أبرة الظهر ودفع الجنين ؟؟

ابرة الظهر لها سلباتها وايجابياتها .. اهم شي ان الدكتور اللي يعطيها يكون شاطر.. وطبعا الاستخارة قبل كل شي .. صراحة من جد ما تحسي بالألم الشعور اللي تحسيه تنميل في النصف التحتي .. وبالنسبة للدفع اثناء الولادة انا كنت احس بالم خفيف وقت الطلق و كانت فيه ممرضة تمسك بطني و تتحسسها عشان تعرف متى يجي الطلق و وقت الطلق يقولولي يالله ادفعي .. وقت نزول الراس حسيت بالم خفيف مثل الم الدورة وبعدها الحمد لله ولدت ..

وعلى فكرة يا بنات هاذي المعلومة انا اخذتها من بروفسور ان المفروض وقت الكشف على الرحم ما نحس بالم والخطا من الطبيبات .. واللي ياخذ ابرة الظهر ما يحس بالم الكشف و لا الم الخياطة وبالنسبة لتحريك الرجول انا كان صعب احركها وتركتهم هم يمسكوها..
احيانا مفعول الابرة يقل مع مرور الوقت انا اخذتها قبل موعد ولادتي ب 12 ساعة وكان الرحم مفتوح 2 سم و قبل الولادة بساعتين على ما اتذكر بدات احس ان الالم في ظهري و بطني رجع لي ويزيد مع مرور الوقت .. فقلت لهم و رجعوا عملوا لي المخدر و حطوه في المحلول و رجعت ما حسيت بشي والحمد لله عدت ..

اتمنى ان اكون قد افدتكم
تحياتي

الإبرة يعطونج لما يكون التوسع 4 سم،،، و يبالها نص ساعة عشان تشتغل و اطلع مفعولها،،، و تساعد على التوسع و بألم خفيف جدا،، و حتى أنتي تولدين بتشوفين البيبي يطلع و أنتي مستغربة لأنج ما بتحسين هاك الألم،، و بتحبين الإبرة مووووووووت،،،،

بس تعالي عقب ما تخلصين الولادة و شوفي أضرارها و سلبياتها،،، نفضة 3 سنوات،، و صداع بكل أنواعه،، و آلام الظهر اللي ما تخلص،،، و ما تقدرين تركعين أبدا،، آلام المفاصل،، و لا سمح الله شلل نصفي،،،

تتخيلين ها كله؟؟!!! و الله حراااااااام،، اولدي طبيعي بدون هالإبرة،،، أنا خيروني بين الإبرة و القيصري،، شو رايج؟؟ شو اخترت؟؟ اخترت القيصري و حتى زوجي قالهم لا تعطونها الإبرة و سووا لها قيصري و قال لي ما أبغي أجازف فيج،،، و الحمدلله،، و شفت ربيعتي بعد الولادة (كانت ماخذة إبرة) و هي والدة من سنة و نص و للحين فيها نفضة و ما تقدر تركع و طبعا بدا يخف،،، بس أول 6 شهور ما تستغنى عن أهلها لأنها ما كانت تقدر تعتني بالبيبي بسبة هاي الإبرة،،،


احذري منها و الله يعينج

انا خذت ابره الظهر بس كان عشان ولاده فيصريه ولا صار فيني شي والحمدلله لا الم ظهر ولا اي شي من الخرابيط اللي يقولونه االبنات واصلا ماسمعت ان حد تضرر منها

فعلا انا مثلك ام ياسمينا اخدت ابرة الظهر والحمد لله ماصار لي لي يقولون عنة البنات وماسمعت احد صار له شي بس انا كانت ولادتي مرة متعسرة وحتى لما اخذت االابرة بعد فترة راح مفعولها ورجع لي الالم لاني طولت في الولادة بس رجعو زودو الجرعة حقة المخدر
اقول اختي اذا انتي من النوع الي مايتحمل الالم الكثير مثلي توكلي على الله وخذيها

حالكم من حالي أنا بغيت أموت من الألم لدرجة زوجي كان يبكي وياي من يشوفني أصارخ وأصيح من الالم وكان يتضارب مع الدكتورة ويقول سووا أي حاجة وريحوا زوجتي خففوا عنها الألم والحمدالله الدكتورة رحمت حالي وعطتني ابرة ظهر بس للأسف ما قدرت أولد طبيعي لأني من يومين يحاولون يولدوني طبيعي بس وقت الولادة انهد حيلي ماكان فيني حيل اني اتنفس فكيف راح اقدر ادفع والبيبي تعب فاضطروا يحولوني قيصرية لأنه مب زين يطولون على البيبي ..

بس بصراحة شهادة لله ابرة الظهر روووووووووعة خلتني فجأة من الألم والصياح أقعد أضحك والفضل لله وابرة الظهر ودكتور التخدير اللي دمه خفيف جزاه الله ألف خير