ساعدوني يا بناااااااات جامعة الرياض

السلام عليكم ورحمة الله وبركاته

بنات انا بنقل من جامعة مكه ام القرى
الى جامعة الملك سعود

وانا ما اعرف اي شي عن الجامعه
ياليت تساااااااااااااعدوني

كيف المواصلات ؟ فيه باصات والا لا؟ وانا ساكنه بشرق الرياض

كيف نظام الجامعه في المحاضرات؟ فيه محاضرات متاخره الين المغرب

وكيف اساتذة قسم التاريخ عسااااااااهم طيبين مع اني سمعت الدراسه في هذي الجامعه صعبه شوي

وكيف المباني كثييييييييره ادوخ بينها واضيع والا فيه مبنى خاص لتاريخ؟

وكيف طريقه الجداول اقدر احذف واضيف من النت؟

طولت الاسئله عليكم

بس والله خايفه ومني عارفه ولا شي

ويعطيكم الله الف عاااااااااااااااافيه:)

4 تعليق 593 مشاهدة

شاركي في النقاش

سجلي الدخول لإضافة تعليق.

التعليقات

4
  1. @nfh_aatr

    صاحبة الموضوع
    بنااااااااااااات مو معقوله 7

    ولا احد رد

    ياليت تردون لاني محتاااااااااااااااااااااااااااااااره
  2. @noth

    وعليكم السلام اختي

    وحياك الله في جامعة الملك سعود



    فيه باصات خاصه بالجامعه بدون رسوم خلي ابوك او احد يروح للجامعه ويستفسر

    انااشوف بنات يجون من احياء بعيده الروضه النسيم الريان وفي باصات الجامعه





    نظام الجامعه على حسب جدولك اذاخلصتي تقدرين تطلعين مع ولي امرك باي وقت

    الباب يفتح 11 ونص بس الباصات اتوقع وحده

    اخر وقت للمحاضره 2 او 3 تبدأ تفضى الجامعه مافيه محاضرات متاخره للعصر




    بالعكس الدراسه في جامعه الملك سعود اسهل واريح من باقي الكليات والجامعات



    المباني كثيره بالجامعه كل كليه لها مبنى بتتعبين في البدايه

    التاريخ تابع كليه الاداب في مبنى 25 ب اجدد مبنى في الجامعه و25 أ مبنى الاداب القديم يتبع للمبنى الثاني




    الحذف والاضافه من نفس الجامعه في اول اسبوع من الدراسه

    تروحين لقسمك وتطلبين نموذج ويعلمونك وش تسوين

    ماعندنا حذف واضافه عن طريق النت :(


    اذا عندك اي استفسار تحت امرك اسألي :)
  3. @nfh_aatr

    صاحبة الموضوع
    مشكووووووووره اختي عالرد والله يعطيك العافيه

    بس حبيت اسال

    كيف تتوقعين معادلة المواد لي ؟

    انا كملت 3 سنوات في جامعة ام القرى

    تتوقعين يحطوني باي سنه

    ومشكووووووووووره

تابعي تجارب أخرى من هذا القسم.