طلعت امسويتلي عمل -- ربي يبعد عنكم كل شر

السلام عليكم ورحمة الله ..

خواتي ..محتاجة مشورتكم ..

والله مب قادرة اكتب احس اصابعي ترتجف من الخوف ومن القهر .. بس لازم اكتب .. محتاجة نصيحتكم ..

خواتي انا كانت عندي خادمة سريلانكية ...و الحمدلله ربي كشفها لي .. واكتشفت انها سارقة من اغراضي وفلوسي .. ياليت هذا بس .. والله كانت تهون .. اطلعت مسوية لنا عمل (طبوب) .. لقيته مخبا في اغراضها ..على طول عطيته لزوجي وقلت له يرميه بحر .. وسفرت الخدامة على طول ..

صار لها الحين اسبوع مسافرة ..

وصل من البريد بأسمها ...وتعتقدون شنو لقينه فيه؟؟ رسالة وداخلها شي مكفس مثل اوراق السجائر وداخله خيوط معقدة خمس عقدات (على عدد افراد عائلتي)..والله انصدمت ..وبعد عطيته لزوجي وقلت له يرميه بحر ..

وامي تقول لازم اتبشين البيت فوق تحت..خاصة غرفة النوم .. اكيد في اشيا مخبيتها بعد..

انا بصراحة يابنات .. كنت املاحظة تغيير في تصرفات زوجي .. بس ما جات هالسالفة في بالي ..

فانا اللي ابي استشيركم فيه كالتالي:
1. شلون اقدر احصن نفسي وبيتي من هالكفر.
2. اذا انا متأكدة انو في عمل مخبا في مكان بس ما لقيته .. شلون اقدر ابطل مفعوله؟؟
3. واي نصايح ثانية ممكن تفيدوني فيها ..


والله يحفظكم من كل شر وكفر ...