دمعة غالية
جبرني الوقت
لين متى عيني تهل
تسلمون ع الكلام الحلو الله يجزيكم كل خير يارب
والله اني صابرة ومحتسبة أجري عند رب العالمين بس صدقوني تعبت واول مرة اشكي الحال
من 6 سنين تطلقت ومعظم اللي تقدمو لي مب متزوجين بس اهلهم مب راضين
وواحد منهم الين الحين ما تزوج لأنه يبيني بس مب قادر يقنع اهله , طبعا انا مب حاطة
أملي عليه
ما عندي مانع اخذ متزوج بس وينه ؟؟؟؟؟ تقدمولي 2 متزوجين ظروفهم ما تساعد
اني اوافق عليهم
واحد من الاهل يوم حرمته درت انه بيخطبني قلبت الدنيا فوق تحت وكلمت اكبر راس
في العايلة عشان يقنعني اني ما اوافق وهددت تسوي بلاوي ,,, بالله هاذي لو تزوجت
ريلها باجر شبتسوي فيني ؟؟؟؟؟ ما استبعد تغتالني والا تسويلي سحر ترى الجهل مصيبة !!!!
والثاني المتزوج يبيني اسكن مع زوجته وعياله لأن ظروفه ما تسمح له
يفتح بيتين ,,,,, تخيلو بنات ؟؟
طبعا رفضت الاثنين
ولين اليوم محد دق بابي ,,, ما كنت شايلة هم هالموضوع وعايشة حياتي الحمدلله بس
بديت اشيل همه عقب ما عديت الثلاثين وشفت نفور الناس مني
صدقوني الحياة حلوة اذا الوحدة مب ناقصها شي والله منعم عليها بس افكر في باجر ,,,,
لا تلد ولا ولد وكل اخواني وخواتي متزوجين وصديقات ما عندي كل وحدة لاهية بزوجها
وعيالها شو بيكون مصيري ؟؟؟؟ لين متى بتم وحيدة ؟؟
" المال والبنون زينة الحياة الدنيا والباقيات الصالحات خير عند ربك ثوابا وخير أملا "
مهما قلنا وكبرنا وسوينا بنظل محتاجين لسند
{عالم المطلقات }
متابعة النقاش، صفحة 61