هههههههههههه قمر نجد ماشاء الله عليكي عرفتي تخبي عن جوزك موضوع العملية ومخدش باله من الخزان ولا الخرووم وعوزاه ياخذ باله من الدفتر والي فيه؟
ده انتي على كده لو كتبتي مذكراتك على المراية بقلم روج مش هياخذ باله .. بقولك ايه اكتبي وتوكلي على الله..
بس هقولك لو مش عاوزه حد يعرف المذكرات فيها ايه حطي فيها رموز .. انا نفسي بحط فيها رموز بس مش عشان محدش يعرف لاه عشان اسهل على نفسي الكتابه خاصة وانا عاوزه كل يوم يبقى في عمود مستقل لا يتجاوزه عشان يبقى سهل المراجعه فبحاول اختصر في الكلام واحط بداله رموز .. مثلا لو اكلت اكله عادة بستفرغها ومع ذلك عدت على خير ومحصلش حاجه بحط جنبها علامة صح .. ولو اكلت وغصيت بحط علامه سهم متعرج .. طبعا الي هيقرأ لو فرض حد قرأ مش هياخذ باله اساسا من العلامات دي بس انا فهماها وفاهمة معناها .. انتي اعملي نفس الشيء
يعني مثلا لو مش عاوزه يعرف وزنك كام نقصي منه رقم ثابت مثلا عشرين كيلو .. واكتبي مثلا النهرده وزني 82 كيلو تبقي انتي عارفه ان وزنك 102 ولما تكتبي انه وصل 65 يبقى معناته انه وصل 85 وهكذا ..
برضه لو مش عاوزاه يعرف انتي اكلتي قد ايه اكتبي مثلا افطار بيضه +توست +شاي .. وامتنعت عن اكل بيضة اخرى وباكو بسكويت .. هو هيفهم كده انك قاومتي بس الحقيقة انك قصدك اكلت بيضتين وتوست وشاي وباكو بسكويت .. كده يعني صرفي نفسك مفيش مشكلة وبرضه ابقي احتفظي بالدفتر في مكان امين ولو ان صعب الدفتر ده بالذات ميلفتش النظر لان اكيد هتطلعيه كذا مرة في اليوم عشان تكتبي فيه واكيد هيلاحظ ..
برضه ممكن تعملي رموز لاكلات معينة تبقي انتي فاهمه ان مثلا لو حطيت دائرة معناته بيضة .. او تعملي رموز للكميات مثلا مربع يبقى صحن كبير لو مثلث يبقى طنجرة مثلا ( لوووول) كده يعني صرفي حالك ..
على كل حال لو عاوزه تكتبي الدفتر ومش عوزاه يقرأه اكتبي وانتي قدامه وقولي له ده دفتر الرجيم بتاعي اصلي بخفف في الاكل واعملي نفسك مش مهتمه لانه لو لاحظ انك بتخبيه هيتشوق يقراه لكن لو لقيه عادي عندك وبتكتبي فيه قدامه مفيش مشكلة معتقدش انه في الحالة دي هيهتم ..
وطبعا في الاول والآخر اوعي تشيري من قريب او بعيد للربط طالما انك مقلتيلوش اعمليه كانه رجيم او تخفيف عادي .. بس متنسيش بقى تعملي تسجيل خروج من المنتدى كل مرة تدخلي احسن يقرأ مشاركتك ويعرف انك مربطه ويبلبع بالكلام ويذيعها في السي ان ان ..
بس على فكرة والله انا بحييك انك ماشاء الله بتقدري تخبي على جوزك الي مش عوزاه يعرفه نفسي اعرف بتعملوا الحكاية دي ازاي خاصة وانا مستحلفة لراس الفتنه اني لازم في يوم هخبي عنه حاجه مهمه بس مش عارفه ازاي .. اقولكم استنى لما تيجي حاجه مهمه الاول ..
¨°o.O (( رابطة المتحزمات)) O.o°"
متابعة النقاش، صفحة 1,070