السلام عليك ورحمة الله
ياخواتي الكريمات ...
لفت انتباهي خلال تصفحي لقسم الحياة الاسرية كثره شكاوي الأخوات من حمولتها والله وأنا حده منكم أشوف منهم العجايب..
بس معقوله الغلط منهم هم بس أو منا أو انه مشترك ..أو انه ما حصل تفاهم من البدايه لسبب أو لآخر.
فياليت من كل وحده منكم حاولت ونجحت في كسب أهل الزوج بطريقه أو باخرى أن تفيدنا بها ..
لأنه في رضاهم وخصوصا والدته يحصل لنا خير كثير وراحه ليس معهم فقط بل مع الزوج وهذا المهم (عشان عين تكرم مدينه) وقبل هذا رضى الله عنا لسلامة الصدر تجاه المسلمين جميعا ..وحتى تقوى صلة الأولاد بأهلهم ...وغير ذلك من الفوائد التي لا تخفى على ذي لب ..
أنا شخصيا وجدت أفضل طريقه هي عدم مقارنتهم بالأهل لاننا جميعا نرى أهلنا الأفضل ,,فيجب أن لكل ايجابياته وسلبياته ..
أما والدته أحاول كسبها عن طريق الهدايا في المناسبات والجلوس عندها والحديث معها .
وياليت كل حكيمه تعطينا طريقه لكسبهم والتعايش معهم بسلام .
شاركي في النقاش
سجلي الدخول لإضافة تعليق.
التعليقات
10- انا افضل تكون الزيارات خفيفه على قولة المثل خلك بعيد حبك يزيد وبالنسبه للام افضل وسيلة الاتصال بالهاتف--------اسفه قلبت عربي
- اختي الظاهر هذي مشكله ازليه منذ القدم
يمكن صعب انج تكسبينهم ميه بالميه بس حسن المعامله مطلوبه و الصبر على الاذى
يعني تعرفين النغزات الصغيره الي هنا و هناك
الافضل الواحد ما يكبرها و يمشي حياته
اساس المشاكل تكون الوحده فينا تمسك لهم على الكلمه و هم كذلك يمسكون على الكلمه
و يصير سوء تفاهم رد من هنا و رد من هناك موضوع تافه يستوي كبيييييييير و ماله اول من تالي
الاحسن التجاهل و المعامله بالحسنى والعلاقه الرسميه مافي اروع منها
و العلاقه الرسميه مش معناته علاقه سلبيه لا عادي
جامليهم في افراحهم و اتراحهم بس لا تشريهين عليهم بالطلعه و النزله وهكذا
طبعا هالكلام موجه لكل زوجه
والله يكتب لنا الي فيه الخير مكان خاص اختي الظاهر هذي مشكله ازليه منذ القدم يمكن صعب انج تكسبينهم ميه بالميه بس حسن المعامله مطلوبه و الصبر على الاذى يعني تعرفين النغزات الصغيره الي هنا و هناك الافضل الواحد ما يكبرها و يمشي حياته اساس المشاكل تكون الوحده فينا تمسك لهم على …
مادري ليه نتحسس من اهل الزوج ونحسب الف حساب عند التعامل معهم..ليش مانعتبرهم اهل ونتعامل معهم على هالاساس ..ليش مانبدأ بالطيب والمعروف وان نحط في بالنا انهم اهل اولادنا واعمامهم وعماتهم ولهم حق علينا...وصدقوني ان الزوجه اللي تحشم اهل زوجها وتكرمهم من دون ماتهين نفسها راح تكبرفي عين زوجها ويقدرها.. انا استغرب من بعض الاخوات هنا في المنتدى لما يطرحون مواضيعهم مثل ..اكشخي على حمولتك..سوي هالحركه واقهري حمولتك..وري حمولتك سناعتك..وغيرها من العناوين اللي تركز على الحموله وكن الحموله اكبر همنا في هالدنيا..وبعدين اليس نحن زوجات ابناء ونحن كذلك اخوات ولدينا زوجات اخوان يعني حموله فهل يرضينا ان زوجات اخواننا يفردون عضلاتهم علينا او يستعرضون انفسهم امامنا او يشوفون انفسهم علينا..فلنعامل الناس مثل مانحب ان نعامل به..اجتماعيه مادري ليه نتحسس من اهل الزوج ونحسب الف حساب عند التعامل معهم..ليش مانعتبرهم اهل ونتعامل معهم على هالاساس ..ليش مانبدأ بالطيب والمعروف وان نحط في بالنا انهم اهل اولادنا واعمامهم وعماتهم ولهم حق علينا...وصدقوني ان الزوجه اللي تحشم اهل زوجها…
الله يكثر امثالك كلامك مره عجبني ليت حريم اخواني مثلك كان الدنيا بخير بس وش نسوي الله معانا وفوق الكل- والله انك صادقهـ أختي أنا لاخظت هنا كثير يشتكون من أهل الزوج
صحيح أن بمجتمعي بعض المشاكل لكن مو من الأهل دائما وبعدين أغلبكم عندهم أخوان متزوجين يعني أكيد زوجات أخوانك يتكلمون عنكم كذا
بالعكس اهل الزوج مثل الأهل إلى وقت قريب لكن الظاهر تأثير المسلسلات
أول أم الزوج تكون كل زوجات أبنائها تحت سيطرتها ومايقولون شيء
ألحين بس حش في أهل الزوج وكأن كل عيب منهم
أتمنى من الأخوات يصلحون أخطائهم قبل لايشتكون من أهل الزوج طبعا مو كل أهل الأزواج ممتازين لكن ماتصير علاقتك فيهم كأنكم يهود بالقطيعهـ
والله يوفق الجميع
مواضيع مشابهة
تابعي تجارب أخرى من هذا القسم.