شاركي في النقاش

سجلي الدخول لإضافة تعليق.

التعليقات

9,185
  1. @sam_77

    حبيبتي غلا الدوحة
    انا قبل العملية كنت مرعوبة و خايفة كثير من البنج و حاسة حالي رح اروح المستشفى و ما بعرف برجع و لا لاء
    حبيبتي الخوف شي طبيعي بس المهم انت استخرتي قبل
    اذا استخرتي خلص ارمي حملك على ربك و اتوكلي على الله و ادعي دائما ان تكون العملية خير عليكي
    و انتي داخلة غرفة العمليات اقرئي قران و ما تخافي حبيبتي كلنا سويناها قبلك وهينا ما صرلنا شي و الشكر للله
    اتوكلي على الله و الله يكتبلك الخير و الصحة و العافية
    لو فرضنا لا سمح الله عند الوحدة اي مرض بدو عملية مثل المرارة مثلا
    مش بنروح المستشفى و بنسوي عملية مرارة و بدون خوف بس المهم نسوي العملية
    السمنة كمان مرض زي المرارة زي الزايدة زي اي مرض ثاني و عشان تعالجي (بحالاتنا الزيادة العالية بالوزن) لازم عملية طب ليش نخاف هذا علاج مو عملية تجميل ما الها لازمة لاء علاج ضروري
    اتوكلي على الله و الله يقومك بالسلامة
  2. الملكة العيناوية
    هلا حبيبتي الثلاثينية تعرفين طلعنا مسوينها انت و انتي عند نفس الدكتور انا بعد سواها لي الدكتور العراقي عبد السلام الطائي بس بمستشفى بلهول الاوربي بدبي هو خيرني بين النور بوظبي و بين بلهول بدبي المهم حبيبتي شو رايج بالدكتور؟ الصراحة…
    هالووووووووووووووووووووو هاااااااااااااااا بنات

    شحالكن و اخباركن عساكن طيبات و بصحه و عافيه و اهمممم شي رشاااااااااااااااااااااااااااقه

    اخباري :
    الحمد لله تمام التمام ماشيه على نظام مزبوووووووط لحد الحين ما في تخبيص الله يستر من الويك اند حاليا اكل 4 -5 وجبات في اليوم و اوقف الاكل نهائيا بعد المغرب اطلع من الدوام على طووووووووول على الجيم و مداومه على كلاسات البلاتس و السباحه بس كلاسات الايروبكس في مكان ثاني فما قدرت اروحها بس لاحقين ان شاء الله. الوزن لحد الحين ما وزنت رح اوزن يوم السبت و ادعولي بنات يكون النزول رهييييييييييب. اليوم انا صايمه بس في السحور يا الله طلعت روحي قلت على السحور خلي اكل شي مفيد علشان يكفيني للمغرب و انتو عارفين ان المغرب صاير يتاخر هل اليومين خذيت ساندويش اسمر مرتديلا و جبنه لايت طبعا ما عرفت اكمل نصها و على طوووووووووول الله يكرمكم على الحمام رجعته و اكتفيت بقلاس ماي و بسسسس.
    عن :arb: البارحه زاره اخويه و عرف انو اخوه الصغير ( أخر العنقود ) عامل حادث و حالته خطيره و حاليا في العنايه المركزه و هو صار له اسبوع مرابط في المستشفى ................. بنات اشعر بالذنب :icon33: حاولت اتصل عليه عدة مرات ما رد عليه بس استلمت منه مسج البارحه المسى يقولي انو موب بحاله تسمحله يكلمني الحين و رح يتصلي بس يكون مستعد على فكرة هو ابوه متوفي من زمان و هو الي ربى خوانه يعني تقريبا هم مثل عياله. ما اريد اكون عديمة الاحساس بس بعد ما عرفت انو ما يكلمني موب علشان هو زعلان و الا شايفله شوفه ارتحت شويه و الله يشفي اخوه و مرضى المسلمين جميعا يا رب بنات امانه تدعوله يقوم بالسلامه:(.

    خلاص ما رح اوجع راسكم اكثر من كذه نيجي للردود:

    توته يا بطوطه :
    شيدي حيلك ترى السبعينات موب بعيده عنك يلا انا اشجعك و زين ما تسوين لان رمضان فيه مغريات كثيره بس ديري بالك من الحلا. اخباري الحمد لله مازلت اقاوم هل الشحوم يا رب متى اخلص منها.

    نعنوعه :
    ما عليه جيتي في ثاني رد لاني امشي على الردود واحد واحد و تعرفين الذاكره عدم. و لا يهمك عادي دام انو في تواصل. الصراحه هذي اول مرة اسمه فيها عن اشعة الباريوم. التضويق حسب ما انا اسويه اروح للدكتور انام على فراش المعاينه و يدور على مكان الخزان بالضبط و يحقن السائل بالابرة و هي ابرة عاديه اول مرة المتني بس بعدها عادي ما احس فيها و اقوم بعدها اقعد في العيادة لمده 15 - 30 دقيقه اشرب ماي اذا كنت حاسه انو كل شي اوكي اروح و الا اروح للدكتور و اقوله اني منزعجه و الماي ما قاعد يمر و اطلب منه يوسع الحلقه و هذي هي قصة التضويق. ممكن تاكلين كليجه بس مرة وحدة في الاسبوع و على الاكثر قطعتين لانها غنية بالسكر و الكربوهيدرات الي تتحول لشحم على طووووووووووووول و تزيد الوزن و انا افضل انك لمدة ثلاث شهور تقطعين السكر بالمرة علشان تقدرين تتحكمين بنفسك بعدها اذا اكلتي ما تاكلي زياده. الروبيان فيه فوائد كثيره بس يزيد الكوليسترول في الدم فالافضل برضو تخليه مرة بالاسبوع. مشكورة الغاليه الله ينحفنا كلنا بصحه و عافيه و بدون ترهل......... تعالي نسيت اسالك انتي ما تسوين رياضه ؟؟؟؟

    ام عتريسه :
    الصراحه صرت اتحرى مشاركتك و اذا ما تدخلين اشتاق لكلامك الصراحه كلامك واااااااااااااايد حلو و مفيد رح اطبعه و اقراه على هداوه لانو محتاج روقان علشان يدخل النافوخ صح.
    افااااااااااااااااا زعلتيني منك اوي الغاليه ليش كل هذا الاكتئاب حياتي ترى يوم تكونين داون ما تؤذين غير نفسك. شوفي حياتي اذا انتي الجسم ماهو هامك و ما تبين تصيرين سيكسي تطالعي حواليكي كل هل الناس اللي يحبوكي شكثر رح يفتقدونك اذا لا سمح الله صار عندك سكر او انسداد الشرايين و غيره فكري من هل المنطلق ليش الواحد يجيب المرض لنفسه تعرفين انو الاحصائيات تقول ان متوسط عمر المراة ذات السمنه المفرطه ( مثل حلاتنا ) من 50 الى 60 تصوري .......... بالمقابل انو متوسط عمر المراة ذات الوزن المعتدل من 70 الى 80 يعني احنا بطريقة حياتنا هذي نخسر حوالي 10 الى 20 سنه من اعمارنا الي ممكن فيها نشوف احفادنا و عيال احفادنا. فكري و حاولي قدر الامكان ما تخلي في البيت اي شي يشجع اللقمشه مثل الشيبسات و العصاير و الحلاوة بانواعها و الشوكولاته و البسكويت و كل السناكس و حاولي تخلي دايما في ثلاجتك فواكه لانها سهلة الاكل و خضار مقطعه اصابع علشان تاكليها بسهولة بس تحسين بالجوع او تكونين فاضيه اوكي هذي رح تعجبك ليش ما تشترين الفوشار الخالي من الزيت طعمه رهييييب و يملى البطن بس لا تكثرين لان الذره بالاخر كربوهيدرات و تتحول الى سكر الي يتجمع بالجوانب الي خابرتهم. شوفي تجينا مراحل نخرب فيها الدنيا بس لا تياسين ابدا اذا خربتي ابدا لا تقولين خليى اخرب اليوم و اكمل بكرة يعني اذا اكلتي تشوكليت بار خلاص طنشي و لا كانك خربتي الريجيم و كملي على نظامك. حبيبتي حاولي تسوين رياضه مع البنوته يعني خذيها على حوض السباحه معاكي و الا حطها بالعربه و امشي معاها شاركيها في حياتك و احيانا سوي الرياضه بيها يعني مثلا ( هذا انا اسويه مع بنت اخويه الله يحفظها و عمرها 2 و نص ) اجلسي على الكنبه او الكرسي و جلسيها على الاقدام و حاولي ترفعيها هذا الرياضه مفيده للفخوذ او ارفعيها و نزليها من على الارض او يوم تسوين تمارين البطن خليها تحسبلك و اخترعي لانك الظاهر تتحججين بالي حواليكي يعني يوم بو الشباب موجود ما اقدر اسوي ريجيم و يوم مو موجود ما اقدر علشان البنوته حبيبتي هذي اعذار ............... اسفه اني شويه قاسيه معاكي بس حبيت اوعيكي على هذا الموضوع يمكن يكون تاه عنك و انتي اخبر بعمرك على اي حال ديري بالك على نفسك و الله يوفقك و تعاليلي يا حلو على التسعينات ترى الجو رائع بس الاروع بالثمانينات يالله صبرنا و نولنا مرادنا يا رب.

    الملكه العيناويه :
    و الله فرحتلك من كل قلبي و دام انو الي ما تتسمى عندك يعني بعدها اكيد رح تكونين نازله على الاقل 2 كيلو يا رب و هذا الميزان الخربان ارميه من الشباك و روحي اشتري واحد ثاني ما يغثك خخخخخ. حبيبتي دام انك لسه في التسعينات لازم تشدين حيلك و تسوين شويه رياضه علشان ما يترهل الجسم حتى الثلاثينينه كانت تسوي رياضه و مساجات. عادي الغاليه انا لحد 7 سي سي و الامور عاديه كانت معايه بس صرت 7.5 صرت اتغصص و ارجع هو حسب كل جسم و تحمله.
    هذا الكلام صحيح و اذا شربت مع الاكل تتغصصين و ترجعين على طووووول غير هذا انها عادة غير صحيه حسب ما سمعت لان الشرب بين الاكل يسبب انتفاخ الامعاء و يشعرك بالشبع الجزئي فتضطرين تاكلين اكثر و الله اعلم.
    الماي يساعد على تصريف السموم من الجسم و تكسير الدهون فحاولي قدر الامكان تشربين اكثر و خلي دايما بين ايديكي غرشه ماي علشان تتذكرين تشربين و الله عطشتيني.

    مديرة السعوديه + وهايب :
    ان شاء الله بنات ديرتش ما يقصرون و حياش الله.

    غنوجه :
    هلا حياتي انتي تقصدين البمز و الا شي ثاني ؟؟؟ على اي حال ليش ما تسوين مساجات لهل المنطقه و تسالي عن الشفط اذا يسولك لان وزنك حلو بس محتاجه ترتيب للجسم و الا انا اتوقع انو ممكن بالرياضه بس اذا ما عندك صبر روحي عن طبيب تجميل و استفسري بس لا تغيبين طمنينا عليكي اول باول.

    بنوته كووووول :
    ان شاء الله تكونين نازله عدل واااااااو نظامك وايد حلو جو اهيد بيبي ..... همممم الرقص انا احب الرقص بس ما اعرف :( كنت ناويه ادخل كلاسات رقص شرقي بس المكان بعيد عليه شوي و ما عندي مجال الحين. تعرفين انو الرقص يحرك جميع عضلات الجسم و خاصتا المشكله الاساسيه عندنا البطن و الوسط و الفخوذ.

    شيخة الزين
    : الف الف الف الف الف مبروووووووووووووووووك :icon28: :icon28: :icon28: و الله تستاهلين و هذا يشجعني اكثر انو من صبر ناااااااااااااال يلا حبوبه كيب ات اب نبي نشوف السيتينات بهل الرابطه اخيرا. و عقبالنا يا رب.

    سام :
    لاه يالغاليه حرام لازم لازم لازم تاخذي قرار انك تبطلي هل الاكل يا حياتي حاولي و حاولي و حاولي لا ياس مع الحياة اذا ما شايفه في فايده ابدا روحي و ضوقي على طوووووووووول. و ان شاء الله تكونين نازله.

    يتيمه :
    زيييين ما تسوين المشي افضل رياضه لتنزيل الوزن بس اذا تزيدين شويه تمارين للبطن و الذراعين ابرك تعرفين كلما نزل الوزن زاد الترهل اذا ما في شي يشد اليلد.
    مشكورة الغاليه على المشاعر الرقيقه هذي و الله ينحفنا كلنا بصحه و عافيه و بدوووووووووون ترهل.

    ريمونا :
    ان شاء الله تسوين عمليه المرار و تقومين بالسلامه و تلحقش العافيه على طووووووول.
    حبيبتي لا تخافي و وكلي امورك لله و باذن واحد احد ما يجيكي شر ابدا و طمنينا عليكي لا طلعتي من المستشفى.


    الثلاثينيه :
    ما شاء الله انتي ماشيه وايد اوكي و يالله يالله ما باقي شي دخلنا السبعينا و باذن الله الستينات جايه بس حسافه انك ما تسوين رياضه و الا كان نزلتي اسرع.

    غلا الدوحه :
    اكييييييييييد نذكرك و ان شاء الله تسوين العمليه و تقومين بالسلامه و تجين تشاركينا. حياتي هذي افكار عاديه كلنا مرينا فيها بس بالاساس هي وساوس شيطان فانتي كثري من قراءة الاذكار و المعوذات و صلي الاستخاره و توكلي على الله لانو بالاخر الحياة و الموت في يده فلا تحاتي اكثر من اللازم و بالتوفيق حياتي.

    يلا بنات خلي اشوف شغلي تشاااااااااااااااااااااااااااااااااااااوو
  3. @bnt_alsoryh

    مرحبا بنات


    شيخة الزين الف الف مبروك حبيبة قلبي
    عقبال ال60 يارب وانتب يصحه وعافيه وكل الصبايا


    انا الحمدلله 81 مره رضا أتأمل على اخر الشهر الميلادي اكون 77
    مازلت اعاني من التضويق بس الي يبغى الرشاقه يتحمل
    عسووووووووله تمنيت انك ترسلين لخطيبك رساله توضحين له انه متضايقه من شان اخوه وتتحمدين لهم السلامه وبيني ان قلبك معه

    يمكن تكوني ارسلتي له بس ماذكرتي مو معقول نسيتي تشاركينه هنه :)
    الله يقومه بالسلامه ويجمع بينك وبينه بخير


    الثلاثنيه وحشتيني قلبي

    كل الصبايا الحلوين هنا اتمنى تكونو بخير
    ريم
    الف سلامه ياقلبي انا مسويه المراره بالمنظار قبل الربط وقبل ادري ان فيه شي اسمه ربط بالدنيا
    المهم اتذكر انها سهله وتشبه كثير الربط بس جلست تعبانه 3 ايام تعب بسيط بينما الربط جلست اسبوع ماامشي وبعدها اسبوعين تعبانه

    بس انتبهي ترى ممكن يزيد وزنك بعدها هذا حسب كلام الدكتور


    طمنينا عنك

    القاكم بخير يارشيقات المستقبل
  4. @naanaaah_4

    بنت السوريه
    مرحبا بنات شيخة الزين الف الف مبروك حبيبة قلبي عقبال ال60 يارب وانتب يصحه وعافيه وكل الصبايا انا الحمدلله 81 مره رضا أتأمل على اخر الشهر الميلادي اكون 77 مازلت اعاني من التضويق بس الي يبغى الرشاقه يتحمل عسووووووووله تمنيت انك ترسلي…
    مراااااااااااااااااااااحب حبوباتي
    عسووووووووووولة:اشكرك جدا على ردك .الله يقوم اخو زوجك بالسلامة يارب ويوفقك مع:arb:
    انامااسوي رياضة بس ان شاء الله الشهر الجاي ابغى اشترك بالنادي للسباحه اعرف ان السباحه افضل رياضة للتنحيف وهي رياضه ممتعة جدا:)
    سااااااااااااااااام:ا:) لله يوفقك ويريحك وينحفك للوزن اللي تبغيه بصحه وعافيه يارب
    غلا الدوحه:ان شاء الله تسويها وتقومي بالسلامة كلنا قبل العملية يراودنا نفس شعورك بس استغفري طول الوقت لأن الاستغفار باذن الله يسهل الأمور وقولي هذا الدعاء قبل العملية (اللهم انت ربي لااله الا انت خلقتني وانا عبدك وانا على عهدك ووعدك ماستطعت اعوذ بك من شر ماصنت ابوء لك بنعمتك علي ابوء لك بذنبي فاغفر لي ذنبي فانه لايغفر الذنوب الا انت)من كان آخر كلامه من الدنيا هذا الدعاء دخل الجنه باذن الله او كما قال رسول الله صلى الله عليه وسلم.وهي عملية بسيطة وان شاء الله تسويها وتنحفي بصحه وعافية.
    الملكة العيناوية:انا كمان زيك مااقدر اتحمل لازم اشرب مويه بعد الاكل الله يستر.:(
  5. @dlal202

    بنات بعد العملية كم يوم تكونين تعبانه ؟؟
    ومتى تقدرين ترجعين الدوام عادي وتستمرين بحياتج الطبيعيه؟؟
    لاني ناويه ان شاء الله اسوي العملية بالخميس واداوم عادي بالاحد.. مابي احد يحس بغيابي في الدوام
    وشو الترهل يصير وايد؟؟


    لاني الحين خلصت امتحاناتي وقاعده اسوي كنترول شويه للاكل عشان اسوي العملية جريب..

    انتظر ردودكم