يابنات أن بحيرة حللوا شخصية زوجي وأهل زوجي وعطوني الحل

مرحبا لأحلى أعضاء أحكيكم قصة زميلتي وطبعا تبغى منكم تعطونها الحل هي متزوجة صار لها تقريبا 3سنوات وزوجهاطيب جدا وهي حامل الأن بس المشكلة أنه يفضل يقضي وقته عند أهله أكثر ما يقضيه عندها يروحلهم بالصباح والعصر وكمان إذا ما حصل أحد من زملائه بالأستراحه ما يرجع لبيته لا وين يروح يرجع طبعا لأهله حتى لما يتمشون بالعصر يجري جري عشان يزور أهله(( وخاصة أمه)) وحتى لو بالصباح كان عندهم وكله عشان إيش قال إيش رضا أهلي أهم (أنا بنظري هذا مو رضا هذا خبال ) وزوجها طبيعة عمله يداوم يوم وثلاث أيام بالبيت يعني أغلب وقته فاضي حاولت زميلتي ونصحته يدور عمل ثاني بس عاجبه حاله كذا هي ما منعته يروح لأهله لكن بحدود المعقول ولا تبغاه يقابل وجههالا بالعكس تبغاهه يفكر بالمستقبل بالمولد اللي جاي بطريق خاصة أن راتبه قليل ما يكفي انشالله لو يشتغل بتاكسي أفضل وكمان أهله طيبين بس كمان لهم دور بهذا الشي( اليوم اللي تنجح ويجلس معاها بالبيت يتصلون عليه أنت وينك ما جيت ماهي عاويدك أو يتصلون يطلبون أغراض للبيت و بذات أمه تتصل وتطلب أغراض حتى الفجر وهم نايمين العصر ـ الظهر تتصل هي أو أي أحد من بناتها أو عيالها وعندها عيال ماهم متزوجين تقدر ترسل واحد منهم بس لا إلاماعندها ألا زوج زميلتي وأمه هي السبب ماهي عارفه كيف مربيته أيش قوة الشخصيه اللي عندها(( طيبه مع زملتي صحيح بس زميلتي كمان لها حق تبغاها يحس فيها مثل يحس بأمه وتبغى أمه تحس أنه ولدها تزوج ومسؤول عن أسرة ومو كل يوم بيجي يقابلك وعنده زوجه لازم يجلس معاها ومولد بطريق لازمه عنايه كيف إذا كبرهل تقوم بواجبته لحالها ماهي معقوله حتى أهلها لاحظو ا كثر روحات زوجها لاهله ودها تعرف ويش يقولون وبيش يتسلون بنهايه زميلتي ما تنكرأنهم طيبين معاها بس حياتهم حياة هماجة يابنات ويش رأيكم هل هذه غيره من أمه وزميلتي ما هي حاسه أو زميلتي حساسه أو أن زوجها شخصيته ضعيفة أو هناك خلل وهي ماهي حاسه تراها تنتظر ردكم ويش تسوي مع زوجها كيف تخليه يحس فيها وكمان ويش تسوي مع أهل زوجها.

13 تعليق 1,620 مشاهدة

شاركي في النقاش

سجلي الدخول لإضافة تعليق.

التعليقات

13
  1. @fgr2007

    الله يعينها:(
    انا في رائي انهاتكلم زوجها مره واثنين وتحاول انها تحط حدلتعلقه باهله هذا اذا كان مقصر معها اما ان كان مو مقصر معهاويحترمها ويلبي طلباتها فكمان لاهله عليه حق وخاصه امه :26:
    وعليها بالدعاء ان الله يسخرلها زوجها:26:
  2. والله ياعيوني
    هذولا اهله ومايحق لها تمنعه من زيارتهم او يخخف من
    هالشي مدام ماهو مقصر معاها ونصيحة لصديقتك مدام الامور في يدها
    لالالالاتخسراهل زوجها وخليها تفكر بأمة وخواته وحاجتهم لاأخوهم..
    لاتمنعه من اهله ولاتناقشة ومع الايام راح يتغير ويحس بالمسولية اكثر
    هذا والا!
    ثانيا مدام زوجها ضعيفه شخصيتة يعني كلمة توديه وكلمة تجيبة خليها
    تكسب اهله اكثر واكثر لان اذا منعته راح تصير مشاكل ؟
    وبكذا راح يضغطون عليها بولدهم من خلال شخصيتة الضعيفة ؟
    وخليها تخاف ربها باامه المسكينة ترى الدنيا دووووااااااره ؟
  3. "جيتـــــارا
    والله ياعيوني هذولا اهله ومايحق لها تمنعه من زيارتهم او يخخف من هالشي مدام ماهو مقصر معاها ونصيحة لصديقتك مدام الامور في يدها لالالالاتخسراهل زوجها وخليها تفكر بأمة وخواته وحاجتهم لاأخوهم.. لاتمنعه من اهله ولاتناقشة ومع الايام راح يتغير…
    زوجها يرتاح لأهله ويحب يجلس معهم وبنفس الوقت يحس انه يبر بأمه وهذا شي طيب
    وصديقتك بصراحة تغار من هذي العلاقة بدليل انها ودها تعرف وش يقولون لكن مادام انهم طيبين معها عليها انها تقدرهم وتحترمهم وتحمد ربها انهم كذا ولاّ فيه بعض الخالات متعبات وسليطات
    ومن ناحية انهم يتصلون عليه عشان يجيب لهم طلبات هذا شي عادي لانهم عارفين ظروف عمله يومين ماعنده دوام
    لكن لو تحاول تفكر معه لو يحاول يدور عمل يقضي وقت فراغة ويزيد من دخلهم لكن اذا مارضى فهو
    خليها تحط ببالها انه اذا زادوا عدد الاولاد يبي يحس بالمسؤوليه فيحاول يحسن من دخله عشان اولاده
    اهم شي تشوف طلباتها وحقوقها
    واهله مالها حق تمنعه عنهم وعليها انها تفكر بامه اللي حملت وولدت ورضعت وتعبت وربت وبعدين تجي بنت الناس تقول لاتروح لامك!!!:09:
  4. @alkshh_almntfshh

    مدامه يروح لاهله احسن مايروح لربعه واسترحات وخرابيط وبلاوي تحمد ربها على زوجها
    ومدامه يحب اهله خليها تتقرب لهم وخصوصا امه واذا على الشغل وتقول لخالتها انها حامل ومصاريف وان البيبي اذا جاء اكيد بيحتاج طلبات وكذا وقوليلها انا ودي اكثر من طفل بس الحال على القد وتقعد تتشكالها شوي وبعدين تطلب من امه انها تنصح ولدها يدور شغل اضافي واكيد اذا قالتله امه بيصير يحس بالمسوليه وشوي شوي بخفف روحاته لهم عشان بيصير مشغول
  5. @thlal_alkran

    اول ما تزوجنا حمولتي كانو يطرشون زوجي حتى على الخبز او حليب ولد اخوه الي منسدح بالمجلس
    وقامت اخت زوجي تطلع معاه كل يوم اسواق مجمعات كانت زعلانه مع زوجها
    وكنت انا عروس لي شهرين متزوجه كل يوم العصر يوصلني بيت اهلي ويروح لها يتمشون يوميا
    قالت لي اختي الكبيره شنو هالغباء امسكي زوجك واطلعي معاه كل يوم فكري بمشوار
    طلعت يومين ورا بعض وقامت القيامه علينا
    قالت خالتي عندي حل يوم لاختك ويم لزوجتك ؟؟؟
    قلت تدرون شلون اخذوه كله ما ابي اطلع والحمد لله بعد سنه رجعت لزوجها وما زال زوجي مطاراش لاهله وحريم اخوانه هم تعلمو عليه
    وما ارتحنا الالما جونا العيال وانشغل هو فيهم وبمصاريفهم
    والا الان اخت زوجي لها تأثير كبير بشخصيته يعني اي قعده بسيطه معاه
    تفر مخه فر
    يالله الله يعين

تابعي تجارب أخرى من هذا القسم.