ابي مكان اروح له معه زوجي؟ ليه مافيه!!

فيه المتحف الوطني ودارة الملك عبد العزيز رووووووعه وفوق الوصف وتاخذ منك يوم كامل يعني ساعه او ساعتين ما تكفيها
وعندكم متحف صقر الجزيره عارضين تطور الطائرات والدفاع الجوي وحاطين الطيارات القديمه ملموسه ما اقول انه رائع بس نوع من التغيير

الاخت "باركولي لقيت اسم" تسلمين على كلامك المنطقي ..
والله الرياض ما نلقى مثلها لونبعد عنها نسافر مدينه ثانيه نشتاق لها مووت ,,ونحس بقيمتها
ياحبي للرياض وياحبي لاهلها

شوفي انا ما كنت ناويه ارد عليك لانني ما احب ارد و أدخل في نقاش مع ناس كذا تفكيرهم (خاصه الناس اللي يستعملون لفظة " السيب " فهذولا دايما يكونون من نوعية مضحك القوم ) بس اللي خلاني ارد عليك هو اني اخذت على نفسي عهدي اني ما اصير زي غيري اللي يقولون : احنا ما ندخل في نقاش على هذا المستوى ، و كانت النتيجه انتشار هذولا النوعيه ( مضحك القوم ) و اصبح الفكر السائد هو الفكر البسيط و الانتقادي ( الانتقاد على اعتبار انه خفة الدم ) بسبب انسحاب الطبقه المثقفه من المجتمع و ترك بؤر للفكر البسيط ( على اعتبار انه فكر ).

أما ردي عليك فهو كما يلي :

اذا انتي تستطيعين انك تسافرين لهاواي و نيوزيلندا ( ما ادري ايش الشبه اللي تشوفينه بين نيوزيلندا و "السيب" ) و شرق آسيا ، و تجدين الوناسه هناك فالله يهنيك و يسخر لك زوجك .

بس البنت ودها بشئ بالرياض يعني تبغى حلول و اقعيه . و لا ما كانت كتبت في قسم ساعدوني

شئ ثاني الناس اللي ما ينبسطون في البيت فهذا راجع الى انهم تعودوا على انتظار المعروف والمساعدة من الاخرين يعني من الاخير " التبعية " للاخرين ، وهي احدى مظاهر عدم النضج النفسي . و هذا عائد الى عدم معرفتهم بأنفسهم و ذواتهم و لا يعرفون ما هي هوايتهم او ميولهم .


تعرفون ما هي اعظم عباده؟؟؟؟؟ ، او كما سماها بعض العلماء عبادة الانبياء

التفكر ( اكيد ما تنفع في الملاهي ولا حتى في المطعم )


تعرفون ما هي الصفة المشتركه بين اكثر الشخصيات تأثيراً في العالم ؟؟؟

قراءة خمسين كتاب في السنه بمعنى كتاب في الاسبوع ( ممكن في الملاهي )

بس اعملوا هذولا الشيئين و شوفوا كيف انكم بتلاقون ان كل دقيقه في حياتكم ممكن تكون ممتعه .


انا ما اقول اقعدوا في بيوتكم بس اقول اذا القعده في البيت تجيب الهم لكم و انتي ربة و راعية البيت فالعيب ماهو في البيت اكيد لأنك انتي المسؤوله عن تحويل الحيطان و البلاط إلى جنة .


:26: :26: :26: :26: :26:

احبكم

اب

مشكورين بنات
والله يخليكم مانبغى مشاكل

من جد مافيه اماكن :(