شاركي في النقاش

سجلي الدخول لإضافة تعليق.

التعليقات

174
  1. @noth

    الله يعين كل شي ارتفع لا ادويه لا مواد غذائيه كل شي

    قبل امس شاريه دواء بـ 244 وقبل شهر كنت شاريته وكان بـ 190 !

    ماامداه ياربي حرام عليهم وش ذنبنا ياناس !

    الدانوب اول مافتح عندنا رحت له ويوم جيت احاسب قالي بـ 270 حسابك وانا عربيتي مليااااااااااانه ملي يابلاش !

    وصرت كل اسبوع اروح اتقضى منه

    وبعد شهر ونص بس كنت احاسب على اغراض ماتسوى ولا ميه والله قالي 200 وشوي حسابك !!!!

    وهي كلها شوكولاتات واغراض ماتسوى خذتهم ع السريع !

    جتهم العدوى ورفعوا اسعارهم بشكل اعوذبالله وانااقول يازينهم بصير دايم اشتري منهم

    الرز الكيس الصغير كان في الثلاثين الحين بـ 50 ماله كم يوم مرتفع!

    سوق الخضره ارتفع بشكل لاحول ولاقوه الا بالله

    الى متى طيب ؟

    وش ذنب هالشعب وين الحكومه عن هالجشع والطمع والنصب والغش!

    لغيرنا حلالنا وحنا شكونا لله !

    وش يبون مننا مثلا نهاجر من هالديره

    والله ماارحم الا هالضعوف الي رواتبهم على الفين وثلاث وش تكفي وش تخلي

    الله يرحمهم برحمته ويرحمنا معهم وحسبي الله على هالنصابين
  2. بنات مدري يمكن هذي عقوبه لبعض الحريم الي تفسد وتبذر في كل شيء
    مثلا انا بصراحه اتضايق من عزايم الحريم لانهم يحطون ماهب ودب من انواع النعيم وفي الاخير والله ماتنوكل ومصيرها اعزكم الله للزباله وهذا كله عشان يمدحونها
    وهذا غير الملابس الغاليه الي تنلبس مره او مرتين ثم تنرمى مو حرااااااام ؟
    واشياء كثيره تضيق الصدر
    والله تجيني فترات اقول احسن هالغلى عشان هالحريم يتعظن بس ظنكم انهن بيتعظن ولا مايهمهم ؟
    رمضان هذا هو الي بيحكم.

تابعي تجارب أخرى من هذا القسم.