مرحبا بنات ...........................
انا اليوم ودى اتكلم عن موضوع معين وهو موضوع أهمال الزوج للزوجه والعيال عشان رضا الام والخوات ..
طبعا الام لها احترامها وتقديرها ومحد يقدر يقول غير هالكلام بس فى ازواج ما يصرفون على زوجاتهم ما يهتمون فيهم مايلبسون عيالهم وكل ما تكلمت الزوجه قالها اخرسى هاى امى ولا هاى اختى !!! طيب وزوجتك وعيالك يموتون ؟؟
بعطيكم مثال ....
الزوجه قاعده فى البيت زوجها ماعنده لا شغله ولا مشغله ..
الفقيره قالت له حبيبى ممكن تودينى المكان الفلانى ؟
رد عليها .. اوه ما تشوفينى تعبان
وماتمر ثوانى الا امه متصله فيه وجرررى يروح يوديها
مثال ثانى
ايام العيد مايعطى زوجته فلوس عشان تشترى ملابس حق عيالها وراتبه كله حق خواته
بتقولون يمكن خواته محتاجات !! بقولكم لا حالتهم الماديه ممتازه
اذا مرضت الزوجه ما افتكر فيها ولا سأل عنها :(
أذا تسأله انت تحبنى يقول لها انا ماحب احد :09: بس اهم شى بحياتى اهلى
يعنى تخيلى نفسك طول الوقت تسمعين من زوجك امى اختى امى اختى شنو بيكون شعورك وشلون بتتصرفين وهل بتحبين اهله ؟؟
انا من ناحيتى بكره اهله كره مو طبيعى على الرغم انى مو متزوجه بس ما اتمنى جذى زوج :angry2:
بتقولون اتكلمه وتفهمه مسكينه مافى شى ماسوته كلمته وكلمت بيتهم يكلمونه وكل يقول بتغير وهو ولا متغير ... بس كل ما يخليها تطلع ولا تأخر شنو يزعم يغار هو ما يقولها بس يزعم من تصرفاته ويقولها انا ما عرف ادلع .. طيب حتى ما تعرف تحترم ؟؟
نبى رايكم لو ازواجكم جذى شلوون تتصرفون معاه ؟؟؟
شاركي في النقاش
سجلي الدخول لإضافة تعليق.
التعليقات
17- حبيبتي الزوج ما يسوي كذا إلا باسباب ؟؟
قد تكون داخل نفسه هو يا من سوء تربية ..!أو
يكون متعلق باهله جداً جدا
أو من تصرفات الزوجة اللي تحاول أنها تبعد الرجل عن أهله
أو تتكلم فيهم أو يحس أنها تكرههم
وبالنسبة للكلام الحلو أو لما تسأله يقول ما أحب أحد ؟؟
يمكن ما يكون قاصدها بحذافيرها
ولاحظي تربينا هنا على الجفاف او بمعنى أصح الجفااااااااء ؟
ما تعود رجالنا على الكلام الحلو فطبيعي فاقد الشي لا يعطيه
وينك عن وحده طلعت هي وزوجها لمطعم وقالت له
قلي كلام حلو قال أقول بلا كلام مسلسلات ؟؟:(
والحب بالأفعال ماهي بالكلام ..؟
ولا تحاول تدقق في تصرفاته بأختصار تشيله من بالها
شوي بتلاقيه يركض وراها وقولي المحبه ما قالت :) - بالعكس حبيبتى البنت كانت ساكته ولا تكلم وكل تقوله خواتك ويستاهلوون بس اذا الشى زاد عن حده الوحده ماتقدر تصبر اكثر ما يصير تكون مهمشه ... هى ما قامت تكرهم الا بعدين لما حسست ان زوجها مو مهتم فى مشاعرها ولا يعطيها حقوقها كزوجه .. انا اتوقع من سؤ التربيه لان الام اذا ربت الولد وهو صغير على احترام بنات الناس ولما فكر يخطب فهمته ان لها احترامها وحقوقها والله جان ما صارت كل هالبلاوى
- اى والله المحبه وانتى الصاجه الرجال تفلى عليه يلصق
بس مو كلهم والله فى محترمين وعاقلين الله يرزقنى بواحد منهم ويرزق كل البنات - شوفي حبيبتي عدلت ردي فوق ويا ليت تقرينه من جديد
وبالنسبة لكلامك أسمحي أقولك يا قلبي
أن المرأة بذكائها وفطنتها وفهمها لنفسية زوجها تستطيع ان تسحب زوجها لها
بس هذا يحتاج له فن وصبر وقل من يتقن هذا الفن ..؟
لذلك نجد التخبط في العلاقات بين الزوجين
ولاحظي الشيطان حاضر ؟؟
وحبيبتي قولي لها تحسن لأهله وتعاملهم زين وبتشوف الفرق 180درجة :)
حبيبتي البعض يمكن يعارضني بس اتفهم المعارضة لأننا للأسف
تعودنا دائما أن نعلق أخطائنا على شماعة الاخرين ..؟
تعودنا نخرج انفسنا من المشكلة ولسان الحال أنا برئية ما سويت شي ...!!
وتعودنا نغلط ويصفق لأخطائنا ...!
ما تعودنا اللي يجي ويقول لا انت خطأ ..؟
أتمنى أن تتقبلي مروري بصدر رحب
:26: - بطنشه
برايه خله يحب اهله وانا بحب اهلي يمكن يحس
مواضيع مشابهة
تابعي تجارب أخرى من هذا القسم.