زوجي يمر بضغوط نفسيه ..

الله يفرج كربته يارررب
اهم شي حسسيه انك واقفه جنيبه .. اغمريه بحنااانك .. هو محتاجلك اكيد ..
بس لايفصل حرام .. لازم يتحمل .. المشاكل في كل مكان صدقيني لازم يكون اقوى من كذا ويتحمل
الدنيا ماتمشي على كيفنا
الله ييسر امركم ويفرج كربكم

ادعيله الله يفرج همه ويقته وصدقيني اخذيها مني نصيحه لا ترغمينه على الكلام عشان انتي اتطمنين وترتاحين لان الريال طبيعتعه اذا صارت عنده مشكله يفضل انه ينعزل ومحد يكلمه ويدخل في عزله الى ان يجد حل او يخرج بتفكيره من المشكله ويستعد انه يتفاهم معاج ويتقبل كلامج، اما اذا حاولتي تراضينه ابكل طريقه استدرجتيه للحوار تأكدي انها اسوأ طريقه لانج اهنيه اتحسسينه بالضعف وانه غير قادر على حل مشاكله بنفسه ، فتركيه هالايام الى ان يستعد يكلمج ابنفسه وقومي ابواجباتج العاديه ،، وحاولي انج تعطينه الحنان والحب اللي يحتاجه بدون مبالغه ،، اعرضي عليه انج اتسويله مساج ،، احضنيه وهو راد البيت ، حضريله وجباته المفضله ،، عطيه هالايام ايس كريم بعد الغدا لان الايس كريم له دور انه يخفف الحزن اشلون مادري ..اذا دخل الغرفه وما حب انه يتكلم خليه وتركيله مساحه من الحريه لانه يفكر ومايبي احد يقطع حبل افكاره ،، نادي ابكل كلمة حلو ادعيه للريوق والغدا والعشا ابكل حب ،، حطي الجاي مع المكسرات جدامه بالعصر حاولي اتسلين اعيونه سواء بالطعام والحلويات والتجديد المستمر فيج وابشلج ،، يعني باختصار الفتي نظره بطريقه غير مباشره حتى اتخففين من توتره،بعد فتره كافيه اطرحي عليه فكرة انكم تطلعون مع بعض مكان هادي واهناك تتفاهمون ويمكن يقولج كل شي ابنفسه عن طيب خاطر ،،بدون لا تضغطين عليه واتصير فجوه بينكم. والله يوفقج وياه يارب

صح اختي ورب ضارة نافعه اذا وقفتي معاه بهالوقت بيحس بقربك وانك تحبينه
حاولي تبعدين قد ماتقدرين عن اي شئ يكدر خاطره حاولي تسعدينه ..
يعني سوي له مفاجئه وغيري جو البيت اطلعي برى شاليه او اي مكان وسوي لك برنامج خاص
بحيث تشغلين اكثر الوقت بالمتعه .. وحاولي تجذبينه بهالأشياء ولاتنسين تخففين من توتره بتذكيرك للجزاء وان اكثر الناس بلاء هم الأنبياء وعسى ربي يكتب له الخير وين ماكان ,,
وصدقيني بلسانك تقدرين تنسينه وتخلينه يفتح قلبه لك وفي كل مره يضيق خلقه

والله يفرج له ويسعدكم يارب

السلام اختى انا زوجى نفس الحاله بس هو فنش من الشغل وقعد فى البيت بس اقول الحمد الله على كل حال

اذا كان مظلوم قوليلة اشلون تتفنش وتفرح الى اظلموك وتنصرهم عليك
وبينيلة ان في كل عمل ايام حلوة وايام شينة وخلية يردد دعاء الهم ويفضل انك تكتبيه في ورقة صغيرة وقوليلة يرددة
الله يهدي سركم
وان كان ولابد قولي لة لايتسرع بطلب الاستقالة او اامن نفسة بوظيفة جيدة يرتاح فيها وبعدين يطلب الاستقالة يكون في هالوقت فكر زين واتضحت الرؤية عدل