يبالج تيين عندي وأعلمج كيف بالتطبيق العملي ..ههههه
شوفي بشرح لج وان شاءالله تفهمين علي ..
أول شي تييبين غتره ( شماغ ) مثني على شكل مثلث
ثاني شي تثنين الطرف العلوي في المثلث اشوي .. ثنيتين أو ثلاث على بعض .. لحد ما تشوفينهم يضبطون على راس ولدج ... يعني تخلين شي بسيط من نهايه المثلث واضحه والباقي على راسه والباقي مثني .. ==> شكلي بعقدج ..!!:09:
المهم ما علينا لو فهمتي كملي وياي الخطوات ..
أحين عاد حطي الغتره على راس ولدج و ابدي لفي الطرف المثني اليمين بشكل دائري وثبتيه بادخال الطرف في اللفه اللي سوييتيها .. وبعدين لفي الطرف الثاني عليه نفس الشي وثبتيه ..
وبس ... :)
بذمتج ... فهمتي شي ...؟؟
ان شاء الله تكوني فهمتي واستوعبتي الدرس عدل ..
وعلى فكره لا تاخذين غتره بيضا لانه الحركات ما توضح فيها ويمكن ما تضبط عندج بعد ..
خذي الغتره الحمرا لانها ثجيله وتضبط في اللف أكثر .. أو أي لون بس تكون قطعته ثجيله ..
وشوفي هالصور يمكن توضح لج الفكره أكثر ..

