مالي غيركم من بعد الله

بنات مالي إلا انتو آشكي لكم همومي من بعد الله
بادخل في الموضوع على طوووووووووول
آنه تزوجت وعمري18 سنه واللحين صار لي سنه وكمن شهر على زواجي وعندي ولد عمره 5 شهور
زوجي مايقصر معاي بشي من ناحية طلعات او فلوس يعطيني الي ابي مع انه على قد حااله
المشكلة انه (لسانه طويل)ويقط علي كلام يجرح ويعور القلب
كم مره آقول له آنه مو متعوده آسمع هالكلام من بيتنا طول حياتي ولا آحب آسمعه لكن لاحياة لمن تنادي
آحس انه مو طبيعي بمعنى اصح فيه خلل
يعني كل مره يتهاوش معاي على اتفه الاسباب ويرجع يجيني بعدها يراضيني ويتأسف تخيلو كل يوم على هالحال كل يوم انام ودموعي على خدي
ويجي ثاني يوم او في نفس اليوم يراضيني ويتأسف
احسه يتعمد الهواش يعني مثلا ابسط شي آساله اليوم بتنام يصرخ ويهاوش انتي ماتعرفين تسولفين وانتي تسألين اسأله غبيه وانتي وانتي
تخيلو على سبب سؤال عادي ويجي بعدها يراضي فيني
تعبت منه ومن كلامه الجارح كنت آتمنى آحصل رجال مثل طيبة ابوي وحنيته
آخر شي اليوم قبل شوي
قاعد يقول لي انا بسافر مع الشغل آنه طبعا سكت وماقلت شي مع اني من داخلي متضايقه
جلس يحن على راسي ويسألني انتي متضايقه صح قلت له لا عادي مافيني شي
إلا يقول الا متضايقه حبيبتي ماتبيني اسافر
انتي تبيني اتم معاك ومن هالكلام وآنه آقول له مافيني شي وغيرت السالفه وجلست آسولف عادي لان آدري انه يبي يتهاوش فما قلت له شي
عقب بشوي قلت له حبيبي مابيك تسافر عني ابيك معاي
إلا جلس يهاوش ويصرخ ويقول انتي على كيفك آنه رايح سفرة عمل وانته مالك شغل فيني وحتى لو مايبوني آروح عناد لك بروح معاهم
من القهر قلت له مدام انته مو هامك شعوري ليه تسأل وتلح علي كان زعلانه او لا
وسكت ولا رد ونام او يمكن ليما اللحين يتضاهر انه نايم
آنه تعودت إذا فيني شي آروح بيت امي آوسع صدري لأن بينا وبينهم مسافه خمس دقايق بالسياره مع العلم اني كل يوم آروح لهم إذا اهو طلع
اللحين بيتنا كلهم مسافرين واحس انه قاعد يزيد معاي لأنه يدري ان مالي غيره
تعبت منه ومن تصرفاته
تعبت كل يوم اسامح وآسمع كلام جارح وآنذل بالحجي
كم مره احاول ان نروح حق اخصائييين اجتماعين لكن زوجي مايؤمن بهالأشياء ولا راضي اني اروح
توني متزوجه مابي حياتي تنتهي من بدايتها ابي آعيش مرتاحه
آسفه طولت عليكم بس مالي غيركم من بعد الله

22 تعليق 1,845 مشاهدة

شاركي في النقاش

سجلي الدخول لإضافة تعليق.

التعليقات

21
  1. @kob_hlyb_1

    يا حبيبتي طولي بالج عليه
    توكم في بدايه حياتكم ولازم تحصل مثل هذه الامور هو يحب يفرض شخصيته عليج عن طريق العصبيه الي مالها داعي
    صدقيني تحملي شوي وهو بعد فتره راح يتغير
    دام انه يراضيج بسرعه معناها انه ما يحب يشوفج متضايقه ويعز عليه هذه الشي
    بس مثل ما تقولين يكابر
    الله يهدي ما بينكم
  2. @quotzaafranhquot

    صاحبة الموضوع
    كوب حليب
    يا حبيبتي طولي بالج عليه توكم في بدايه حياتكم ولازم تحصل مثل هذه الامور هو يحب يفرض شخصيته عليج عن طريق العصبيه الي مالها داعي صدقيني تحملي شوي وهو بعد فتره راح يتغير دام انه يراضيج بسرعه معناها انه ما يحب يشوفج متضايقه ويعز عليه هذه ال…
    مشكوره حبيبتي
    بس بجد والله تعبت آحس مو قادره اواصل حياتي
    حتى دراستي كرهتها صارت درجاتي نازله
    مالي خلق اجوف احد

تابعي تجارب أخرى من هذا القسم.