تعالوا اقول لكم تجربتي مع حمامات السباحه و الهوااااا

السلام عليكم ورحمه الله وبركاته ..

خواتي البنات... انا تعرضت لتجربه وحبيت اشارككم فيها .. لاني اخاف لا تطيح وحده بنفس الخطأ اللي انا طحت فيه ...

اللهم إني بلغت اللهم اشهد ..

شوفوا بنات انا شهر 7 كان زوجي مسافر من بدايته . فقالت لي اختي وشرايج تشتركين معاي في النادي الصحي . العاب و سباحه وغيره . تخففين وزن . و تشغلين وقت الفراغ ...

بالفعل سجلت بالنادي . وصرت اروح النادي 3 ايام بالاسبوع و اقعد ساعة واثنين في حمام السباحه اسوي رياضه و اتعلم السباحه ..

و كنت خايفه من موضوع حمام السباحه . مو عشان الامراض و الالتهابات لا و الله انا اثق بنظافتي الشخصية . بس عشان الهوا و الخرابيط الثانية ودخول الماء للرحم .

سألت دكتوره اهني عندنا في المنتدى قالت اول مره اسمع بالشي هذا ...

قلت لا تخافين يا بنت . سبحي على كيفج ...

المشكله ان زوجي بعد غياب 3 اسابيع ورد . باول لقاء لنا .. شوفوا الفضيحه . و الفشيله . اصوات ما اقول لكم عليها ( اكيد فهمتوني ) سمفونيه ... اول مره في حياتي الزوجية تصير فيني الشي هذا . قبل اسمع صوت خفيف . بس هذه المره كل حركه بصوت ...

راجعت نفسي وقلت اكيد حمام السباحه . الماء ..
وما كذبت خبر . اول ما جت لي الدوره ... استخدمت دوا انا كنت ماخذته من قبل من حرمه اسمه دوا الخوا . و المردود . و لهوم ..

قلت اجرب عقب الدوره . اذا ما في صوت يعني اكيد ثم اكيد حمام السباحه ..

بالفعل جربت بعد الدوره صدقوني كلش ما في اي صوت !! و تعدلت نفسيتي ورد لي برستيجي قدام ريلي ..

من يومها تميت بس على الادوات الرياضية . وبطلت حمام سباحه وخرابيطه ....

انا حبيت اني اشرككم بتجربتي عشان تتعلمون منها .. و تتقون شر حمامات السباحه ..

وعلى فكره بنات . انا كنت موسوسة حيل من حمام السباحه لدرجه اني البس ملابس داخليه ثقيله فوقه شورط نايلون بعدين ثوب السباحه الاسلامي بس عشان الماي لا يدش داخل
اللهم اني بلغت اللهم اشهد

12 تعليق 17,373 مشاهدة

شاركي في النقاش

سجلي الدخول لإضافة تعليق.

التعليقات

11
  1. @dloaa_amp_hbob

    شكراً عزيزتي على تنبيهج
    بس بصراحة أنا عن نفسي جربت حمام السباحة
    لكن ماصار معايأي شي من هذا الكلام !!!!
    جايز في سبب ثاني اختي
    بس صادف مع وقت تسجيلج مع حمام السباحة
    والا السباحة معروفة إنها ترتب الجسم
  2. @kdaaa_okdr

    يعطيكي العافيه حبيبة مبارك ..
    بس ياليت تقولي بالتفصيل وش اللهوم والاشياء الثانيه الي خذتيها ..
  3. @aasoool

    انا سالفتي غير احس في شيئءيدخل وانا اسبح واذا طلعت احس شيئ ينزل وخفت حيييل

    مع العلم عندي بيبي وحده عمرها 6 شهور :(

تابعي تجارب أخرى من هذا القسم.