اتمنى تستفيدون من هالفكره واستفيد انا بصراحه شايله هم حق الشهر الجاي بيصير زحمه على السوق شيء مو طبيعي من ناحية السوبر ماركات والمكتبات والاسواق
وانا ماابي اعيش هالحوسه :angry2:
وبما أن اسعار المواد الغذائيه نااااار قررت الشهر هذا اقضي حق المدارس من ملابس وشنط والاغراض الثانيه الدفاتر والاقلام.......و ......... الخ
طيب نجي للمواد الغذائيه أن اتوقع 1000 ماتكفي من دجاج ولحوم وخضار وادوات تنظيف
انا الي بشتريه كرتون زيت (دلال) حلو ينفع بالحلى والكيك والقلي ورخيص سعر العلبه ب7 ريال الحليب بشتري حق الحلى (كليم )
هذا الي خطر ببالي الى الآن اتمنى نستفيد من الجميع وتحياتي
شاركي في النقاش
سجلي الدخول لإضافة تعليق.
التعليقات
19- والله ماعندي فكره انا ماقضي لرمضان غير اللحوم والعصيرات والباقي مايختلف عن ايام السنه
- جات المدارس وجاء رمضان الله يعين مصاريف لها اول مالها اخر الله يرزقنا ويرزق الجميع
ودي والله اخلص مقاضي المدرسه من بدري قبل لا يولعونه بالاسعار انا عني بنسبه لرمضان ما اكثر لانه احنا عيله صغيره وزوجي ما ياكل كثير اهم حاجه الشربه والقهوه والرطب وبرضوا السنبوسه والفول وعيالي اشكلهم بالاكل بس موكثير والكميه تكون بسيطه والحمدلله من غير اصراف
وترا ماله داعي ناكل للتخمه
وفعلا زي ماقلتي تلاقي العالم برمضان وزحمتهم تقولي داخلين على مجاعه ولا منع تجول الله يهديهم هذا غير ارتفاع الاسعار حسبي الله عليهم ونعم الوكيل احنا اللي ناخذه اذا للمدارس واذا لرمضان يادوب المهم والضروريات ونوصل مبلغ وقدره
الله يرزقنا من واسع فضله - الله المستعان
- رمضان عندي ما يفرق عن باقي السنه المعجنات هي هي نفسها وحتى العصيرات بس اللي راح اخذه زياده هي شوربة الحب بس اما الباقي عادي ما فيه تغيير الا كمان اباخذ لقمة القاضي ولا افكر اسويها من المنتدى مو لا شرط يعني المدلعه الحزينه عندي لك فكره ليه ما تاخذي الدفاتر والاقلام من الحراج والله رخيصه واشكالها روعه ما تفرق عن المكتبات الكبيره لانهم يبيعونها لك بسعر الجمله هذا اللي يسويه ابويه مع اخواني وكمان اخوات زوجي ودفاترهم واغراضهم تووووووووووحفه جربي ما راح تندمي بس الشنط لا تاخذي من الحراج ما هي جوده شهر وهي متقطعه وبخصوص اغراض رمضان ليه تاخذيها من سوبر ماركت مع الغلا الفضيع روحي مراكز البيع بالجمله معليش هو تعب ولفلفه بس والله ارحم من النهب وكمان الدجاج لا تاخذيه من السوبر ماركت خوذيه من الثلاجات الخاصه حق فقيه ولا رضوى اللي تجيه محلات ضغير بس يبيعو دجاج وبيض ترى ارخص وعن تجربه انا اخذت الشهر اللي راح صندوق دجاج رضوى 600 جرام فروج ب 67 ريال وفيه 17 فروج وانت جربي واحكمي
- طبعا بما انه الشهر الفضيــــــــــل فلازم نغير بالاكل شوى ...
يعنى الشوربه وخصوصـــــــــا كويكر مهمه عندنا من اول يوم الى اخر يوم...فلازم اشترى نص درزن علب شوربة كويكر
المعجنات طبعا برمضان منوعه ويوميه ولذا نحتاج الدقيق اكثر من السابق فلازم درزن..طحين كويتى
الزيت برضه اخذ ثلاث حبات عافيه لانه صحى ونقى وماله نكهات وريحه..
الخمائـــــــر من الباكينج باودر والخميره الفوريه هذى متوفره عندى دايم...
اللحم المفروووم عنى احب لحم امريكانا غنم لذيذ ومافيه نكهه غريبه...
العصائر ولفيمتو هذى لازم طبعـــــــــــا..
النشا والكاسترد والدريم ويب هذى متوفره عندى...
الدجاج احب صراحه دجاج ساديا لانه ابيض ومافيه نكهه اوزنخه...
الماجى انا مااستغنى عنه دايم موجود ومتوفر...
القشطه وكنت مااستغنى عن كى دى دى ولقيت البديل اولكر تجنن....
الكنافه اشتريها بوقتها واسويها...
بصراحه انا مااكثر لان زوجى له اصناف معينه يحبها وعيالى صارو زيه ..
والحمد لله على نعمته يارب ...
واللهم بارك لنا ولكم فى رجب وشعبــــــان وبلغنا رمضان....
مواضيع مشابهة
تابعي تجارب أخرى من هذا القسم.