استفسار .. البنات اللي يوقفون بالبازارات على الطاولات كم يحسبون لكم؟

بصراحة انا من زمان نفسي اعرف البنات الي يوقفوا بالبازرات اش عرفهم عنها
كيف يشتركوا فيها ,,, واختي مليكة معك حق بصراحة 50 ريال ماتسوي شيء
100 ريال ويالله بهالزمن تسوي شيء ,,,,, الله يوفقك ويبارك لك انت والاخوات

واختي القطرة الندية الله يجزاكي خير كيف 6 ايام 150 ريال وربي مو حقها ابببداً
وقفتها ومحافظتها على البضاعة وكلامها مع الزباين كل هذا وبنظرك ماتستاهل
شيء كثر هالتعب ,, اعطوا الأجير حقه قبل ان يجف عرقه ,,,,


عذرا على المداخلة بس كلمة حق حبيت اقولها ,,

انا اعتقد انه الوقوف على البازار مو مجرد وقوف وبس

قد يكون شكلها ملفت ويجذب الناس ويخليهم يشترون

وقد يكون اسلوبها وتعاملها يجذب الناس ويخليهم ايشترون

وقد يكووون العكس وتنحش الزبااين من البضااعه صح والا لا

و150 بـ 5 أيام او 6 ايام قليله جداً

يعني راحت في بانزين السياره يعني ايش راح يبقى

لو على قولتك كانت وحده على قد حالها

ولو كانت وحده قد حالها ماراح تضيع وقتها لمدة 5 او 6 ايام وتطلع مشاوير

ممكن تكون بعييييييده على 150 وبعدين اللي تطلب احد يوقف على طاولتها

هذي وحده ان شاء الله انها واثقه من بضاعتها ومن المردود اللي راح يجي لها

واللي مو واثقه في مبيعاتها وواثقه من بضاعتها بتقول لنفسها انا اوقف احسن

شكرا لكل من رد بالموضوع
واختلاف الراي لا يفسد للود قضية

لكن اختي القطرة النديه
بالنسبة لي شخصيا ما اقبل على نفسي لو كان عندي طاوله بالبازار واريد واحده خصيصا لطاولتي يعني مو اساسا بنت عندها طاوله وبتوقف على طاولتي بنفس الوقت

لا هالبنت بتروح خصيصا يوميا للبازار عشان طاولتي ويكون بس 50 ريال
بصراحه ما تسوى ولا ارضاها لنفسي وبالتالي ما ارضاها لغيري

مع اني ما عندي طاوله ولاني مشتركه ببازار

بس حبيت اسال هالسؤال من باب العلم لانه خطر على بالي اساله وخاصه انه كثير ناس ما عندها فكره قلت خلنا نفيد ونستفيد من طرح الموضوع ومعرفة الاراء

لو حسبتِ

طلعتها يوميا ووقفتها ومحادثتها مع الزباين
لا تنسي انه اللي تبيع بعد توفيق الله وبعد نوعية البضاعة يجي دورها بالكلام وتشجيع الناس والاسلوب عشان يشترون يعني مو مجرد حارس على بضاعه

بالاضافة لسعر الروحه والجيه لو بتجي بالتاكسي شوفي كم تدفع راح الخمسين ريال ما بقى منها الا 20 ريال



والشغل ما فيه واحده قد حالها ولا واحده مرتاحه وغنيه

الحق حق

يعني اذا واحده بحاجه استغل حاجتها واعطيها مبلغ جدا بسيط!!!!
هذا بنظري أسوأ لاني بهالطريقة استغل حاجتها وما اعطيها حقها اللي تستحقه


وبالنهاية هذي نظرتي واللي تبي تدخل بازار لازم تكون حاسبه حساباتها وواثقة من بضاعتها
وطبعا في الاساس الرزق من الله والتجارة ربح وخساره وما في شي مضمون

واختلاف الراي لا يفسد للود قضية