ومثل ماعرفنا في اعشاب وصبغات طبيعيه تضاف للحنه حتى تغير من لونها الاحمر او تعزز اللون الاحمر بشكل اقوى
او انها تعزز من مفعول الحنه وتقويتها للشعر
يعني كلها فوائد رائعه والاهم انها طبيعيه
حبيت اوريكم حنتي وطريقتي في وضعها والعنايه بالشعر من بعد الحنه
لان الحنه معروفه انها تنشف الشعر لكن مع العنايه ابدا ماراح تنشف الششششعر
نحضر الحنه الزينه والنوعيه الجيده
وماء دافي ... واذا حابه ممكن ماء الاعشاب مثل الكركديه او البابونج او الشاي الاحمر
وقليل جدا من الزيت وانا استعمل زيت باراشوت (وممكن تستغني عن هالخطوه اذا خايفه ان شعرك ما يصبغ مع انه يصيغ لاني جربت الطريقه )
وبيضه ... الاحسن اضافتها بعد التخمير
وعلى فكره يا بنات اذا تخافين من ريحة البيض ممكن تضيقي نقاط من الخل .... انا دايم استعمل هالشي في الكيك ... او اي شي اضيف فيه بيض وابدا ماتطلع منه ريحه ... والخل بعد مفيد للشعر
وممكن تحطين زبادي او مايونيز لكن بعد التخمير وليس مع عجن الحنه
ليش اقول بعد التخمير حتى ما تتغير خواص الحنه اثناء التخمير ...
انا اهني حطيت البيضه معاها ... بس بعدها فكرة لو حطيتها بعد التخمير يكون افضل :)
وهذا زيت باراشوت .... اعجنيها جيدا لما تختفي التكتلات .... على فكره يا بنات اشتري الخفاقه اليدويه و خصصيها للحنه بس (الله يعافي بو 100 فلس ملياااان من هالخفاقات ) ... حتى تخلط الحنه جيدا بدون تكتلات... وتغطينها وتتركينها حتى تخمر مابين الساعتين او ال 12 ساعه
وهذا شكلها بعد ما اخمرت طلع لونها وصارت جاهزه للاستعمال
سمي بالرحمن وقولي بسم الله الذي لا يضر مع اسمه شي في الارض ولا في السماء وهو السميع العليم... واللهم بارك لي في شعري
مشطي الشعر .... وقسميه .... والافضل استعمااااال هذى الفرشه تراها روووووووعه وتوزع لك الحنه مضبوووووووط على الخصلات وخاصتا على الجذوووور....
خلي شعرك مكشوف لمدة نص ساعه وبعدها لفيه بالنايلون .... واتركيه من 4 ساعات واكثر
غسسسسسسسسلي الشعر بالماء فققققققققط ....لما تنزل الحنه من شعرك جيدا
وبعدها ادهنيييييه بالزيت ومن ثاني يوووووم اغسليه بالشامبوووووو
بعد يومين من غسيلك لشعر استعملي حمام زيت حتى نطري الشعر ... طبعا حمام الزيت حسب نوعية شعرك وحسب حمام الزيت المناسب لك
بعد ماتغسلين شعرك نظيف نشفيه اشوي بالفوطه ... وحطي عليه حمام الزيت وغطيه بالنايلون لمدة نص ساعه وبعدها اشطفيه بالمااااااااء
كرري حمام الزيت بالاسبوع مره
ولا تنسون هذا الموضوع فيه بعض الصور المشجعه وبعض الخلطات للحنه
http://forum.hawaaworld.com/showthread.php?t=954455
واتمنى لكم الفاااااااااائده
هذى بعض الاضافات المنقوله لتغير لون الحنه
اللون الاحمر الناري :
قدر من الحنة كافي لشعرك + كاسة شاي خل + كوب زبادى او روب + ماء دافئ
اللون الاصفر مع لمعة نارية :
لكل ملعقتين حنة ملعقة كركم + مع كوب زبادي او روب + ملعقة خل + ماء دافئ
اللون البندقي :
لكل ثلاثة ملاعق حنة ملعقة بن بدون هيل + كوب زبادي او روب + ملعقة خل +ماء دافئ
اللون الاسود الفاحم :
قطعة كبيرة من الحجر الاسود ذوبينها بماء حار واخلطيها مع الحنة مع ملعقة من زيت الزيتون
ملاحظة مهمة
كل الوصفات تخلط و تترك ساعة قبل الاستعمال فى مكان دافىء
بالنسبة للوصفة الاخيرة (الاسود الفاحم) لاحظي ان الحجر الاسود لونه ما يخرج من الملابس اطلاقا و لا من الجسم بسهولة فيراعى استعمال القفاز ودهن الجبهة والاماكن المعرضة للمس بالفازلين لانه عازل قوي