شاركي في النقاش

سجلي الدخول لإضافة تعليق.

التعليقات

9,185
  1. @bnt_alsoryh

    الثلاثنيه انا نفسك وضعك احس الحزام ضاق عن أول وكله ترجيع مت منه
    اليوم الصباح شربت شاهي بحليب والضحى شاهه اخضر واخذت شريحتين جبن قليل الدسم وتعبت منهم مره

    والغداء مرق قرع لقمتين وبس
    واحس حتى المويه ترجع

    ودي اروح للدكتور واخاف يقول اوسع لك هو من اصله مارضي يضوق الا بالويل والغرابيل يقول كذا كويس عاوزه تنزلي ليه !!!!!!!!! بلاه ماتكت قلبه الشحوم الي تاكتني
  2. @dh_ahmd_1

    الثلاثينية..

    احسن اقتراح سمعته في الرابطه من فترة .. تصدقي من فترة كنت بفكر في الحكاية دي ان نعمل تجميع لبياناتنا ونحدثه كل فترة خاصة ان الواحد متلخبط كل مايحفظ رقم يطلع فاكره رقم حد تاني ..

    واحلى حاجه ماشاء الله ان بياناتك تقريبا زيي الوزن مقارب جدا والطول كمان وعشان كده ماشاء الله نتيجتك ادتني امل كبير يمكن يجي يوم واوصل لوزنك الحالي.. يارب

    بس ياريت نضيف كمان للبيانات نوع العملية ولو ان الغالب عاملين ربط بس برضه نكتبه لان اعتقد والله اعلم ان تدبيس المعده بيجيب نتيجه في الاول اكتر من الربط بس بعد كده بيتباطأ النزول لان مفيش تضويق وهنا يبدأ الربط يجيب نتيجه اكتر لان كل ماوزنك بيثبت بتضوقي اكتر فتنزلي اكتر لكن بالنسبة للتدبيس مفيش مجال تضوقي هو متضوق على آخر حد ..

    بالنسبة لي بياناتي كالتالي..

    الطول : 165
    نوع العملية : تدبيس معده بدون تحوير.
    تاريخ العملية : 21/4/2007
    الوزن قبل العمية : 119 ونصف.
    الوزن الحالي : 99 ونصف برضه .

    العوامل المساعده اثناء نزول الوزن : الامتناع عن الاكل بعد المغرب ( احيانا ) + المشي يوم بعد يوم
    +منع السكريات والمشروبات الغازية .

    *************


    من فترة ( حوالي اسبوع ) عملت شيء جميل اوي .. بكتب كل حاجه باكلها في دفتر خاص .. يعني الصفحه قسمتها عمودين بالطول .. اكتب في بداية العمود مثلا السبت واكتب التاريخ واكتب تحته صحيت الساعه كام .. بعدين اكتب الفطور واسجل جنب كلمة الفطور وقت الفطور .. بعدين تحته اكتب كل حاجه اكلتها بالتفصيل كل نوع على سطر .. يعني مثلا بيضة مسلوقة تحتها كوب شاي بملعقة سكر .. كده واكتب التفاصيل قدر الامكان .. يعني مثلا لو حطيت حليب على الشاي اكتب كام ملعقة لو قليت البيض بزيت اذكر انه بزيت وهكذا . وهكذا في بقية الوجبات ..

    سمحت لنفسي بثلاث وجبات في اليوم يتخللهم وجبتين ( سناك ) بشرط ان السناك ده ميزيدش عن 300 سعر باي حال .. يعني ممكن يكون كوب عصير ممكن يكون حبة فاكهة او كيس اندومي كيس شيبس اي حاجه بس يكون في حدود مية سعر وفي احيان نادرة اخليه يتجاوز لغايه 300 بس زي ماقلت ميزيدش عن كده ..


    حددت موعد السناك الاول بين الفطور والغداء والثاني يبقى بالليل في اي وقت ..

    اكتشفت حاجه غريبه ان وجبة السناك دي ثابته عندي باخذها في نفس الموعد تقريبا كل يوم ومكنتش واخده بالي .. لما بقيت بسجل عرفت ..

    المهم تطورت الحكايه عندي وبقيت بسجل لو اكلت كويس او لو حدث ترجيع وبقيت بسجل الغصات كمان .. عندي امل اني اقدر اعرف قانون ثابت على اساسه اغص او مغصش لاني احيانا باكل صنف معين ويعدي عادي مفيش مشكلة واحيانا اكل قضمه وحده بس من نفس الصنف ده الي كلته قبل كده بسلام ومع ذلك بغص فيه ومقدرش ابلعه.. قلت يمكن ده له علاقه بالي اكلته قبله او اذا معدتي فيها اكل ولا لاه .. عشان كده بدأت اسجل ..

    تطورت الحكايه اكتر وبدأت اسجل في ذيل الورقة اي انشطه رياضية قمت بيها في اليوم ده ..

    المهم النتيجه رهيبه ..

    احيانا بقعد اليوم كله مكلتش حاجة تذكر وطبعا لاني مدونه كل شيء ببقى عارفه اني مكلتش وبناء عليه بجي بليل بسمح لنفسي اني آكل شيء غني بالسعرات .. آيسكريم مثلا ولا شوكلاته اي شيء .. مهو انا عارفه اني ماخذتش كفايتي من السعرات .. دي اول ميزة

    احيانا العكس .. بيكون في يوم شفت اني اكلت كتير او بمعنى ادق اكلت كفايتي .. هنا بمنع نفسي من حاجه زايده كان ممكن في الأحوال العاديه اكلها لاني زمان وقبل ماادون كنت بفتكر احيانا اني مكلتش طول اليوم واروح أغصب نفسي على اي اكل لاني عارفه اني لازم آكل والا هيجيلي هبوط .. اتضح بعد التدوين اني في بعض الاحيان دي بكون واكله فعلا بس حاجات خفيفه كلها يعني مش وجبات كاملة فببقى معتقده اني مكلتش لكن الواقع اني كلت.. التدوين بقى خلاني اتجنب اني آكل فوق حاجتي لاني ببقى عارفه فعليا اكلت ولا مكلتش..

    لما بكتب عن حاجه اكلتها معروفة الحجم مثلا تفاحه متوسطه بكتبها بحجمها وعددها وخلاص .. لما بآكل حاجات جاهزه ( ناجتس مثلا او بسكويت ) بحاول اجيب السعرات الحرارية بتاعتها من على العلبة .. اكتشفت ان كل شيء مغلف سعراته مكتوبه عليه .. انا مبحسبش عدد معين للسعرات في اليوم بس بالتقريب كده بحاول اني دائما اكون في حدود معقوله يعني ماكلش حاجه غنية اوي .. يعني كل وجبه يكون فيها مثلا 500 سعر او في الحدود دي .. ماعدا وجبات الخضار دي مبسألش فيها يعني مبحسبش .. وبرضه لو طول اليوم ماكلتش حاجه ممكن آجي آخر اليوم آكل بان كيك مثلا بالكمية الي عوزاها ومش بسجل السعرات .. يعني بكتب بالتقريب للتنبيه بس لكن مبحسبش بالظبط .. كمان لو كلت حاجه عارفه ان سعراتها 90 مثلا بسجلها 100 عشان اريح دماغي .

    من وقت للتاني أقرأ في جدول السعرات .. مبحاولش احفظه بس مع الوقت ومع كتر القراءة هيبقى في ذهنك تصور تقريبي للسعرات فلما تشوفي الاكله دي هتبقى عارفه ان سعراتها كتير او قليل .. يعني مش لازم بالظبط المهم تبقي عارفه .. مثلا من زمان عارفه ان حفنة اللب ( الفصفص أو الحب ) فيها ربعمية وشويه سعر يعني حوالي 500 يعني تقريبا زي نصف فرخه .. الجديد بقى الي عرفته ان ملعقة الزيت فيها 100 سعر يعني تخيلي لو حطيتي ملعقة بس على البيضه المقلية هي نفسها لو اكلتي البيضه مسلوقة او مقلية بدون زيت وكلتي معاها تفاحه .. حاجه غريبه مكنتش اعرف ان الزيت بيطخن كده ..

    خرجنا عن الموضوع ..

    المهم بكتب كمان في الصفحه لو قمت بوزن نفسي بكتب الوزن ..

    طبعا من اول العملية وانا عامله جدول معلقاه في باب الدولاب من الداخل بكتب عليه التاريخ والوزن وبوزني نفسي كل مده واسجل .. بدات دلوقت انقل الاوزان والتواريخ دي على ملف اكسل واسجلها عشان اعرف نسبه النزول .. يعني احسب وزني في بدايه مده معينة ووزني في نهايه المده واشوف مقدار الفقد .. مثلا كل شهر اشوف وزني اول الشهر كام واطرح منه وزني آخر الشهر يطلع لي فقدت كام في الشهر ده . . اخذ نسبه الفقد دي مثلا ثلاثه كيلو ولا اربعه واقسمهم على وزني في اول الشهر يطلع لي نسبه الفقد في الوزن الشهر ده كام .. المهم لقيت اني اول شهر طبعا الي كان فيه السوائل نزلت بنسبه 7% بعد كده الفقد كان يتراوح بين 2-3 % طبعا متوقع ان النسبه دي تقل كتير مع الوقت لان التدبيس بيجيب نتائج في الاول احسن من الآخر..

    المهم قلت يمكن بعد كده ارجع للدفتر بتاعي الي بسجل فيه ده بعد ماكون كتبت شهر مثلا احاول احلل النتائج اشوف الايام الي عملت فيها رياضة نزلت اكتر ولا عادي .. نقص السكر الي بينزل اكتر ولا نقص الدهون ولا الاثنين .. الخ اكيد هنطلع بمعلومات مفيده جدا تساعدنا اننا نكمل الرجيم ..

    المهم كتبت لكم بالتفصيل عشان ياريت كل وحده تعمل لها دفتر هي كمان تكتب فيه كل حاجه .. انا بسجل فيه وجبه بوجبه يعني مش بنتظر لآخر اليوم عشان اسجل عشان منساش حاجه ..اكتبي كل شيء واحتفظي بالبيانات لنفسك مش لازم تنشريها بس اكيد هتعرفي منها معلومات كويسه اوي تساعدك على النزول بشكل أفضل .. برضه بسجل لو حسيت بدوخه مثلا او لو اكلت كويس من غير اي الم كل ده بكتبه عشان يمكن اوصل للسبب الي بيخليني احس بكده فاتجنبه .. أنتي كمان اكتبي واستفيدي..

    وعلى فكرة كنت فاكره اني هنسى بعد يوم ولا اثنين بس لقيت عملية التسجيل مشوقه وانتي بتكتبي بتحسي انك اكلتي تاني واهو حاجه نسلي نفسنا بيها بدال مانحط همنا في الاكل ..
  3. @dh_ahmd_1

    قمر نجد ..
    حمد لله على السلامه وعقبال الاجازه الجايه ..

    كوكيتا ..

    ارجوك واتوسل اليك ارجعي للسوائل لغايه ماتخلص المده بتاعتك بالظبط .. متكرريش غلطي ..

    انا قعدت على السوائل لغايه اسبوعين مفيش مشكلة بعد الاسبوعين قعدت اسبوع او اقل على المهروس بعدين بدات آكل مهروس واستهبل واحط معاه بعض الحاجات الصلبه من دماغي.. ولانها كانت بتنزل مفيش مشكلة ولا في ترجيع ( منا كنت بمضغ كويس جدا ) افتكرت ان المسألة عدت على خير .. بس بعد كده زاد الترجيع بشكل فظيع ومعدتي بقت حساسه جدا .. وانا متاكده ان ده بسبب عدم التزامي بالشهر بالظبط يعني لو التزمت كان زماني دلوقت باكل عادي ( الى الآن صعب جدا جدا آكل لحوم وشبه مستحيل اكل ارز ) واي وجبه آكلها رغم اني داخله على اربع شهور دلوقت لازم توجع بطني وهي نازله يعني لسه في الم في معدتي ولا اعتقد انه هيزول والله اعلم ..

    الخلاصه .. اصبري اسبوع ولا اثنين الدنيا مش هتطير واستعيني بالصلاه والدعاء وان شاء الله هيمروا بخير ..

    بنت السورية والثلاثينية .. بالنسبة للترجيع الي عندكم في حاجه لاحظتها بالنسبه لي .. قرأت في المنتدى مرة ان القهوة او النسكافيه بتسد النفس وافتكرت فعلا اني زمان ايام الرجيم لما كنت بشرب قهوة على الريق كانت نفسي بتنسد .. المهم قعدت فترة اسبوع كده او اقل اشرب قهوة كل يوم عشان اسد نفسي وفعلا مبقيتش عاوزه آكل خالص بس في نفس الوقت معدتي بقت حساسه جدا وبرجع اي شيء .. توقفت عن القهوة ورجعت الحمد لله زي الاول يعني الترجيع في اكلات معينة أو لو زودت عن الحد لكن بقية الاكل الحمد لله ماشي الحال .. نفس الشيء حدث لي لما كنت بشرب بيبسي كل يوم..

    جربوا تبطلوا قهوة وشاي وبيبسي .. يعني لو ضروري كل يوم كوب واحد كفايه .. اسبوع كده وشوفوا ايه هيحصل ..

    نعناعه .. بيقولك في قط مات من الفضول .. اعتبريني عملت عند نفس دكتورك وقولي الي في خاطرك شوقتينا ..

    عسوله .. منوره الرابطه ..
  4. ضحى أحمد
    قمر نجد .. حمد لله على السلامه وعقبال الاجازه الجايه .. كوكيتا .. ارجوك واتوسل اليك ارجعي للسوائل لغايه ماتخلص المده بتاعتك بالظبط .. متكرريش غلطي .. انا قعدت على السوائل لغايه اسبوعين مفيش مشكلة بعد الاسبوعين قعدت اسبوع او اقل على ا…
    انا كمان يا ام عتريسه مقدرش اكل رز ولادجاج ولاخبز

    عايشه في مجااااااااااااااااعه مايعلم فيها الا رب العالمين:icon33:
  5. @kmrngd_1

    ماشاء الله عليك حبيبتي ام عتريسة ربي يحفظك الظاهر انتي والله عمود الرابطة معطية كل عضوة حقها وزيادة ربي يسعدك كلامك عسل من بلد اهلها زي العسل .... على فكرة حبيبتي فكرتك حقه الدفتر مررررررررررررررررررة عاااجبتني وحاطتها ببالي من زماااااان نفسي اكتب كل البيانات من عملت العملية ليومي هذا بس انا بطبعي مااحب احد يطلع على اسراري :) ابو الشباب يحب يبحبش :) اخاف يلقاها ويكفشني خصوصا انه مايعرفش اني عامله ربط معدة