زعلانه من قسم تأخر الحمل كثير...مارأيكم بفكرة تبني الأطفال؟؟؟؟؟

زعلانه لإن طرحت لهم الموضوع ومحد رد علي:(
خواتي تعبت من المحاولات
وفكرت إني أتبنى بطفل وأربيه تربية صالحة إن شاءالله بس الوالدة رافضة الفكرة لما طرحت لها الموضوع:icon33:
قلت أشاور خواتي بالمنتدى أحسن لإن عارفة إنكم ماراح تقصرون معاي:)
ما شاورت زوجي بعد ،قلت إذا الكل أيد فكرتي راح أطرح الموضوع له وما أعتقد يرفض:arb:
أنتوا أيش رايكم بالموضوع؟؟
ومنها أكسب أجر من ربي إن شاءالله.
أنا متأثرة كثير أسمع أطفال رموهم بالزبالة ولا عند المستشفى ولا بالمسجد...قلبي يتقطع من الألم أحس حرام ...في ناس تتمنى ومومحصله....
أنتظركم.

21 تعليق 1,752 مشاهدة

شاركي في النقاش

سجلي الدخول لإضافة تعليق.

التعليقات

21
  1. اولا الله يرزقنا و اياكم من واسع فضله..
    و ليش لا اذا انت مقتنعة و زوجك كمان؟ اهم شي لو قدرتي تخلين احد من قرايب زوجك و قرايبك يرضعه عشان سالفة الحرمة عن زوجك و اخوانك و كذا..

    اسأل الله لنا و لكم التوفيق و السداد آآآمين.
  2. هلا بك يا قلبي
    التبني في الأسلام منهي عنه
    وخذي هالرابط يتكلم فيه الشيخ عن التبني


    http://www.zuhayli.net/lecture01.htm

    وأنا برائي ألجئ لربي
    اللي ما يخيب عبده
    ادعي وأدعي وتصدقي كثير وخلي تعلقك برب العالمين
    أقولك وحده من صديقاتي زوجها شبه عقيم
    وأكدوا لهم الأطباء أنهم ما فيه أمل يجيهم عيااااااال :(
    وتعالج وقالوا ممكن يصير حمل بس
    جا معاها ضعف وضعف شديد :(
    وبالدعاااااااااااااء والصدقة
    حملت ببنتين تؤام :26:
    الله يخليهم لها آمين
    اللهم يا كريم يا حي يا قيوم
    أرزق أخواتي وأخواني المسلمين
    الذرية الصالحة
    اللهم كثر أمة محمد لرفع رايتك اللهم أمرتنا بالدعااااااااااااااء
    فها نحن ندعوك كما أمرتنا فأستجب لنا كما وعدتنا
    ورددي أدعية الحمل
    "رب لا تذرني فرداً وأنت خير الوراثين "
    "رب أسألك من فضلك "
    "رب هب لي من لدنك ذرية طيبة أنك سميع الدعاء"
    اللهم آمييييييييييييييييييين
  3. @bsm_alm_2011

    أخذي طفلواذاعندك اختك بعد اترضعه وبالتالي ايصير ولد اختك أو بنت واتخلي اخت زوجك اترضعا وجذيه اتصير لكم من الاهل
  4. @aloshah_alabyd

    الله يرزقك الذرية الصالحة ...بس انت كم لج متزوجة ...اذا سنة او ثلاث اصبري في ناس بعد عشر سنوات الله رزقهم بالأطفال الله لايحرمك من هالنعمة إن شاء الله ...واذا انت تبغين تتبنين طفل الافضل انك تتكفلين بتربية يتيم منها مثل ما قلت تأخذين اجر وفي ناس اعرفهم عندهم عيال وكافلين أيتام ويربونهم مع اولادهم بس طبعا ما راح ينكتب باسم الزوج ...الله يوفقك يااااارب لما يحب ويرضى.
  5. @allh_ykhlyly_mama

    حبيبتي الامل بالله كبير ان شاء الله يرزقك بالذريه الصالحه

    واذا انت مصممه على ذلك اختاري الوقت الي تكون فيه سلفتك او اختك او بنت حماك في نفاس عشان تحرم على زوجك اضمن من باب الحلال والحرام والله يوفقك

    في كان عندنا وحده من الاهل زوجها عقيم وربت ولد وبنت من ايام حرب البوسنه مسلمين صغار بجنونو ما شاء الله واخوات زوجها رضعوهم والحين صار عمرهم 15 سنه ما شاء الله ادب واخلاق

تابعي تجارب أخرى من هذا القسم.