ابي رايكم في تصميم البيت

انا ياطويلات العمر عندي ارض وكنت افكر ابيعها ونشتري جاهز اريح من وجع الراس والبناء
بس بعد اللف والوران اكتشفنا ان احسن شئ نبني علشان يكون على متطلباتنا
الارض مساحتها 650 م
بقولكم عن تصميم اللي في بالي
ناوين ان شاء الله نخليها صالات مفتوحه يعني استقبال رجال واستقبال حريم والمطبخ مفتوح على الصاله طبعا في مطبخ خارجي والمقلط اي غرفة السفره بتكون بدروم بس مو على البيت كله لانه بيكلف ويكون له موزع من القسمين ينزل عليه
انا عندي بنات الله يصلحهن وولد واحد اقول لزوجي ضروري يكون فيه غرفه تحت لها باب بكرا يتزوجون البنات وحده تعبانه ولا والده وبيجيها زوجها بيجلس معها وين بيجلسون كل البيت صالات
وهو يقول ماله داعي مافي مساحه تساعد
وش رايكم انتم ؟
والشئ الثاني انا اقول له نسوي الصاله المعلقه وتكون جلستنا فيها مع اوفيس وهو يقول مالها داعي
نحط للولد فوق في الدور الثالث شقه متكامله صغيره ماتدرين الدنيا وش تصير وبمكان غرفته تكون صاله جلستنا فيها
والشغاله وغرفة الغسيل والكوي تكون برا في الحوش
ماادري احس ماله داعي شقه فوق بس هو مصر

ابي رايكم وشوركم علي انا الصح ولا هو
ههههههههه شكلنا تعاندنا قبل نبدا الله يستر من الباقي :)

11 تعليق 3,210 مشاهدة

شاركي في النقاش

سجلي الدخول لإضافة تعليق.

التعليقات

11
  1. @mlk2008_1

    :تصدقي حالتك تشبه حالتي
    انا وزوجي أفكارنا مختلفه كنت ابغى على الاقل فيلا دوبلكس وهو يبغا عماره علشان اهلو بيسكنوا معنا
    فجلست الح عليه وهو اذن من طين واذن من عجين
    واخررر شيء اتفقا عليه وهو اخذ الدور العلوي واهلوا اللي تحت والله اني كنت حاطه اماالي في الفيلا

    بس الحمد لله على كل حال


    :a_smil08::a_smil08::a_smil08:



    ا
  2. @daaaaa_asmy

    صاحبة الموضوع
    ملك2008
    :تصدقي حالتك تشبه حالتي انا وزوجي أفكارنا مختلفه كنت ابغى على الاقل فيلا دوبلكس وهو يبغا عماره علشان اهلو بيسكنوا معنا فجلست الح عليه وهو اذن من طين واذن من عجين واخررر شيء اتفقا عليه وهو اخذ الدور العلوي واهلوا اللي تحت والله اني كنت ح…
    يعني نفس حالتنا بس ماقلتي رايك

    انا اقول اذا ارضكم كبيره سويها فلتين صغار يعني وحدات

تابعي تجارب أخرى من هذا القسم.