علموني : انا ظالمه ولا مظلومه

اهلا

بنات الموضوع انه في موضوع جالس على قلبي سنين عجزت انساه


انا فتاه عمري 22 ,,جميله جدا ولله الحمد بدون مبالغه ,,

قبل 4 سنوات تقدم الي شخص عمره32 ووافقت عليه كان هالشخص قمة في الاخلاق والتعامل ومواصفاته حلوه جدا وبدايه خطبتنا كنت مبسوطه جدا معه واحبه وهو يحبني مرررررررره

انا لما شفته النظره الشرعيه ارتحتله مره وصرت ابيه لان صراحه هو مافيه عيب

لاكن بعد شهر من علاقتنا مدري وش جاني حسيت اني بظلم نفسي مع هالشخص وان زواجنا بيكون فاشل لان هالشخص اكبر مني بكثير ومره ادور عذر ثاني ,,, ارجع افكر اقول لالا ابيه بس اذا جيت اكلمه احس ان فيه شي يردني ...
وقتها صرت افكر فيه كثير والله حتى النوم ما انام وكيف بتصير حياتنا ,,,صرت متردده مره اني ارتبط فيه واحس اني توني صغيره ليش اربط نفسي مع واحد كبير ومره اقول ليش اربط نفسي مع واحد بعيد (لانه من مدينه ثانيه) ,,,,مع العلم ان هالافكار ماكانت تجيني ابد
اتعبني التفكير ابيه ولا اقدر اوصله ,, اذا جيت اوصل احس اني ودي ابعد ,,وادور الاعذار اني ابتعد عنه
والله يابنات ماتخيلون كنت بنفس اليوم اقول خلاص ابيه بعدها بساعه اقول هونت ,,بعدها بساعه ارجع اقول لالا ابيه

لانه بصراحه مافيه اي عيب وهو كان يحبني مرررره ومتمسك فيني ويوم حس اني متضايقه ابتعد شوي

بعد 6 اشهر ونا كل يومين استخير وارجع اقول خلاص ابرجعله وكنت تعبانه جدا مو عارفه اتخذ قرار بعدين ارجع و اهون وهكذا اخر شي اتخذت قرار مصيري انني نترك بعض وفعلا تركنا بعض وهو راح بطريقه ونا بطريقي

بعدها ندمت اشد الندم اني تركته والى يومكم ونا ندمانه وخصوصا انه كان متمسك جدا جدا فيني
وقررت اني اشوف مستقلي لانه ماضي وانتهي ولاكن ماغاب عن بالي لحظه كل ال4 سنوات اللي راحت
احيان اتخيل تزوجنا واحيان واحيان دايم اتخيله معي واكره نفسي اني تركته

المهم طبعا خلال الاربع سنوات هذي خطبوني تقريبا 7 اشخاص
والله يابنات اني تعبت وصرنا ارفض كل من يتقدم واحيان نترك الخاطب شهر وشهرين ثم ارفض لاني بصراحه مالقيت مثله ,,بمواصفاته ,,حسيت ان مافي بهالدنيا رجل غيره

صار اي واحد يخطبني اقعد ادور فيه عيوب واخر شي اقول مايصلح وان جينا للحقيقه مالقيت بمواصفاته ابد لاني احسه متوافق معي في بيئته وكل شي

والظاهر اني صرت احبه اكثر واكثر بعد مافترقنا

المهم خطبني اخر واحد وافقت عليه تدرون ليش ؟؟؟
ابفتك من حاله الحزن اللي تجيني اذا فكرت فيه لان هالموضوع اتعبني حيل ,,طبعا فرق بينه وبين هالخاطب الاخير ,,مدري احس كذا انه فيه فرق ,يمكن عيوني تشوف كذا

تدرون وين المشكله ؟

احس اني حياتي راح تكون فاشله مع هالخاطب الاخير ,,ويجيني احساس اني ماراح اصلح انا وياه وبيجيني شعور الخاطب الاول وكيف تركته

صدقوني صدقوني احس اني بتطلق منه ,,مع انه مافيه عيب ,, بس اتعبتني المقارنه واحس اني ماراح اتوفق ,بس انا لازم اتزوج وافتك من التفكير لاني تعبت بصراحه

اقول احينا يمكن االخاطب الجديد ينسيني اياه واكثر الاحيان اقول لالا ماراح نتفق


ساعدوني

17 تعليق 2,404 مشاهدة

شاركي في النقاش

سجلي الدخول لإضافة تعليق.

التعليقات

15
  1. @anmaryh

    اهلا اختي
    انا حاسه بكل كلمه تكولينها لاني مريت بمثل مواقفك تقريبا
    اختي نصيحة اخت وانا مااعرفك بس حالتك هاذي بتوصلك لمصير واحد تعرفين شنو

    الوحده وفوات الاوان وبعدها بتتحصرين على رجل واحد
    شوفي الي راح راح لاتتحصرين على رجال ابد منو يقول انج ممكن كان انسعدتي معاه لوخذيتيه بعدين رب العرش ماكتبلك هالرجال

    اختي انا بنت متزوجه وعمري 29 وعندي تجربه وخبره
    اهم شي بالرجال في الزواج الخطوط العريضه اقصد الاساسيات الي من وجهة نظر اهلك
    يعني انسان مستقيم سمعه طيبه وضع مادي يوازي وضعكم
    وثقي ثقي ثقي ثلاث مرات بعيدها الرجال ماينعرف الا بعد العشره
    اختي الكمال بس لرب العرش انتي نفسك اكيد مش كامله بثقولين انك جميله جدا يعني جميله من وجهة نظر كم شخص جائز في شخص يشوفك عاديه بعدين العمر بيمشي والفرص تقل
    لاتزعلين من كلامي
    الزواج خطوه جريئه والمهم انك تتقبلين الشخص بعدين في امور بعد الزواج البنات مايدركونها الا بعد الدخله
    في نساء كانو مايطيقون ازواجهم قبل الزواج بس بعد الزواج عشقوا ازواجهم وحبوهم
    توكلي على الله وانسي الماضي وحاولي تتقبلين خطيبك واهم شي تذكري ان الكمال للخالق عز وجل
  2. اذا تزوجتيه بيتغير الحال والكلام .. وما تدرين يمكن ترك الاول خيره .. خصوصا انك استخرتي

    والحمد لله على كل شي

    لا تفكرين بالمستقبل كثير ..عيشي يومك
  3. والله الواحد ياأختي مايدري وين الخيره فيه <وعسى أن تحبواشيئاً وهو شراً لكم>
    يمكن هالإحساس اللي كان يجيك مع خطيبك الأول الله باعثه لك عشان تنفرين عنه
    وخلاص لاتفكرين فيه أبد لإنه راح وأنتهى فكري بالحاضر وبس وثقي ثقه كامله أن الله لوكاتب لك الخطيب الأول كان خذتيه بس الله ماأراد وإرادة الله فوق كل شيء سبحانه،،ثمين صح تعالي أنتي تقولين عمرك ألحين 22 وجايك هو قبل أربع سنوات يعني عمره 17 أو 18 وهو عمره 32 والله أحس أنه كبييييير عليك حنا يوم نخطب لخوي ندور له وحده عمرها18 وهوعمره 25 يعني حلو يصيرون متقاربين شوي بالعمر...
    أستخيري في الخطيب اللي جايك ألحين أسئلوا عن دينه وصلاته ونصيييييييحه لا تسوين مقارنات بين اللي جاك وهذاك الأول لإنك راح تتعبيييييييييين..وموفقه إن شاء الله
  4. @ryaaan_1

    الله يفرج همك ويصبر قلبك اعتقد خطيبك الاول تزوج وشاف مستقبله حتى انتى شوفي مستقبلك صح انه صعب بس اتكلي على الله
  5. @bnt_alagody

    أنا مريت بنفس تجربتك ورفضت واحد مافيه عيب إلا شي بسيط وتافه !
    ومرات يجيني شعور بالندم وأحس ربي بيعاقبني لأني رفضته لسبب تافه

    لكن أرجع واقول : ان ربي مابيخيبني لأني استخرت قبل ما أرفضه وماخاب من استخار
    وانتِ ألحين نفس الشي استخرتِ وربي ماراح يخيب ظنك فيه
    الله يوفقك ويكتب لك السعادة ..:)
    ويعوضني خير :(

تابعي تجارب أخرى من هذا القسم.