زوجتي وقريبتي ؟؟؟؟

30 يوليو 2007

يارب تحفظ اهلي

الرجال تزوج ياحريم وانتن للحين تهرجين ابروح اسوي الشاي بالنعناع الحساوي واجيب الفصفص واجيكم من جد جلستكن حلوه خاصة يوم تكون الهرجه عن الجيزه الثانيه يا سلااااااااااااااااااااااااااااااااام

صراحة الموضوع مهم يابنات ولازم نتناقش فيه بعقلانيه بغض النظر إذا كان الموضوع حقيقي أو أنه مجرد إستفزاز لبنات حواء.... ,عندي عدد من الملاحضات أتمنى أنكم تتقبلونها بصدر رحب

أولاً: بعض الأخوات كانت ردودهم سيئه وفيها نوع من السخرية والإهانه لو أنم الموضوع حقيقي إش ممكن تتوقعوا من شخص يقراء هذه الردود رايح يقول طبعا أن بنات حواء( خرطي)..... من باب الأدب والإحترام إن إللي تبغى ترد بأدب وإحترام حتى لو ماعجبها الموضوع.. او حست أن الموضوع فيه خديعه ..أو أو ....... لازم أن يكون الرد بأدب ( قول خيراً أو أصمت)

ثانياً: بعض الأخوات تقول غلطان تشاور حريم..... ليش الحريم إيش ناقصهم عشان يكونو حكيمات بل .... تقولون عاطفيه بل عكس العاطفه ممكن تخليه تشوف أشياء معضم الرجال مايلاحظونها... بنفس الوقت ممكن تعميها ( عشان مأكون كذابه)
وأنا ما راح أقولكم أنه الصحابيات ونساء السلف الصالح كان لهم رأي الحروب وشأن الأمه الإسلاميه.. لأنه لوحاولنا نكون زيهم ماراح نقدر لأنهم من خير القرون.... لكن كل وحده فينا تركز في من حولها من النساء راح تلقى بون شك نساء حكيمات لهم رأي ومشورة أم أو أخت أو جدة أو عمه .......
وم شرط تكون كبيرة أو صغيرة لأن الحكمه وحسن البصير هبه من الله ....
بل العكس أحمد الله وأشكرة أنه وضع هذا الموضوع في هذا المنتدى... حتى لوكان قصدة الإستفزاز فهو مع ذلك يريد أن يسمع رأي المرأة ممكن انه يجد عندها المفيد أحسن من إللي مايسمع حتى ولو على سبيل المزح والنماذج كثير في مجتمعاتنا ولله الحمد
وفي رجال لو بغى يتزوج مايسأل زوجته تسمح له أولا حتى ما يعطيها الحق في أنها تعرف وهذا كله من باب إستحقار المرأة وأنها مالها شغل في حياته الخاصة...................................
كونه انه حاول انه يبين لزوجته انه متضايق من الاهمال ويريد بعض من الإهتمام هذا شيء يشفع له من أنكم تتحاملون عليه بهذا الشكل
أما بالنسبه لرأيي في الموضوع بغض النظر حقيقة أو تزييف على سبيل الإستفزاز
أرجو من الجميع يتقبل صراحتي لأنه موضوع مطروح للحوار والكل يقول ماعنده
موعشان إحنا نساء تاخذنا الحميه ونتحامل على الرجل ....... في بعض من النساء منهم مهملات لحد يفوق التصور وهن هداهم الله موجودات بكثرة خصوصا مع كثرة الفضائيات والأسواق تلقينها طول الليل سهر والنهار نوم ولا تدري عن البيت والأولاد وآخر شيء تفكر فيه الزوج..( طبعا مو الكل)
تلقينها ما تلبس إلا إذا جت رايحة مكان.... ولا تنضف البيت إلا إذا كان أحد جايها .... بل أن بعض النساء الشارع أنظف من بيتها والله العظيم لا تقولو مو معقول فيه كثير من هذه النماذج وأنا شفت بنفسي.....
طبعا الكلام الحلو مافي البس والدلع مافي حركات رومنسيه مافيه........ وتبغى الرجال ماتزيغ عينه إفتحي على قنوات الفيديو كليب وشوفي الإغراء لين وصل صارو يدرسونه للبنات في معاهد وصارو يسمونه الفن.....أشكال في منتهى الرقة والجمال والنعومه والأنوثة... الوحد تحس انه رجال جنبهم....
يعني رجل يكون مفتقد لهذه الاشياء ويشاهد ها على التلفزيون وتبغونه ما يفكر بالزواج..... لاتقولون عيونهم زايغه ليش يشوف هذه الأشياء....... طيب لا تروحون بعيد أقرب شيء عندنا في الأسواق أشكال في فتنه وإغراء أكثر من التلفزيون من الأجسام الرشيقة والعبايات المطرزة والعيون الكحيله والنعومه في المشيه واليدين الناعمه والأضافير الطويله والمناكير والشنطة من الماركه الفلانيه....... ووووووووووو.....يعني أيش يسوون يفقعون عيونهم....
لكن متى يكون الرجل محمى من هذه الأشياء ولا يلقى لها بال بل انه يستنقص من النساء من تقوم بهذا الشيء.........متى ...متى ....متى هذا هو السؤال إللي أتمنى أنكم تجاوبو عليه بكل صراحه
لكن رايي في الموضوع هذا انك تهدد زوجتك بالزواج وتخوفهاممكن أنها تصحى من الغفله إللي هي عايشه فيها وللي صبرك هذه المدة يصبرك كمان كم شهر يمكن الوضع يتغير لمن تشوف ان الموضوع صار خطير وفيه زواج لأن أكتر الحريم مايصحيهم إلا موضوع الزوجه الثانيه وأحدى قريباتى حصل معها نفس الشء
كانت مهمله نوعا ما ومهتمه بالجارات والصديقات والاطفال اكثر من الزوج طبعا هذا من جهلها مو انه ماتحبه وكان زوجها يشتكي منها لاخواتها وهم يكلمونها وينصحونها تتعدل كم أسبوع وبعدين ترجع إلى في يوم من الأيام طبعا كانو زعلانين من بعض بسبب هذا الشيء .. وكانت وقتها عند وحده من أخواتها جايه تزورهم كم يوم..... قبل مايطلع قالها أنا ناوي أتزوج وشفت لي عروس لكن باقي ماردو عليا والله يابنات تخيلوا من الصدمة بجرد ماطلع أغمى عليه ونقلناها للمستشفى وجلست يومين صار عندها صدمه عصبية....لكن جابت نتيجه صحتها من الغفله إللي كانت عايشه فيها بالرغم من أن الكل كان يكلمها بس ماكانت مستوعبه أنه في يوم من ألايام ممكن يتزوج عليها....
والحين تعالو شوفوها كل السنع وكل الزين عندها إيش البيت وإيش اللبس صارت تهتم بجسمها ورشاقتها شكلها ومظهرها......إلخ
عشان كذا حاول انك تخوفها وان الموضوع جد مو مزح
وبالنسبه لقريبتك ممكن انه تكون انسانه طيبه وتستاهل لكن انت قدر حجم المشاكل كيف راح تكون لو انك تزوجتها او انك تزوجت من انسانه بعيدة
طبعا القريبه لابد انه يحصل بينها وبين زوجتك الاولى لقائات متكررة بحكم القرابه والمناسبات العائليه
اما البعيد ممكن يكون اختلاطها بالعائلة اقل فراح تكون المشاكل اقل
ولك الخيار...................................................................

التعليقات

زوجتي ونعم بس ما تتواصل معي!

اما احد يقول زوجتي مجرد تحصيل حاصل

ساعدوني مشكلة مع زوجتي نصايحكم الله يخليكم

مشكلتي مع زوجتي

يقولهم زوجتي بتولد ويقولون تعال