لين متى عيني تهل وش دعوة عيوني مايصلح كذا لا لا لا لا لا إن شاء الله ماتطول دموعك تهل وماتهل من هم يارب ...
شوفي حبوبتي لي ضاقت حيل وزادت حلكة سوادها ذي بشاير خير ...
شلون وموضة وش هالفلسفة ؟؟؟؟؟
أعلمك متى يطلع الفجر لي زادت ظلمة الليل ...
متى يطلع الجنين لي زادت حدة الطلق ...
بمعنى ...
ولرب نازلة يضيق بها الفتى ذرعا ً +++ وعند اله منها المخرج
ضاقت ولما أستحكمت حلقاتها +++ فرجت وكنت أظنها لاتفرج
كثري من الإستغفار حبوبتي مو لازم على كل وقت لكن خلي لك من الإستغفار نصيب بالسيارة بالمطبخ بأي وقت إستغفري شوي ألف مرة ولا لا لا مئة مرة على الأقل ...
الله يجعلنا نشوف بردودك :) بدل :(
\=\=\=\=\=\=\=\=\=\=\=\=\=\=\=\=
مشموشا تسلمين ياعمري على التفاعل ...
\=\=\=\=\=\=\=\=\=\=\=\=\=\=\=
شموعه هانم ياهلا ياهلا ولو حبيبتي مانقدر على فراقك وما نسيناك ترانا <<<< يمكن نسينا السالفة من كثر سوالفنا لكن أبد مانسيناك إنتي وبلدك ...
وسعوا صدركم يابنات وربي كلن شايل هم شكل ماعليها مرتاح لي دخلت قسم الزوجات الأوليات إنقطع قلبي .. لي دخلت للثانيات تعززت لهم ... لي دخلت للمتأخرات بالحمل ضاعت علومي بالفعل ما أدري من أشد هم حنا أو هم ... ولي دخلت قسم المتزوجات كسروا خاطري حييييل حييييل وربي لكن الله يعوضنا جميعا ً ويرزقنا الصبر ...
لاتضيقين حبيبتي ولك رب إسمة الكريم ...
جميعكم خواتي شيلو الهم من قلبكم وقفو بقوة وعزم ودفوا الشيطان برة وفكروا بهدوء وش النعمة اللي ورى الطلاق ... اللي ممكن بعين بصيرتك تحسين إنك شفتي الحكمة وحسيتي فيها من طلاقك ...
خلوني أضرب لكم مثل : آخر عيالي كانوا توأم سبحان الله ماتوا بالولادة وحدة قبل الولادة والثانية أثناء الولادة ضاق خاطري حيل لأني فقدتهم بالشهر السادس ... صراحه ظاهرها صدمة وصدمة قوية على الأقل تبقى وحدة .. كنت بنفسي مفجوعة لكن على يقين إن ربي إختار الخيرة وسبحان الله بعد ماطلعت من الأربعين حدث الطلاق ....
فسبحان ربي أستشف اللي أتوقعه بعقلي القاصر إن وحودهم بيكون صعب علي جدا ً بعد الطلاق هذي نقطة والنقطة الثانية صدمة الطلاق أهون من صدمة موت عيالي فكانت قوة ذيك إمتصت ذي ولاكان إنهرت بعد فراق أبو عيالي ...
فكني بديت أستشف بعض نواحي الحكمة من طلاقي وهذا الشي ريحني كثير ...
لي جلست أفكر إنه مصيبة وعيالي مساكين ومن هالقبيل بتعب وبتعبهم معي ...
عشان كذا ودي كل وحدة منا تطلع عن دائرة الهم سويعه وتستشف الحكمة ؟؟؟
\=\=\=\=\=\=\=\=\=\=\=\=\=
الدنيا حلم خير عمة ويييييييينك ما مريتي من هنا لك زمااااان
{عالم المطلقات }
متابعة النقاش، صفحة 68