شيال وعبي فخمة ؟؟؟؟

مساء الخير
على كل من شرفني ودخل موضوعي
ابي بعد اذنكم اطلب طلب
من كل وحدة عندها خبرة
بمحلات الشيال والعبي المميزة في دبي
ولا تقولون مجمع ابو الهيل
ابي غيرة
في دبي او الشارقة او العين
لا تبخلون علي بالمعلومة
الله ينولكم اللي في بالكم

16 تعليق 2,224 مشاهدة

شاركي في النقاش

سجلي الدخول لإضافة تعليق.

التعليقات

16
  1. هلا عزيزتي في مركز القريه بجميرا عبيان غريبه وفي البيت القديم بمردف عبيان وفساتين وسموحه:26:
  2. صاحبة الموضوع
    بنات الامارات وينكم
    الله كل الي ادخلو ولا وحدة فيهم من بنات الامارات
    والا ما سمعت عن محل حلو فيها
    لا تزعلنوا منكم عاد
    وين الاماراتيات انا يالسة اترايكم
  3. @shrok_almshrk

    مساء النور
    أنا من بوظبي بس بحاول اني افيدج
    عندج ف الشارجة مركز صحارى . سوق البحر
    عندج عيمان جريبة من الشارجة وااايد فيها محلات وااايد وماركات ف منطقة عجمان الصناعية
    دبي والعين ما اعرف عنهم شي
    والسموحة
  4. صاحبة الموضوع
    حبيبتي 1army و شروق المشرقة
    مشكورات وما قصرتم
    وعساكم على القوة
    وانا ان شاء الله راح اكون في دبي بعد 10ايام
    بس اعتقد ان عجمان ماراح اوصلها
    ما قصرتم
    وربي لا يخلاني منكم

تابعي تجارب أخرى من هذا القسم.