شاركي في النقاش

سجلي الدخول لإضافة تعليق.

التعليقات

14
  1. @rosalba

    الستنل ستيل اصح...التيفال تطبخين فيه و هالماده اللي مصبوغ فيها تدخل في بطنك....وعلى فكره الستيل الاصلي غالي ..اغلى من التيفال و الغالي و المتين او الثقيل هو أحسن انوع الستيل مثل الفرنسي و البرتغالي و الاوربي
  2. صاحبة الموضوع
    الله يعطيكن العافيه ويحرمكن على النار ويساعدكن ربي

    بالنسبة للي تقول ان الماده حقت التيفال تتفتت انا استخدم التيفال الاصلي

    وبالنسبه للي تقول الستيل هل هو من ناحية التنظيف زي التيفال سهل الانزلاق ولا لا

    ومن كل قلبي شاكرة مروركن وابدا مقترحاتكن اللي الله لايحرمني منها

    والله يحقق لكل وحده اللي هي تتمناه
  3. @hdoaa_alghsk

    أخيرا انفكت عقدتي وصرت قادرة إني أشاركم فأرجو قبولي بينكم
    بالنسبة للقدور كلام الأخوات صحيح إن الموادفي قدور التييفال والمعدن تتحلل وتدخل في الطعام وبالتالي بطونا وبطون عيالنا فقدور الاستيل هي الممتازة حتى إنها راقية في شكلها وحتى إذا لزق الأكل فيها سهل تنظيفها بعد نقعهاشوي بموية حارة وأفضل نوعية اللي تكون 18/10 ولها قاعدة سميكة من الأسفل وفي منها انجليزي وتركي بعد وكلها ممتازة سواء في الشكل وطعم الأكل والصحة بعد وهذا الأهم .
  4. @lolo_q8

    مرحبا حبيت أقولكم ان القدور مهما كان نوعها تيفال أو ستيل لازم تكون من النوعية الجيدة و الغاليةلأن يكون سعرها فيها أما بو طقه أقصد الرخيصة أكيد راح تكون رديئة و تتقشر و تتحلل أثناء الطبخ و بالتالي تسبب الأمراض الله يكفينا شرها
  5. @rosalba

    أختي قصه حتى نحنا نستخدم التيفال الاصلي و روحي شوفي كيف متقشر و من يتقشر نرميه في الزباله....يعني ما يصمد ابد اول ما تشترينه ممتاز و مع الوقت و الغسيل يتقشر لازم....

    اما بالنسبه لستيل مثل ما قلت لك اهم شي يكون ثقيل و
    اما من ناحية يلصق على حسب الطبخه..... بعض الاشياء تلصق وخصوصاً البيض...و بعض الطبخات عادي ما تلصق.... بس اذا لصق عادي تنقعينه بماء و صابون و عادي يروح....أنا عندي تاوه ستيل ثقيله اسوي فيها الشورما و الكشنات عادي ما تلصق و القدور عادي ما يلصق فيهن (العيش) الرز...لكن البيض المقلي يلصق بصراحه و اسويه في التيفال....

    و ترى حتى الستيل يحتاج عنايه....يعني لازم اول ما تحطينه على النار ما تعلين الحراره عليه بالعالي....والافضل تكون الحراره قليله او وسط .....لأن الحراره العاليه جداً تاثر على سطح الستيل....أنا هذا الكلام قريته في كتيب التعليمات لما اشتريت من الستيل...ارجو أن اكون افدتك

تابعي تجارب أخرى من هذا القسم.