شيب

السلام على الجميع

خواتي انا بغيت فزعتكم انا اعاني من الشيب ومليت من الحنة اللي يبين الشيب فيها انه غير عن باقي الشعر الله يخليكم اللي عنده اي معلومه او تجربه سمع عنها يخبرني عنها

ما ادري ان كنتوا تناولتوا هالموضوع من قبل لان صار لي فتره ما قريت السايت فاذا فيه شي فاتني يخص هالموضوع بكون ممنونه للي ترسل لي الرابط

واللي بتعطيني احسن وصفه تراني بدعيلها في كل صلاه بالتوفيق

14 تعليق 2,156 مشاهدة

شاركي في النقاش

سجلي الدخول لإضافة تعليق.

التعليقات

14
  1. يامرحبا فيج ياساره...انا بعطيج وصفه بتشيل الشيب انشاءالله....وصفه طبيعيه انا شخصيا مجربتها...وهى:
    الـــــــــــكتم....وله طريقتين...الاولى:
    يعجن مثل الحنى ويحط على الشعر لمدة ساعتين....
    الطريقه الثانيه:
    4 ملاعق كتم+علبة روب<<..زبادى+4 ليمونات ابو زهيره...تخلط وتنحط لمدة ساعه...
    وفي الحالتين نفس النتيجه.....أتمنى أنى ساعدج....يالله ادعى لى ان الله يشفي بنتي غلايل....
  2. صاحبة الموضوع
    :27: الله انشاء الله يشفيلج بنتج ويريح بالج ويطمنج عليها انشاء الله والله يالسه ادعيلج واذان الظهر يأذن

    بس بعد انا الكتم جربته يعني هو احسن من الحنا الخالي لكن يطير بسرعه وما يصبغ بنفس قوة الحنا العادي

    ما ادري اذا تعرفين شو اضافات ثانيه ممكن نحطها على الاقل علشان ما يبان الفرق بين الشعر الشايب والعادي

    وبعد الحين بقوم اصلي الظهر وبدعيلج مره ثانيه بس علشان رديتي علي بسرعه :26:
  3. ياعمري ياساره الله يباركلج انشاءالله حبيبتى....ويسلم عمرج وعمر اللى تحبينه.....:33: :33 :
    شوفي حبيبتى انا استخدمه مع الحنا كل اسبوع احط حنا وبعد ما اغسله احط الكتم...وعشان جذيه شعري دائم اسود...
    هذي طريقتى وانشاءالله انها تناسبج....شـــــــــــ 1000 ــــــــكر على الدعاء ياقلبى :33: :33:
  4. @alamyrh_7

    السلام عليكم

    اختي غلايه الله يشفي بنتج ويحفظها لج يارب ويحقق لج الي في بالج

    انا اعاني من الشيب ومع اني بعدني صغيره وجربت الحنا بس سمعت انه يكثر الشعر الابيض

    واريد اجرب الكتم بس ما عندي خلفيه عنه

    يارت توصفولي شلون شكله

    وخصوصا اختي ساره يا ليت تقولين لي وين ينباع وكيف شكله انا من بوظبي

    في امان الله
    الاميره
  5. @nor_alamarat_1

    مشكوره الغاليه ونشالله الله يشفي بنتج امين وبنات الامارات الكتم موجود عند كل محلات العطاره " الأعشاب " واعتقد هذي الحنه اليمنيه وفي العين موحوده في محلات الاعشاب

تابعي تجارب أخرى من هذا القسم.