ما ادري وشو الشطبات وتشقق الرجلين اذا كنتي تقصدين جفاف الاقدام وتشققها
انا مره سويت طريقه وحسيتها نفعت مره واخذتها من احد المنتديات
والحمدالله الحين رجولي ناعمين من بعدها
جيبي فازلين العادي وممكن تخلطين معاه حق الاقدام لكن انا استعملت العادي
بالليل قبل تنامين غسلي رجلك بمويه وصابون وحاولي انك تنقعينهم شوي لو دقيقتين بس عشان تلين شوي وبعد كذا جيبي الحجر حق الفرك اللي عند العطارين وفركي الاجزاء المتشققه وراح تلاحظين انه بتتقشر شوي
بعد كذا جففي رجولك بفوطة وادهني رجولك بالفازلين والبسي شرابات ونامي
الصباح روحي للحمام وجيبي الحجر وفركي رجولك مره ثانيه لكن حطي معاه صنفره وحكيه بعدين نشفي رجلك وحطي كريم جليسوليد خفيف مرره واذا تشربه الجسم عادي مو لازم تلبسين شرابات الشرابات بس وقت النوم
استمري على هالحركه 3 ايام وراح تلاحظين الفرق انا حصلت على نتيجة مرضيه خلال 3 ايام وانتي على حسب تشققات رجلك بس بإذن الله انها ما تاخذ اكثر من اسبوع
الوقايه
لازم تشربين مويه كثر
وماتمشين حافيه ابداً ابداً ولاتقولين شوي حتى لو خطوتين حاولي تلبسين شبشب مريح للبيت
حتى لو بيتك مفروش .. الاقدام راح تنعدم اهم شي الشبشب
وفي كل ترويشه فركيها بالليفه المغربيه او الخشنه شوي فرك خفــيف حتى لو مافيها شي واذا نشفتي جسمك حطي عليها كريم مرطب
ساعدوني بآخر حركات الأستقبال للمولود وامه
متابعة النقاش، صفحة 30