شاركي في النقاش

سجلي الدخول لإضافة تعليق.

التعليقات

62
  1. موضوع جميل ..
    ابوي الله يرحمه كان بعيد عنا ومشغول بس مايقصر علينا بشيء ..
    امي أروع ام في هالدنيا .. الله يحفظها ويخليها .. لكن الشيء الوحيد اللي أحسه خطأ غير مقصود طبعا
    لما كنا صغار ماكانت تاخذنا للعزايم وجمعات الحريم حتى وصلت ثاني ثانوي .. حتى لو جونا حريم ماعودتنا ندخل ونقدم الشاي والقهوه ونسولف .. غير انه لما كبرت وصرت في آخر الثانوي تبي كل شيء اسويه مضبووط ( قدام الناس) وانا مااعرف وش الصح ولاتعودت على مقابلة الناس وامي مع الحماس اذا كان عندنا ناااس ماتعتمد علينا بشء كل شيء تسويه وتعصب علينا وننحرج قدام الضيوف ..
    هذا الشيء سبب لي عقده لكن انفكت شوي شوي وباقي بس الجرأه في السواليف اذا المجلس مليان لأني تعودت من امي البنت ماترفع صوتها ولاتتدخل بسواليف الكبار ..

    لذلك بنتي بتكون معي دايما وباعتمد عليها اذا عندي عزاايم من صغرها بعودها على الجرأه بأدب:)
    وسلامتكم
  2. انا اتذكر امي طيييبه مره معي هي كانت وسيلة التواصل بيني وبين ابوي كنت مستحيل اجلس مع ابوي بدون احد معنا بالغرفه لانه عصبي مره ويخانق على اتفه الاسباب قليل مايضحك معنا امي بالعكس هي الوحيده اللي كانت مصادقتني بالحيل واحسن شي انها علمتني على الشغل من بدري يمكن من رابع اوثالث ابتدائي انا كنت احب اساعدها واحب شغل البيت واجد بس مدري ابوي مرره كنت مااقدر اسولف معه احس كانه كان بيضربني مدري لانه هو وامي كانو كثير يتهاوشون وعلى وشك الطلاق بس امي تقولي صبرت عشانكم بس
    والحين يوم تزوجت عرفت ان سبب المشاكل هم اخوانه وهي المسكينه تحط في نفسها وصابرها لين يجي يوم يولد عندها انفجار وتتهاوش معه..
    صار عندي عدم ثقه بالنفس وتردد شديد وحيااااااااء شديد صرت اتلعثم بالكلام اعتقد صار عندي رهاب اجتماعي ابوي ماكان يرضى انه نسولف معه او مع اي ضيف يجي عندنا يكون كبير بالسن يعني جد اوعمه بحجة اننا راح نضايق الضيف فالحين الناس معتبرين ااننا متكبرين واحنابالعكي طيبين ونبي الناس بس مالنا حظ معاهم...

    الحين يوم تزوجت صرت اخاف اطلب حكمت ان كل الرجال مثل ابوي بس الحمد لله شوي شوي قدرت اتفوق على هالشيء وراح والله يابنات لما اسمع بنت تقول اسولف مع ابوي اني استغرب اقول يمه شلون تسولفين مع ابوك وتقول ليش عادي وتحز في نفسي بس الله يخلي امي لنا...
  3. @am_aafraaa_1

    انا من ناحيتي أولا :ادعي الله يرحم ابوي الغالي ويحفظ امي الحبيبة
    ثانيا : اهالينا كانت لهم وجهت نظر لتربية البنت وهي الشدة وعدم الثقة وعدم مخالطتها للناس
    لما اتزوجت انصدمت صحيح اتعلمت شغل البيت بس اخاف من المسؤولية ما اعرف اقول كلمتين على بعض مع الناس وفي سور كبير بيني وبين امي وتصدقون ان هذا السور مازال موجود رغم ان بنتي الكبيرة عمرها 14 سنه
    عوضة الحنان في عيالي الله يحفظهم بنتي الحين صارت بنتي وصديقتي واختي ما تخبي عني شي وتشكي لي همومها وكنت اتمنى تضمني امي على صدرها عوضتها في عيالي اشجعهم اذا عملوا شي زين واحظنهم والحين احس بالرضا عن تربيتي لعيالي لأن الخوف ماهو دستور حياتنا .

تابعي تجارب أخرى من هذا القسم.