شاركي في النقاش

سجلي الدخول لإضافة تعليق.

التعليقات

1,206
  1. الحقونى يا بنات ميته قهر

    طليقى سافر مع حرمته سياحه .... وانا اخر من يعلم .... ابنى عرف بالصدفه يوم كان عند عمه
    مع انه طليقى قال انه بيرجعنى ... و ساعات بيتصل ويسلم علي ويسلم ع العيال

    مقهوووووووووووووووره انا خباء علي انه بيسافر


    مقهوووووووووووووووووووووووووره والله

    شو اسوي
  2. @pineapple

    ساهرة الليل

    أنتي جالسة تفرقين لا شعورياً بين الأب وأبنه..خلي ولدك يروح لأبوه ويبات وخليه يسافر مع أبوه وين المشكلة؟

    بكرا لو خربت علاقتهم ببعض لا تلومين الأب وحده..أو إنك تعتقدين إنك كذا بتستحوذين علي حب الولد.. تراك كذا بتطلعين ولد غير متوازن نفسياً... مثل ما هو محتاج حنانك.. محتاج يكون قدامه رجل...وما في أحسن من الأب... لا تخافين مرد ولدك لك...حاولي تشجعين الأب إنه ينتظم بالزيارة.. وخلي ولدك يواجه الحياة بدعمك كل هالتجارب بتقويه...

    خليك متعاونة علشان مصلحة ولدك..علي فكرة, كل ريال تصرفينه علي ولدك أو يصرفونه أهلك عليه بشكل مباشر أو غيرمباشر- الكلام لأي مطلقة بعيال قاعدة مع أهلها-يعتبر صدقة.. لأنك مو ملزمة بالنفقة عليه.. ولا أهلك ملزومين... يعني إدخار عند رب العباد.. وسوي الخير وأرميه بالبحر... ربك ما ينسي وكل شئ عنده محسوب


    أي شئ أحتسبيه عند الله.. أصلاً طريقة التفكير هذي هي اللي بتجيب لك الهم بدري... وسعي صدرك وكل ما قال الأب يبي ولده أرسليه...

    طليقته وعيالها هذا شئ يخصها هي...ما تعرفين وش ظروفها... هذا وأنتي مطلقة تقولين عنها كذا.. المفروض تحسين باحساسها...





    متأملة

    أمرك غريب بصراحة... هو مهو زوجك عشان يقول لك؟


    هم عساهم يعلمون حريمهم إنهم مسافرين.. تبينهم يعلمون طليقاتهم!!

    لوبيرجعك يا متأملة ما تزوج...لاتخلينه يبتزك عاطفياً... لو باقي عليك صحيح كان ما طلق.. ويوم بلاه الله وطلق كان ما تزوج.. بس هو يبيك تظلين قاعدة علي الأطلال!
    وتغنين ظلموه!
    وسعي صدرك وأرميه ورا ظهرك.. وخليه يسفرها.. اللي شافته القرعا... تشوفه أم الشعور!



    حبيباتي


    لما تتطلقين... معناته أنت أنفصلتي عن هالرجل كلياً.. لا له حق عليك ولا لك حق عليه...

    ما لك دخل فيه سافر مع زوجته طلع نزل... خلاص.. أنتهي اللي بينكم حتي لو فيه عيال...هذي زوجته طبيعي بيروح ويجي معاها.. وعيالك يوم يروحون لأبوهم طبيعي بيحتكون بمرة أبوهم وبيخالطونها... وين المشكلة بكذا..



    مطلقة وعندك عيال.. تبين ترتاحين بحياتك أنسي إن هالرجل كان فيوم لك-هذا لو كان!

    شخص غريب ما يخصك فيه...والله لو كان لك فيه نصيب ما كان تعداك...

    لو كان مكتوب لك معاه يوم زيادة كان عشتيه... لقمة وأنقطعت.. سهم خسران ليه تظلين متعلقة فيه... تظنين إنك بتعوضين الخسارة بينما أنتي جالسة تزيدين خسايرك.. وبكرا زي ما جمدوا سهم أنعام( المواشي) بيتجمد سهم طليقك وتطير فلوسك كلها..


    أنفذي باللي باقي لك (( العيال)) وسوي STOP LOSS


    الأولين ما قالوها عبث


    لا تأخذين عشيقك ولا ترجعين لطليقك!
  3. @mshroaa_fylsof

    mise1426
    كيفك ياورده وش اخبارك وكيف بنيتك عسى مانتي نايمه؟
    السلام عليكم ورحمة الله وبركاته

    مساكم الله بالخير والعافية والسعادة والرضا والسرور :)

    كيفكم اخواتي

    اسأل الله الذي بيده ملكوت السموات والارض

    ان يجبر كسركم ... وان يسعد قلوبكم ... وان يبدلكم ازواج خيرا من ازواجكم...

    وان يملئ قلوبكم بالهناء والرضا والفرح ....

    وان يجعل رزقكم مع ازواج طيبين حنونين محبين قائمين بما اوجبه الله عليهم ...

    ومايجي العيد الا وكل واحده منكم في بيت زوج يحب ابناءها وكأنهم من صلبه

    عاااااااااااجلا غير آجل

    وان يكفيكم شر من به شر ويصد عنكم كيد من به كيد


    :26: بس حبيت اسلم عليكم وادعي لكم من قلبي :26:
  4. @pineapple

    مشروع فيلسوفة


    يا حياتي تسلمين علي هالدعوة الحلوة


    الله يرزقك من خير الدنيا والاخرة ويستر عليك ويرزقك الرزق الصالح ويصرف عنك شياطين الأنس والجن ويصلح لك في ذريتك ويجعلك من المحسنين

تابعي تجارب أخرى من هذا القسم.