر من الأيام اليايه شكلهم محتلين الأمارات ما مخلين شيء ماكلين الخضر واليابس الله المستعان

قلب كريستال
حبيبتي الله يعوضج خير وان شاء الله يكون شفيع لج يوم القيامه اجر وعافيه وان شاء الله تحملين في اقرب وقت والله يثبت حملج يا رب العالمين

كلام العيون
حبيبتي مادام ظهر لج خط ثاني وحتى لو كان خفيف جدا يعني انتي حامل بأذن الله لن هرمون الحمل خفيف من جذي الخط طلع خفيف واذا ما في اصلا ما يطلع الخط ابدا
وان شاء الله بتبشرينا عن حملج والف مبروك مقدما


ام اشواق12
الف مبروك على الحمل وان شاء الله يرزقك بالولد الصالح المعافى يا رب العالمين

السلام عليكم ورحمة الله وبركاته

كيفكم حوامل ان شاء الله بخير

على العموم ادري اني طولت الغيبه (مادري انتم ملاحظين او لا) بس بغيت اقولكم اني توني جايه من فترة نقاهه عند اهلي لاني سقطت
بتقولون كيف وانا بقولكم وش السالفه

هذا يوم رحت اكشف على الجنين قالت لي الجنين مافيه نبض وممكن تكون الحاله طبيعيه تعالي لنا السبوع الجاي يمكن يبين
ورحت الاسبوع اللي بعده ونفس الحاله لمدة ثلاث اسابيع بعدين قالت لي ان الجنين متوقف النمو من شهر ومافيه نبض (يعني ميت بالعربي)
المهم من مستشفى لمستشفى وكلهم قالوا تنظيف
لكن الحمد لله سقطت بدون التنظيف بعد معاناة شهر ونصف
والعوض على الله
بس انا كنت مشتاقه لكم حيييييييييييييييل
الله يتمم عليكم جميعا بالطفل الصالح المعافى تام الخلق والخلقه
والله يسعدكم ادعولي

اهلا ام اشواااق

انتى معي بالضبط انا بعد اخر دوورة كانت 25 / 5/
بداء الوحم معاااكي ولا لسى
انا اللحين في الاسبوع السابع ولا بين معي الوحم يابنات جاااوبوني من مثلي؟؟؟

ام اشواق ..... انتى لك شهر ونص
والولاده راح تكون في 25/ 2/ 1429