لا حول ولا قوة الا بالله
ذهبت اليوم للسوق مجمع تجاري النخيل بلازا ببريدة
بعد محاولة شديدة بزوجي لانه مايبيني اروح
صليت العصر ومشينا ومعي بنتي
دخلت على عجل ولهفة وانساني الشيطان ذكر ربي ونسيت
اورد على نفسي ونسيت دعاء السوق الذي دائما اقوله ...
وخصوصا اني لم اورد الورد اليومي
تسوقت إلا ان خلصت على صلاة المغرب دقيت على زوجي
قالي صلي بالمصلى مراح اجي الحين رحت انا وبنتي صليت - ولم اورد-
ولا حتى الذي دائما على لساني ومحفظته بنتي ( بسم الله الذي لا يضر مع اسمه شيئ)
( اعوذ بكلمات الله التامات من شر ما خلق ) نسيتها لم ادعي بها
طلعت من المصلى ورحت لمحل اطفال ادور لبنتي بلوزة بيضاء
شفتها عندهم مره وافكر فيها وانا اصلي اعوذ بالله حطيت الاكياس
اللي معي بالارض وبينهم شنطتي قيست على بنتي وشلت اغراضي
ومريت من عند عجوز استغربت وش جابيه لمحل الأطفال
وان مررررررررررررررة مطمأنه ولقيت بلالالالالالالالايز
كثار زي اللي انا ابي بيضاء سادة عشان احط فوقها البدي واطقم لبسها
واخلصه ((تراي نويته للعيد ومرة متحمسة وانا اتفرج واقيس )
وحصلت عز المطلوب بيضاء مو قطن اشبه بالقميص فيها خيوط
فضية لامعة مسكرة من عند الرقبه ازارير ناعمة اخذت المقاس
المناسب وانا واقفه واغراضي عند رجولي دنقت وانا اقوله بكم
لمست ايدي بفتح الشنطة ما فيه شي !!! فتشت بين الأكياس مافيه شنطة
وانا مررره مطمأنه اني بحصلها منا والا منا استغربت والتفت لقيت
العجوز اعوذبالله من الظن واقفه بنص المحل تذاكيت واخذت جوال
وحدة قلت له بدق عجوالي ضيعت شنطتي الى الحين مطمأنة انه من
اخذها بينفظح اذا دق الجوال او استدل على الشنطة اذا كانت مندسه منا والا منا
.... الجوال يرن بس ما اسمعه لحد ما انقطع على طول رحت للمصلى
اسأل من شاف شنطة بيج لقيت وحدة تقولي تعالي تعالي وش قلتي
شنطه بيج قله ايه وانا انتظرها تجيبها وهي تصوت لوحدة اسمها اجنبي
تعال فلانه تعالي يوم جت عامله هندية وتسألها ما شفتي ...
هزت راسها قالت لا الأن شكيت انها مسروقه هي وجوالي
اااااااااااااااااااه يا جوالي وبوكي فيه بطاقة الصراف ومبلغ وقدرة
ومفاتيحي للبيت كلها واخذتني هاذي المسؤوله وهي تكلم بجوالها
من بوابه لبوابه وهي تقول وينك انا عند البوابه واحد ومنها لبوابه 2
وهي تكلمه وانا طايرة وراها اقول في نفسي اللي تكلمه بيعطيه شنطتي
لانها مرة متحمسه وموشحة وانا ورااااااها واخر شي طلع اخوها جايب
لها سله ترامس الشاي والقهوة ااااااااااااااااآآآآآآآخ
وتوديني للاستعلامات واسوي بلاغ وخلاص ؟؟؟:09:
وشو خلاص في حينه ايقنت اني مسروقه سرقة محتاله خفيفه محترفه بحيث
اني ما حسيت:(
وحنا ندق على جوالي ويرن ويرن قالوا غريبة بالعادة يقفل الجوال بعد ما ينسرق
وهذا مخليه قلت يمكن ما يعرفون له مو نوكيا ال جي
دقيت على زوجي من جوال الحارس قالي وين جوالك قلت انسرقت قال ايه ياسعدك
ياسلام:angry2: انا قايل لك مافيه روحة بس انتِ......!!!
بنات انا مرررة منقهرة مو مصدقه مع اني مره انسرقت لكن
في سوق عادي مفتوح وزحمة فتحت شنطتي ونشل منها البوك بس
بس هالحين بمجمع ونظام وحراس.... وكل الشنطة والجوال آآه:06:
لا حول ولا قوة الا بالله
وظلينا ندق على جوالي ولا يرد وخذ يارسايل دعوات وتهديد ما
خليت شي ما ارسلته:angry2:
إلا ان الغينا الرقم من الاتصالات
هل انا استحق ما حصل لي ؟؟
ردو على خوياتي تصغير ( أخواتي )
هاوشوني والا هدوني والا اللي تبون ..........!!؟؟!!؟؟!!؟
شاركي في النقاش
سجلي الدخول لإضافة تعليق.
التعليقات
22- الله يعينك موقف لاتحسدين عليه
- اللي صار لك موقف يصير لكثير من البنات ...
ولا تتحسفين على شي صار وراح ...لكن احتسبي الاجر عند الله ...وان شاء الله دفعة بلاء عنك وعن بنتك وزوجك ..
واللي اخذ بوكك اذا كان محتاج فاالاجر ان شاء الله لك اما اذا مو محتاج فا الله وكيلك ..وان يوم الفصل كان ميقات ... - يالله ياما انسرقنا عوضج عند الله
- الله يعوض عليك
وبدون زعل تستحقين ماحصل لك
لانك نسيتِ تحصنين نفسك بالأذكار
لاتزززعلين ياقلبي - الحمد لله بالشنطة ولافيك انت وبنتك حمدا لله على السلامة
مواضيع مشابهة
تابعي تجارب أخرى من هذا القسم.