مقهورة ليش زوجي تزوجني وماتزوج بنتها <<<< وهادا الكلام قالتو مليون مرة على مسمع الجميع ومازالت تردده لوقتها الحالي
زوجي من لما كان في الجامعة وهي وراه وراه عشان يتزوج بنتها
ولما جاء وقت الجد وقرر الزواج قرر يأخد من برا العيلة لعدة اسباب عائلية
ومن وقتها والمشاكل مانتهت
ماتركوا كلام ماقالوه عننا ومنو اننا نعرف بعض من قبل الزواج واني عملتو سحر وخرابيط تانية
وبعد الزواج ولما فقدوا الامل فيه
صاروا يبغوا يزوجوه
واول وحدة فيهم عمتو والي عندها بنت(طبعا رفضت تحضر الزواج زعلانة)
صارت تستغل الامكان الي يروحها من غيري وتروح عندو طبعا لازم تجيب المحروسة بنتها عشان:arb: يشوفها ولما حاول انو يخرج برا الغرفة زعلت وسوت مشكلة واحنا اهل وليش طالع وسكرت الباب وبنتها طبعا معاها ويبدأ الهرج والكلام الفاضي
وعلى حسب كلام اخت زوجي تبدأ بنتها في المياعة الزايدة
طبعا وقتها رجع :arb: ساكت وراح حط راسو ونام وانا ماادري من جا عندهم وايش صار
ولما سمعت الخبر من اخت زوجي طبعا صارت مشاكل كثيرة
وهو يقول غصب عني هي احرجتني وماخلتني اطلع وانو ماكان يطالع في بنتها <<<< عاد هو وربه
وسافرت عمتو وبنتها وطبعا المشاكل مانتهت هنا
كل فترة تدق على زوجي بنتي تخرجت بنتي جاها ولد(هو تزوجت وتطلقت وهي حامل)وانواع المكالمات الي طبعا مااعرف ايش الي صار فيها وانا مااخدتها في بالي
وقبل اسبوعين جات زيارة هي وبنتها لاهل زوجي وكنا وقتها موجودين
اول مادخلت طبعا لاسلام ولا كلام لي راحت مجلس الرجال ولصقة في :arb:ولاشفت وجهها الا لما طلعت
وبنتها طول القعدة معانا انا واخوات زوجي قاعدة تمدح:arb:عيني عينك ولا تستحي على وجهها وتقول اني قدامها لين نطت عليها وحدة من اخوات زوجي واعطتها كم كلمة سكتتها
وطبعا اخت زوجي ومرة قريبة مني وعارفة الهرجة كلها قالتي انو عمتو قعدت تسأل خالتي(ام زوجي) عن راتب :arb:وايش عندو وايش ماعندو
ولما سألت خالتي ليش ماتجي عمتو تقعد معانا قالت ماادري عنها بس قاعدة تهرج مع:arb: لوحدها
ولما سألتها ليش ايش عندها قالتلي قاعدة تتكلم عن بنتها
ولما سألتها عن ايش قالتلي ماادري كل ماجلست معاهم قطعت الهرجة
وطبعا لما طلعوا سألت :arb:عن ايش كانوا يتكلموا قالي مافي شئ مهم بس اشياء عائلية
خلاص طفشتني مو عارفة ايش اسوي اخاف من كتر ماتقعد تون على راس الرجال تدخل الفكرة في راسو والمشكلة مو قادرة اسحب الكلام من زوجي او اكلموا مباشرة في الموضوع لانو ماعندي شئ ضدها
ولااقدر امنعوا انو يكلمها لانها عمتو
ايش تنصحوني اسوي
شاركي في النقاش
سجلي الدخول لإضافة تعليق.
التعليقات
82- لاحول ولا قوة الا بالله
دحين انتي وقت ماتتكلم على زوجك وتمدحه عيني عينك ليش تسكتي وتخللي اخت زوجك تسكتها
لاا سكتيها انتي بكلمه قوووويه تخرسها ابد الابدين ..
وزوجك من حقك انك تكلميه عنهم وتقوليله عن مخاوفك ولو كانت علاقتك معاه حلووة ويحبك مووووت راح يسهل الموضوع قوليله انك بتتضايقي وكده ّ
ودااااايما ادعي .. اللهم اكفنيهم بما شئت ..
باذن الله ربنا يرد كيدهم في نحرهم وتتزوج الاخت وتفتكي من شرها - الله يخزيها هي وبنتها
ما أكره على قلبي الا المره اللي تطمع بواحد متزوج - صاحبة الموضوع #14811333
شابورة لاحول ولا قوة الا بالله دحين انتي وقت ماتتكلم على زوجك وتمدحه عيني عينك ليش تسكتي وتخللي اخت زوجك تسكتها لاا سكتيها انتي بكلمه قوووويه تخرسها ابد الابدين .. وزوجك من حقك انك تكلميه عنهم وتقوليله عن مخاوفك ولو كانت علاقتك معاه حلووة ويحب…
وقت ماكانت تمدحوا ماحبيت ابين اني غيرانة منها وانا عارفة انها كانت ناوية تقهرني بكلامها عشان كدا مارديت عليها
وبالنسبة لزوجي في المرة الاولى كلمتو وتخاصمنا بسببها وطبعا كان ردوا انو استحالة يتزوج
واني غيورة واحاول اسوي مشكلة من لا شئ
بس اخاف من كتر مايجروا وراه تدخل الفكرة في راسو - صاحبة الموضوع #14811343
ذكريات الأمس الله يخزيها هي وبنتها ما أكره على قلبي الا المره اللي تطمع بواحد متزوج
امين والله يفكنا منها ويكفينا شرها - اختى لاتساليـــــــــــــن زوجك مباااااااشره عنها ..<<<<<<اخاف تنبهين زوجك ..وتلفتين انتباهه لها ..وانك خااااايفه منها ...!!!!
أسألي من بعيد للبعيــــــــــــــــد ..وزيدي اهتمام بزوجــــــــك ..
زوجك لوكان يبغاها كان تزوجها من قبل ..
مواضيع مشابهة
تابعي تجارب أخرى من هذا القسم.