شاركي في النقاش

سجلي الدخول لإضافة تعليق.

التعليقات

1,712
  1. @bthyn_2

    اشجان_1406
    ماشاء الله ملابس ولدك كلهم حلويييييييين :) انا والله بعدني ماشريت لبنتي حق العيد احس انه بدري شوي ؛؛ أو وش رايكم ؟!؟!
    هذا كله من ذوقج عزيزتي ..
    ولا تقولين بدري وتسوين شراتي في كل مره .. أتلعوز في رمضان هذا غير الزحمه وارتفاع الاسعار ...
    لكن هالمره قلت بشتري قبل وصدقيني ترى البضايع هي هي ولو نزلوا شي جديد ما بيكون حلو بدرجه خياليه هذا غير الاسعار النــــــــــــــــــار ..

    توكلي على الله وسيري خذي لبنتج .. وصدقيني ملابس البنات ما في أحلى منها سواء أحين أو عقب ..
    أصلا بالعكس وقت رمضان الكل يروح السوق وبتكون ملابس بنتج مألوفه والناس شايفينها هذا غير اللي بتصادفينهم وبيكونوا شاريين نفسج .. قمة القهر ...

    يا الله عااد تحمسي واشتري لبنتج وارجعيلنا بصور غاويه ..
  2. @bthyn_2

    umGhanim
    ماشالله ذوقج حلو بس في شغلات ماتناسب العيد نصيحتي هذا لأول يوم وهذا للعصر وهذا لثاني يوم والله يخلي لج ولدج انشالله
    تسلمين الغاليه على رايج ... بس ما قلتيلي شو هي الشغلات اللي ما تناسب علشان ما ألبسه اياها .؟؟
    و شكلي باخذ برايج بخصوص أول يوم .. بس ثاني يوم والله ما ادري .. احس البدله هاي بسيطه وخفيفه ... ما ادري اذا تنفع مع انها حلوه .. بعدني بفكر ..

    ومشكوره على مرورج العذب ..
  3. @thrya_bnt_aboha

    بثـينة
    بسـم الله الرحمـــــــــــن الرحيــــــــــم .. اشحالكم يا أمهات يا حلوات ... واشحال كتاكيــتكم الحلوين ... عساكم بخير وصحه يا رب .. طبعا العيد بعده ... بعد شهرين بالضبط ... لكن أنتوا أدرى بالزحمه اللي تستوي جريب العيد .. هذا غير ار…
    أنا شريت لبنتي لبسين بس مو مقتنعه فيه مررره

    بصوره إن شاء الله ونزله لكم
  4. @bthyn_2

    heartstrings
    مافي احلا من الثوب على الولد اول يوم (الكندوره بالاماراتي) :) يصير كأنه :arb: صغير والعصر لبسيه بدلة
    NOOOOOOOOOOOOOOO
    لا أرجوج لا تييبين طاري الكندوره .. لاني ما أتحمل أشوف ياهل لابس كندوره ..
    أحس عيون الناس كلهم عليه ... ولد أختي صار له في عيد من الاعياد انه كان لابس كندوره وكل الناس اللي يزورونا يعلقون عليه أونه مستوي شكله ريال وكبير و ما صار له الا ساعات ومن صار الظهر طاح مريض في المستشفى درجه حرارته 40 !!! وهو ما كان فيه الا العافيه ..

    فــ نبعد عن الشر أحسن لنا .. صح ..:)

    بس على العموم تسلمين على رايج ومرورج الجميل ..

تابعي تجارب أخرى من هذا القسم.