ساعدوني بأرائكم ولكم مني الدعاء (فرج الله كربكم )

حبيباتي بنات حواء ودي تشورون عليه في موضوع مقلقني ولا قادره اقول لأحد غيركم لأن الي كنت اشاورها واخذ رائيها توفت الله يرحمها ويسكنها فسيح جناته (امي) واخواتي كل وحده بهمها وكل وحده في مدينه بعيده عن الثانيه الله يجمعنا على خير بس :(
بدخل في الموضوع على طول انا متزوجه والله رزقني ببنتين وولد ولله الحمد وحياتي الزوجيه مستقره وزوجي انسان طيب وهادي والحمد لله ومشكلتي ان ولدي الصغير عمره تسع سنوات وانا الى الأن ما حملت ولا رحت مستشفيات ولمن افتح الموضوع مع زوجي واسأله إذا كان وده اشوف سبب تأخر حملي يقول هذا بيد الله ولي رزقنا ربنا خير وبركه ولا راح اوديك للمستشفيات يلعبو فيك وإن جاء شي من ربي ياليت . وبصراحه انا عادي عندي حملت ولا لا لأن الله رزقني بهذولا الثلاثه يسوو الدنيا وما فيها ، لكن لمن اشوف زوجي وحبه للصغار وكيف يعامل عيال اخوانه الصغار احزن واقول يارب ارزقني عشان افرحه طبعاً أنا الأن عمري في الثلاثينات واخاف تمر السنين ويقول ابغى عيال وذيك الساعه يالله اني اشيل نفسي
ارجوكم يابنات شورو عليه وش اسوي اطنش الموضوع واريح دماغي ولا اشوف ليش تأخير الحمل هذا ؟
ووفقكم الله لما يحبه ويرضاه وفي انتظار الردود:26: