شاركي في النقاش

سجلي الدخول لإضافة تعليق.

التعليقات

9,185
  1. @dh_ahmd_1

    سلام على جميع الي في الرابطة .. نفر نفر ..

    قبل اي شيء معليش ياجماعة سامحوني اذا مكنتش بكتب لكل واحده بالاسم واسلم عليكم وحده وحده لعدة اسباب أولا عشان منساش حد والأهم لاني لو كتبت سلام لكل الي في خاطري اسلم عليهم هكتب رد طويل عريض يمكن ياخذ الصفحة كلها ومش هينفع ساعتها احط جنبه اي كلام تاني ..

    على كل حال بالنسبة لي دائما لما ادخل ارد على اي موضوع سواء في الرابطة او غيره ولقيت وحده حاطه سؤال او طلب وكنت ناوية ارد برد معين وشفت ان في عضوة تانية ردت عليها نفس الرد خلاص بكتفي برد العضوة دي ومش لازم احط ردي بقى على اساس ان حاجتها قضيت .. في حالة واحدة احط الرد رغم وجود رد مشابه ..لما يكون في ردود تانية معارضة او معاكسة وحسيت ان ردي مهم احطه عشان ارفع نسبه التأييد لوجهة نظر معينة .. دخلنا في السياسة .. ماعلينا..

    الخلاصة : محدش يزعل لو مجبتش اسمه لان مش مهم الاسم يظهر في الردود المهم انه على البال.. ومحدش يستغرب لو اختفيت فجأة لان معنى كده اني بتابع وشايفه الردود ماشاء الله فيها كل الكلام الي كنت ناوية اقوله فمش هجيب جديد وعشان كده مبكتبش وفي نفس الوقت لاني مش عاوزه الرابطة تبقى شات كلها سلامات لان اكيد في بنات بتدخل تقرأ ويمكن مش مسجلة ويمكن لسه هيدخلوا كمان سنة ولا اثنين فبلاش نكتر الردود على الفاضي عشان يبقى الكلام مركز فيه المعلومات المفيدة وخلاص بعيد عن الشات قدر المستطاع .. وبالمناسبة غالبا كلامي حتى لو موجه لعضوة معينة ببقى قصدي افيد بيه الكل .. ده لو فيه حاجه تفيد ..

    فهمتوا حاجه ؟ انا عن نفسي مفهمتش ..

    المهم .. نرجع لموضعنا ونقعد نرغي مع بعض شويه ..

    كنتي بتسأليني يانعناعه عن الشوربة الحارقة انا بعملها زي ماقلت لك اسلق كل شيء بعدين اهرسها في الخلاط واشربها بالملعقة .. بتبقى زي قوام شوربة العدس تقريبا او شوربة الماجي بالشعرية يعني حاجه كده سائلة وفيها قطع دقيقة جدا .. بس والله حلوة .. اما بالنسبة للبسكويت فانا بتناول نوع معين اسمه الشمعدان هو مصري بس موجود في كل دول الخليج بس خلي بالك الشمعدان الي غلافه احمر مش النوع الثاني لان الثاني مغطى من الخارج بالشوكلاته فسعراته الحرارية اعلى بكتير .. الشمعدان الاحمر عبارة عن بسكويت ويفر زي نوع كده كنا بناكله زمان اظن اسمه كوكو روكو حاجه كده .. ويفر محشي شوكلاته .. باكل النوع ده بالذات لان لما كنت بتابع مع اخصائي تغذية قالي عليه لانه لا يحتوي على شوكلاته لكن على بودرة كاكاو يعني يعطيك طعم الشوكلاته وهو مفيهوش يعني سعراته اقل بكتير .. يعني باكل باكو واحد بس ( اصبعين ) من وقت للتاني بس لما ميكونش في فاكهة في البيت لان الفاكهة اليومين دول معظمها مانجو أو تين أو موز وكلها حاجات بتطخن مباكلهاش حتى لو مبعملش رجيم غير من السنة للسنة يعني على فترات متباعده جدا ..

    وبالمناسبة لازم اكلك اليومي يكون فيه نسبة سكريات لأن من غير السكريات مش هيحصل حرق للدهون ابدا .. بس نحاول ناكل سكريات طبيعية في عصير أو فاكهة أو ملعقة عسل ولو مفيش خالص امرنا لله ناكل ايسكريم .. مضطرين بقى نعمل ايه ..

    عسوله ..
    زعلت والله لما قلتي انك زعلانة مع خطيبك .. مش عشان زعلانة بالعكس دي حاجه كويسه دليل على المحبة بس عشان سبب الزعل .. مش عشان بص للمذيعه لاه عشان المذيعة طلعت حلوة .. مهو لو كانت وحشة كنت قلت خير عشان يعرف قيمة الي معاه لكن لما تطلع حلوة اهي دي حاجة تقهر مهو لو ادالك الفلوس الي صرفتها على نفسها ( المقروده ) عشان تبقى كده هتطلعي مارلين مونرو .. على كل حال سيبك من كل ده برضه مش دي الاسباب الي زعلتني انا بس زعلت على ردك عليه انه يروح يخطبها ان كانت ترضى بيه ..

    بصي معتقدش في راجل مبيبصش ومعتقدش في راجل مبيعجبش اذا كنا احنا الحريم احيانا ينبهر بحد معين ويقول ياريت الواحد يبقى شكله ( عن نفسي بصراحه بس متقوليش لحد رغم طبعا اني لا اقبلها مطلقا كشخص لكن من ناحية الشكل مثلي الأعلى اليسا آدي الستات ولا بلاش ) ماعلينا نرجع لموضوعنا .. طبعا لما جوزك او خطيبك يبص لازم تنقهري طبعا بس الشطارة بقى انك تعرفي تحولي الموقف لصالحك .. يعني هو بص للمذيعة اكيد انقهرتي متقوليش له روح يمكن ترضى بيك لان ده خطأ قاتل .. التعليق ده والتعليقات والتصرفات المشابهة الي بتحطمي فيه ضمنيا عن طريقها بيخليه شويه شويه يفقد الثقة في نفسه ويبقى عنده رغبه داخليه ( ولو مش ظاهره ) انه يثبت لك أو يثبت لنفسه انه مش كده وانه مرغوب وان احسن وحده لازم ترضى بيه .. وده هيخليه قنبلة موقوته اول مايقابل وحده في حياته ( ولازم في يوم هيقابل وحده أو اكثر ) تقعد تحسسه انه ملك وانه لقطه وانه كنز ازاي مراته مش حاسه بقيمته .. هيقابلها في الشغل .. في محيط عائلته .. حتى في النت .. في أي مكان .. لازم هيلاقي وحده تديله الاحساس ده وهو لانه محتاجه وبيدور عليه باكثر من دافع .. بدافع من رجولته الي بتخليه غصب عنه يعجب ويرغب وده عند كل الرجالة مش بس خطيبك .. وبدافع خاص بيه وهو تصرفاتك معاه ( ولو كانت غير شعورية منك ) الي حسسته انه محتاج يحس انه مميز و ( لقطة ) وان احسن وحده متلهفة عليه و( عينها منه )..

    وهتبصي حواليكي تلاقي ستات كتير تقولك انا مش مخلية في نفسه حاجه انا قايده له صوابعي العشرة شمع .. انا بلبس .. انا بتعطر .. انا بهتم .. ويروح يبص بره.. ايوه طبعا لانها بتعمل ده كله وفي نفس الوقت بتحسسه انه حته راجل عادي ( من العامة ) عليه ان يرضى بقليله لان مايصلح للسادة لا يصلح للعبيد ..

    الخلاصة : اما يحصل حاجه زي كده ويبص للمذيعة ولا الممثلة .. اول حاجه لو كانت حلوة فعلا قولي له ايوه فعلا حلوة بس (كفايه انها مش هتحبك قدي ).. كده .. عرفيه ميزتك انتي بطريقة دبلوماسية واحشري نفسك في منافسة معاها عارفه انك انتي الكسبانة فيها .. مش تزعلي وتعصبي حتى لو كان معاكي حق ..

    بعدين عودي نفسك دائما لما تحبي تزعلي منه زعل بجد متزعليش وانتي بجد زعلانة .. ازعلي وانتي ( بتمثلي الزعل ) عشان تعرفي تتحكمي في كلامك وتصرفاتك النوع ده من الزعل بيبقى نوع من ( الدلع ) وهو هيسعى انه يصالحك ويراضيكي .. اما لما تبقي بجد معصبة ويبقى هو بجد غلطان حاولي انك تنهي النقاش لغايه ماتهدئي وتفكري بهدوء عشان ميطلعش منك كلام أو فعل تندمي عليه بعدين ..

    اعتقد اكيد المشكلة انحلت .. بس لو لسه زعلانيين .. ولو عاوزه رأيي .. لو انتي عارفه ان خطيبك طيب ويستاهل قومي انتي اتصلي عليه دلوقت وقولي له انا آسفه اني عصبت عليك من كام يوم .. انا بقالي يومين بفكر انا ليه بقيت عصبية كده .. مش عارفه مالي .. يمكن من الرجيم ؟ انا فكرت اكسره اليومين دول عشان اعصابي ترتاح .. انا مش عارفه انا ازاي عملت كده .. اوعى تكون زعلان مني ..

    اختاري الاسلوب المناسب الي صعب انه يقاومه .. خليكي صادقة ودلوعه .. وخبيثة .. اكيد مش هيقدر يقولك غير بالعكس انا الي كنت غلطان .. وحتى لو مقالهاش اكيد هيبقى عارف في نفسه انه هو الغلطان ..

    اكيد لو طيب هيسامحك فورا وهو اكيد اصلا بيفكر يعتذر لك بس مش عارف يعتذر ازاي .. صدقيني انتي الكسبانة لانك هتكسبي زوج قوي الشخصية معتد بنفسه هيعاملك على هذا الاساس مش هتكسبي واحد انتي محطماه ونفسه يثبت لك انه راجل باي طريقة فهيطلع عقد التحطيم عليكي .. مش عارفه انتي ادرى بخطيبك وانا متاكده انه يستحق واعتقد ان اسلم شيء انك تبدئي بالاعتذار خاصة والموضوع هايف مش مستاهل .. بس خلي بالك بعد كده انك متضطريش نفسك للاعتذار كتير لان برضه ده مش كويس .. اعرفي امتى تزعلي عشان تعرفي ازاي تنهي الزعل ..

    معليش طلعت عن موضوع الرابطة وطار من بالي الكلام الي كنت داخله اكتبه .. يبقى اشوفكم في رد تاني باذن الله ..
  2. @rym_57

    ام عتريسة
    ما شاء الله كلامك دورررررررر
    كلام يدل على واقعية صحبته والله العالم الدنيا معلمتك الكثيييييييييير
    حلووووووووو تكون بينا مناقشات خارج التحزيم والريجيم لان النفس بعد لها حق
    كثر ما نتكلم عن التحزيم خلالالالالالالالالاص ضاق خلقي
    لان بصراحة كلانا نلخبط وقاعدين نحس بضيق واحيانا الفشل
    سبحان الله هاذي من ملذات الدنيا الاكل والشرب
    يعني لو منعنا نفسنا شهر شهرين صعب نستمر
    شكل المعلومات دخلت في بعضها
    خليني اسكت احسن قبل ما ادخل في متاهات ثانية
  3. @rym_57

    تعرفون بنات ليش قلت الكلام السابق
    الله يسلمكم من رجعت من السفر والاهل والاصدقاء وفود من الكيكات والحلويات
    وفي اوروبا بصراحة اكلهم ما يشجع مجرد سندويشات تسد الجوع
    لكن من رجعت وانا يبنات مش عارفة امسك نفسي
    اشرب اول ما اصح من النوم عصير الاناناس والكيوي بعدها اكل حاجة خفيفة مررررررة مجرد سد الجوع
    لكن تعالوا العصرية
    اكل بشكل غير طبيعي من الكيكات والحلويات لانها عشقي من الصغر اقدر اقاوم اي اكله في الدنيا والذها
    لكن عند الحلو ما اقدر بصراحة احيانا احس بالخجل من الكل احس النظرات تقولي الحين تسوين ريجيم لكن اذا شفتي الحلويات نسيتي نفسك
    صرت ما أكل عند احد حتى اقرب الناس لي
    لكن لوحدي انقض عليها واكلها
    احد من البنات مثلي ولا انا حالة نادرة
  4. @bnt_alsoryh

    ياحليلك ريمو

    اذكري الله وعساه بالعافيه انا لو تشوفيني قبل الربط شلون أكل الله لا يوريك كلش الأخضر واليابس

    بس مو راعية حلا انا موتي وعشقي الموالح وااااااااااااااااااااااااو اموت بها
    عموما ياقلبي كثري من الحركه اهم شي ماتزودين خساره عقب التعب ترجعين ثانيه

    والرشاقه وراها وراها