خافوا ربكم ياحريم.. شرف الناس مو لعبه

بقولكم شي ياليت ماتزعلون مني

تعرفون طلعات البر وشلون تتجمع الحريم وسوالفهم اللي ماتخلا من الحش طبعا المهم كنت اروح مع امي وخواتي لمخيم ناس من اهلنا وكل مااقعد الا جايبين سيرت بنت اعرفها ويحشون فيها ويتكلمون بعرضها وسمعتها يقولون انها على علاقه مع شخص متزوج سمعت هالكلام مره واثنين وثلاث جان امسك المره اللي يتكلمون عن زوجها قلت لها يافلانه شسالفه صحيح هالكلام جان تقول ايه واهي دز مسجات لزوجي قلت لها شوفي يابنت الناس زوجج لو انه مو متحرش بالبنت جان البنت مادزت له مسجات والا البنت شعرفها برقم زوجج واذا زوجج متأذي منها صج ليش مايغير رقمه او يوقفها عند حدها ترى اللي قاعده تسوينه غلط ومايجوز تتكلمين بعرض الناس هذا يسمونه قذف المحصنات وهالشي يعتبر من الكبائر وانتي عندج خوات وبنات ماتخافين ربج يعاقبج فيهم تركتها ومشيت..
انتوا شرايكم تظنون ان انا غلطت بكلامي انا اعتقد ماقلت الا الصح والكلام اللي يرضي ربي
وبعدين شنو هالسالفه اللي طايحين فيها الحريم كل وحده درت ان زوجها بيتزوج عليها او فيه بنت عاجبته ويفكر فيها زعلت وكبرت السالفه وراحت تتكلم بعرض الناس ياحريم اتقوا الله ترى هالشي مايجوز وكما تدين تدان واللي كاتبه ربنا بيصير سواء شوهتي سمعت البنت او لأ اذا ربنا كاتب انها تتزوج زوجج بتتزوجه .. وربنا لو يعلم ان الزواج بثانيه خراب بيت وفيه ضرر جان ماشرع هالشي اتقوا الله ولاتظلمون بنات الناس ..