الموضوع مغلق

يا بنات الشرقيه ,, المانع اللي في الخبر؟؟!

مراحب :)

كيفكم ياكروشات الشرقيه ويا اللي بدون كروش؟:42:

انا ودي أسألكم يا بنات الشرقيه عن مستشفى المانع اللي بالخبر ،،
وش اسم أحسن دكتوره نساء وولاده.؟؟

لاني ابغي ان شاء الله اولد في الما نع ،،
امدحوه لي ناس وااااجد
بس ما دري وين احسن دكتوره ؟ تكون اخلاق وتعاملها حلو

واللي اولدت فيه ،، كيف وجدت الولاده فيه والعنايه ؟

وتسلمون حبيباتي:26: :)

14 تعليق 5,460 مشاهدة

شاركي في النقاش

سجلي الدخول لإضافة تعليق.

التعليقات

13
  1. @alfrh_5

    اهلين عزيزتي
    انا من مراجعات هذا المستشفى وبالنسبه لي امدحك لك الدكتوره ميرفت قمه في التعامل والاخلاق وتابعت عندها قبل سنتين بحملي الاول بولدي الى ان وصلت الى الشهر الثامن بس ما ولدت عندها لاني ولدت في المدينه اللي فيها اهلي يعني عند امي
    والان حامل واتابع عندها وخلاص على وشك ولاده والبارح كان اخر مراجعه عندها واعطتني رقم الجوال حقها علشان اول ما يبداء الطلق معي واروح للمستشفى ادق عليها ابلغها علشان هي اللي بتولدني مو الدكتوره المناوبه بالمستشفى واصبري علي اسبوع او اسبوعين وابلغك عن تعاملها معي وقت الولاده وانشاء الله تعجبك وتراجعين عندها
  2. @srab_83

    أنا زي الفرح

    ولدت بالمانع الولادة الاولى ... بس ما تابعت عندهم ...وولدتني الدكتورة ميرفت عملية ... بس ارتحت وااااااايد من تعاملها ... وهذا الحمل الثاني ... وصرت اتابع معاها ... وربي يسهل
    بس عنايتهم حلوة ... ونظيفين ... ومريحين ... وأخذت بعد ابرة الظهر عندهم ... وان شالله هالمرة على خير برضه أطلبها

    تحياتي
  3. صاحبة الموضوع
    مشكورين وما قصرتوا

    الله يسهل عليك يالفرح .. واتقومين بالسلامه يا عمري
    ولا تنسين اتخبريني بالولاده كيف عندهم؟ بعد ما تقومين بالسلامه
    _________________
    _________________

    اختي سراب 83

    الله يعطيك العافيه

    أبرة الظهر بكم هاذي ؟ (( لان انا على حسابي راح اولد فيه))
    واتعور والا عادي تتحملينها؟
    انا مادري احس انها اتخوف اشوي لان يقولون ان اللي يضربها لازم ايكون واحد عنده خبره

    وايقولون وايقولون ...........الخ
    المهم انتي كيف حسيتي ؟

    ومشكورين جميعا وما قصرتوا واللله يجزاكم الجنه..

تابعي تجارب أخرى من هذا القسم.