ما سر احتفاظ البنات بالدب في غرفة النوم ...!


السلام عليكم ورحمة الله وبركاته
موضوعي اليوم صراحة قريته في احد المنتديات وعجبني وحبيت انا كمان اعرف سر احتفاظ البنات بالدببه ؟ ...
وحبيت اطرح الموضوع بأسلوب الكاتب وليس بأسلوبي لانه اسلوبه حلو وجميل وشوفوا ويش قال ....
----------------------------


شخباركم يا جماعه الربع , لا احد يقول هذا واحد متفرغ !! بس شاركوني النقاش
عندي سؤال محيرني ابى اشوف اكبر عدد من الردود حتى اعرف السر..
وهو....

ما سر احتفاظ البنات بالدب في غرفة النوم؟ :

نستغرب من بعض التصرفات من البنات, واجد نشوفهم يحتفظون

بدب صغير في غرف النوم وأحياناً يكون دب كبير وأحياناً , نشوف

دببة واجد مصفوفة فوق الدولاب , أو على السرير او بجنب المخده !!

واكثرهم يحبون يكون الدب ابيض وفيه ربطه حمرا ؟؟ يقالهم رومنسيات



ليش ؟؟؟

اذا كان فيه شي يجذب قولوا لنا يمكن نفكر نشتري لنا كم واحد ...

السؤال


ليش تحتفظ البنت بهذه الدببة؟ :

وهذا بعض اللي يقولون عنه الناس :

بعض البنات يمسكون الدب ويتكلمون وياه ويقولون كل أسرارهم ليه!!

يعني انا اشوف انها نفسيه شوي !!!

ويقولون بعد أن البنت تلجأ للدب اذا شعرت بأن مافي أحد يفهمها في وسط أسرتها!!.
اذا كان هذا صحيح؟
انزين ..


ليش الدب بالذات؟ :


وش فيه الارنب او الغزال .... والله وش حلاته !!




اتمنى اشوف ردودكم خاصه من البنات





تحياتي الخالصة لكم

منقول

23 تعليق 3,864 مشاهدة

شاركي في النقاش

سجلي الدخول لإضافة تعليق.

التعليقات

22
  1. @thkry18

    أغلب الاحيان الدببه قريبه الفتاه ..
    فهي قريبه برمنسيه شكلها ونعومتها ورقه تصميمها بشكل يلفت النظر ..
    والفتيات تخاطب دبها باحاسيسها وتعتبره حبيبها كانه يسمعها ويخفف آلامها عنها ..
    في نظري .................
    انا عندي علي السرير أرنوب زهري ودبدب جاني هديه فوق السرير حاطاه ...
    بس ما أكلمه
    أحياننا أحس اني أبي أطلع حرتي وأسولف فأسولف مع أرنوبي وأحس انه يفهمني واعتقد كل البنات كذا نظرتهم ..
  2. @mshroaa_fylsof

    ذكري18
    أغلب الاحيان الدببه قريبه الفتاه .. فهي قريبه برمنسيه شكلها ونعومتها ورقه تصميمها بشكل يلفت النظر .. والفتيات تخاطب دبها باحاسيسها وتعتبره حبيبها كانه يسمعها ويخفف آلامها عنها .. في نظري ................. انا عندي علي السرير أرنوب زهري ود…
    بصراحة ماحب حركة اقتناء الدبب ..

    وأحس انها سماجة وتميلح
    :09:

    الله يرحم ايام البعارين :unhappy:

    احس اللي تمسك دب وتحضنة وتسوي فيها غامضة انها تتصنع :11:

    اصلا ما انتشرت هالظاهرة الا من بعد الفضائيات

    اعرف مجموعة بنات كانوا طبيعيات جدا

    وبعد مادخلوا الدش في بيتهم

    صارت الوحده ماتمشي الا وهي حاضنة دب وراسها مايل وسرحانة !!!!ومسوية فيها حالمة !!! :40:

    لاتقولون انها تسولف على الدب !!!!!! وكمان تقول اسرارها !!!!!!

    ياشيخة يقلدون هاللبنانيات ويقلدون المسلسلات المدبلجة
  3. @ayam_fy_hyaty

    خلو الشركات يصنعون ارانب وغزلان ونحضنهم

    بصراحه مااشوف غير الدببه بكل مكان وبصراحه اكثر مازلت وانا بهذا لعمر >>>> تراني مو عجيز


    اخقققققققققق عليهم ....
  4. فعلا والله كلامك عدل انا يوم كنت بالمتوسط كانوا اخواني مسافرين وكان عندي دبدوب كبيييييييييييييير كنت والله العظيم اجلس وياه واسولف معاه مادري بس كنت احس براحة ماادري هل ذي جنونة تطلع علي ولا ويش هي بس هذا يوم كنت بالمتوسط اما الحين وانا خلصت الكلية السنة اللي راحت اكتفيت باني احطها بالدولاب..واتذكر ايامي واياه..
  5. @wshoshow

    وانا لا ائييد هذا الحركه ابدااااااااا
    والحمدلله ماعمري اقتنيت دبدوب وكلنا نعرف انها مسكن للجن 00
    وبنتي احاول ابعده عنها قد ما اقدر00
    وعلى قولة مشروع فيلسوفه
    الله يسعدك موت عليك من الضحك كله تقليد للفضائيات

تابعي تجارب أخرى من هذا القسم.