خافوا ربكم ياحريم.. شرف الناس مو لعبه

من يوم قريت الموضوع ........وانا عارفه ان بتصير فتنه بهالموضوع وهواش ونقار


الله يهديكم كلكم صدق الحـــــــــــــــريم


المشكله كللللللللللللها تنحل في نقاط بسيطـــــــه

لو ايش ماكانت هذي البنت المفروض الحريم مايحشون فيها ويغتابونها هذا شي بينها وبين الله

التعداد في الزوجات مو حرام وماحد اختلف على هالنقطه

ولكن اسلوب البنت اذا كان حقيقه اللي قالوه عنها هو الغلط

لان الوحده اللي تبغى تتزوج ماتروح تغازل الرجاجيل وتكلمهم ...على امل ان احدهم يخطبها

اللي تبي تعرس تتقي الله في نفسها واذا لها نصيب بتاخذه سواء كانت زوجه اولى ولا اخيره


والرجال غلط........ دام انه متزوج المفروض يوقفها عند حدها ويعلمها ان البنت اللي تلعب هذي (ونســـــــهـ ) مو اكثر وفي النهايه الرجال مايرضى يتزوج وحده تلعب وتدور زوج بهالطريقه لو كانت ملكة جمال


في النهايه يمكن البنت ماغلطت احنا مانعلم الغيب

اذا الزنا وهو الزنا لازم تجيب شهود

فمالنا اي حق نحكم عليها

في النهايه الله يستر علينا وعلى رجالنا وبناتنا


ويحفظ لي زوجي ويبعد عنه بنات الحراااااااااام والحلال خخخخخخخ

فعلا كله إلا السمعة العرض....بعدين هو الريال الملطشة...المفروض لو هو متأذي منها يوقفها عند حدها....وشي ثاني...لاحظته...المره الي ريلها يتزوج عليها...او يغازل وله علاقات...ما تقول ريلي العله فيه...وعينه زايغه...لا تقول قصت عليه فلانه...لعوزته فلانه...تطرش له مسجات..اكثر شي الحريم ما يشوفون غلط رياييلهم...


الستر زين والله المستعان

السلام عليكم و رحمة الله وبركاته
يقول الله تعالى " و لا تقربوا الزنا " لم يقل الله تعالى ولا تزنوا بل حرم حتى القرب منه بنظرة او بكلمة او موعد او لقاء ولاشك ان من دواعي الزنا هي المكالمات الهاتفية فكم افسدت من بيوت مستقرة وكونك اختي قد نصحتها بعدم التعرض لعرض الفتاة فذلك شيء جميل تشكرين عليه ولكن اخيه ما بال تلك التي تكلم زوج الاخرى اما كان الواجب ان تنصحيها اولا قبل ان تكلمي الزوجة فربما كانت الزوجة مغلوب على امرها وربما ناقشت زوجها للمرة المليون ولم يسمع لها لكن تلك الاخرى هي من بدء بالشر وايضا الزوج . لا اقول بحرمة الزواج من اخرى وحاشا لله ان افعل ولكن اقول بعدم صحة المكالمات الهاتفيه قبل الزواج , والتي تقول ان الغالب منا قد وقعت في الحب اقول لها انا لك ان تحبي رجلا ليس بمحرم لك نعم احبيه عندما يكون زوجك , احبيه عندما يغبطك الناس اذا رؤك انته وهو مع بعض يربطكم رباط مقدس شرعه الله والا مالفرق بين النكاح والسفاح الا هذا القعد الذي يربط الزوج بزوجته , وقبل ان تحكمي على اي انسان ضعي نفسه مكانه وقولي لو كنت انا ماذا سوف افعل ؟ اعود واقول جزاك الله خيرا فأنت لم تخطئ ابدا ولكن الاولى ايضا ان تنصحي تلك الاخرى ان ثبت ما تقوله الزوجة . علما انني لست متزوجة حتى اقف في صف المتزوجات

انا باقول شي سبق وانه قيل قبلي ان المواضيع اصبحت مكرره (زوجي و مشكلاته ) و كأن مافي في الحياه غير هذا الزوج و لا نلوم غير البنت اللي يغازلها والا الشغله اللي كلمها . والله الزوج لو ماعنده استعداد ما رد اصلا على البنت و ترى الرجال ذنبه اعظم لانه محصن عنده حرمه مو البنت اللي ما تزوجت واللي احيانا تلقينها صغيره و الا طايشه او اهلها ما درو عنها. انا ما ابري البنت لكن ما احطها هي لحالها في دائرة الاتهام. انا اقول يا حريم انتبهو لرجالكم اكثر شوي و لا تحطون حرتكم في العالم و تاخذون ذنوب ما انتم حملها بالحش والسب والقذف.اذا عندكم حلول مع ازواجكم والا لا تقلبون حش في ناس ما تعرفونهم.

شلونكم خواتي
انا اسفه اذا سببت مشكله بسبب هالقصه بس انا اللي قهرني اني اعرف البنت اللي تكلموا عنها البنت قمة الادب والذوق وبنت عايله كبيره وربنا عطاها جمال يعني موناقصها شي وخطبوها عوايل كبيره من الخليج انا رحت كلمتها وسألتها البنت سكتت ماردت علي بس قالت حسبي الله ونعم الوكيل ماتكلمت كلش قلتلها ردي روحي كلميها دافعي عن نفسج..
ويكون بعلمكم ترى مرت الريال اقرب لي من هالبنت يعني المفروض اوقف مع الزوجه بس انا ماعندي استعداد ابيع ديني عشان اي شي
وراح اقولكم شلي صار بعدين انا الحين مشغوله مع اختي عرسها بالعيد ان شاء الله وبطلع معاها الحين للسوق